ਪਠਾਨਕੋਟ, 10 ਮਈ (ਵਿਨੋਦ)-ਸਪੋਰਟਸ ਕਰਾਟੇ ਐਸੋਸੀਏਸ਼ਨ ਜ਼ਿਲ੍ਹਾ ਪਠਾਨਕੋਟ ਵਲੋਂ ਜਨਰਲ ਸੈਕਟਰੀ ਸਚਿਨ ਕੁਮਾਰ ਦੀ ਅਗਵਾਈ 'ਚ ਐਸ.ਡੀ. ਕਾਲਜ ਪਠਾਨਕੋਟ ਵਿਖੇ ਇੰਟਰ ਸਕੂਲ ਕਰਾਟੇ ਚੈਂਪੀਅਨਸ਼ਿਪ ਕਰਵਾਈ ਗਈ | ਜਿਸ 'ਚ ਵੱਖ-ਵੱਖ ਸਕੂਲਾਂ ਦੇ ਬੱਚਿਆਂ ਨੇ ਭਾਗ ਲਿਆ | ਜਿਸ 'ਚ ਵਿਸ਼ੇਸ਼ ਤੌਰ 'ਤੇ ਪੰਜਾਬ ਕਰਾਟੇ ਕੋਚ ਕੁਲਦੀਪ ਸਿੰਘ, ਕਰਾਟੇ ਕੋਚ ਵਿਨੋਦ ਕੁਮਾਰ, ਕਰਾਟੇ ਕੋਚ ਅਮਿਤ ਮਨਸੋਤਰਾ, ਕੋਚ ਕਿ੍ਸ਼ਨਾ, ਕੋਚ ਮੋਹਿਤ, ਕੋਚ ਜਤਿਨ, ਕੋਚ ਹਰਸ਼ ਅੱਤਰੀ, ਜ਼ੋਨ ਨੀਤਿਨ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ | ਇਸ ਮੌਕੇ ਸਕੂਲਾਂ ਦੇ ਵੱਖ-ਵੱਖ ਬੱਚਿਆਂ ਦੇ ਕਰਾਟੇ ਮੁਕਾਬਲੇ ਕਰਵਾਏ ਗਏ ਤੇ ਅੱਵਲ ਰਹਿਣ ਵਾਲੇ ਬੱਚਿਆਂ ਨੂੰ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਜਨਰਲ ਸੈਕਟਰੀ ਸਚਿਨ ਤੇ ਪੰਜਾਬ ਕਰਾਟੇ ਕੋਚ ਕੁਲਦੀਪ ਸਿੰਘ ਨੇ ਕਿਹਾ ਕਿ ਅੱਜ ਦਾ ਜ਼ਮਾਨੇ 'ਚ ਬੱਚੇ ਜਿੱਥੇ ਨਸ਼ੇ ਵੱਲ ਜਾ ਰਹੇ ਹਨ, ਉਸ ਗੱਲ ਨੂੰ ਧਿਆਨ ਰੱਖਦੇ ਹੋਏ ਸਾਡੀ ਐਸੋਸੀਏਸ਼ਨ ਵਲੋਂ ਬੱਚਿਆਂ ਨੂੰ ਸਪੋਰਟਸ ਨਾਲ ਜੋੜਨ ਲਈ ਇਹ ਚੈਂਪੀਅਨਸ਼ਿਪ ਕਰਵਾਈ ਜਾ ਰਹੀ ਹੈ, ਤਾਂ ਜੋ ਬੱਚੇ ਚੰਗੇ ਪਾਸੇ ਲੱਗ ਕੇ ਆਪਣਾ ਅਤੇ ਆਪਣੇ ਮਾਂ ਪਿਓ ਦਾ ਨਾਂਅ ਰੌਸ਼ਨ ਕਰ ਸਕਣ |
