ਧਾਰਕਲਾਂ, 10 ਜੂਨ (ਨਰੇਸ਼ ਪਠਾਨੀਆ)-ਪੰਜਾਬ ਦੀ ਸਰਹੱਦ ਹਿਮਾਚਲ ਪ੍ਰਦੇਸ਼ ਚੰਬਾ ਦੇ ਪ੍ਰਵੇਸ਼ ਦੁਆਰ ਤੁਨੂਹੱਟੀ ਬੈਰੀਅਰ 'ਤੇ ਸੀਮੈਂਟ ਨਾਲ ਭਰਿਆ ਇਕ ਟਰੱਕ ਜੋ ਨਾਲਾਗੜ੍ਹ ਤੋਂ ਚੰਬਾ ਵੱਲ ਜਾ ਰਿਹਾ ਸੀ, ਐਚ.ਪੀ.24 ਡੀ. 7230 ਟਰੱਕ ਅੱਜ ਸਵੇਰੇ ਬਕਲੋਹ ਕੈਂਟ ਰੋਡ ਤੋਂ ਐਨ.ਐਚ. 154ਏ 'ਤੇ ਇਕ ਤਿੱਖੇ ਮੋੜ 'ਤੇ ਬੇਕਾਬੂ ਹੋ ਕੇ ਪਲਟ ਗਿਆ | ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ | ਹਾਦਸਾ ਇੰਨ੍ਹਾ ਜ਼ਬਰਦਸਤ ਸੀ ਕਿ ਵਾਹਨ ਦੇ ਪਰਖੱਚੇ ਉੱਡ ਗਏ ਅਤੇ ਪਠਾਨਕੋਟ-ਚੰਬਾ ਰਾਸ਼ਟਰੀ ਰਾਜ ਮਾਰਗ 'ਤੇ ਸੀਮੈਂਟ ਦੀਆਂ ਬੋਰੀਆਂ ਸੜਕ 'ਤੇ ਖਿੱਲਰ ਗਈਆਂ | ਇਸ ਹਾਦਸੇ ਵਿਚ ਟਰੱਕ ਦੇ ਚਾਲਕ ਅਤੇ ਉਸ ਦੇ 12 ਸਾਲ ਦੇ ਲੜਕੇ ਨੰੂ ਗੰਭੀਰ ਸੱਟਾਂ ਲੱਗੀਆਂ ਹਨ | ਨਾਲ ਲੱਗਦੇ ਤੁਨੂਹੱਟੀ ਟੈਕਸ ਬੈਰੀਅਰ 'ਤੇ ਤਾਇਨਾਤ ਪੁਲਿਸ ਕਰਮਚਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਟਰੱਕ ਚਾਲਕ ਅਤੇ ਉਸ ਦੇ ਲੜਕੇ ਨੰੂ ਕਾਫ਼ੀ ਮੁਸ਼ਕਿਲ ਨਾਲ ਟਰੱਕ ਵਿਚੋਂ ਕੱਢਿਆ ਅਤੇ ਇਲਾਜ ਲਈ ਹਸਪਤਾਲ ਭੇਜਿਆ | ਟਰੱਕ ਚਾਲਕ ਜਸਬੀਰ ਸਿੰਘ (38) ਅਤੇ ਉਨ੍ਹਾਂ ਦੇ ਲੜਕੇ ਵੰਸ਼ੂ (12) ਦੀ ਹਾਲਤ ਗੰਭੀਰ ਹੈ | ਪੁਲਿਸ ਨੇ ਟਰੱਕ ਤੋਂ ਡਿੱਗੀਆਂ ਸੀਮੈਂਟ ਦੀਆਂ ਬੋਰੀਆਂ ਨੰੂ ਸੜਕ ਤੋਂ ਹਟਾਇਆ ਅਤੇ ਸੜਕ 'ਤੇ ਆਵਾਜਾਈ ਨੰੂ ਬਹਾਲ ਕੀਤਾ |
