ਬਟਾਲਾ, 14 ਜੁਲਾਈ (ਰਾਕੇਸ਼ ਰੇਖੀ)-ਸ਼ਰਾਬ ਦੇ ਠੇਕੇ ’ਤੇ ਕੰਮ ਕਰਨ ਵਾਲਾ ਕੈਸ਼ੀਅਰ 98 ਹਜ਼ਾਰ ਰੁਪਏ ਲੈ ਕੇ ਫਰਾਰ ਹੋ ਗਿਆ। ਥਾਣਾ ਫਤਹਿਗੜ੍ਹ ਚੂੜੀਆਂ ਦੇ ਏ.ਐਸ.ਆਈ. ਵਰਿੰਦਰ ਸਿੰਘ ਨੇ ਦੱਸਿਆ ਕਿ ਸੁਖਰਾਜ ਮਸੀਹ ਵਾਸੀ ਈਸਾਨਗਰ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਇਲਾਕੇ ਵਿਚ ਸ਼ਰਾਬ ਦਾ ਕਾਰੋਬਾਰ ਕਰਨ ਵਾਲੀ ਸਟਾਰ ਵਾਈਨ ਕੰਪਨੀ ਵਿਚ ਬਤੌਰ ਜਨਰਲ ਮੈਨੇਜਰ ਕੰਮ ਕਰਦਾ ਹੈ। ਫਤਹਿਗੜ੍ਹ ਚੂੁੜੀਆਂ ਦੇ ਬਿਜਲੀ ਘਰ ਦੇ ਸਾਹਮਣੇ ਸਥਿਤ ਠੇਕੇ ’ਤੇ ਪਰਮਿੰਦਰ ਸਿੰਘ ਉਰਫ ਬੰਟੀ ਵਾਸੀ ਪਿੰਡ ਭਲਾ ਥਾਣਾ ਰਾਜਾਸਾਂਸੀ ਬਤੌਰ ਕੈਸ਼ੀਅਰ ਨਿਯੁਕਤ ਸੀ। ਬੀਤੇ ਦਿਨ ਬੰਟੀ ਠੇਕੇ ਦਾ 98 ਹਜ਼ਾਰ ਰੁਪਇਆ ਆਪਣੇ ਨਾਲ ਲੈ ਗਿਆ ਤੇ ਵਾਪਸ ਨਹੀਂ ਹੋਇਆ। ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ ’ਤੇ ਬੰਟੀ ਦੇ ਖਿਲਾਫ਼ ਧਾਰਾ 305 ਬੀਐਨਐਸ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
