ਗੈਸ ਡਲਿਵਰੀਮੈਨ ਨੂੰ ਘੇਰ ਕੇ 19 ਹਜ਼ਾਰ ਰੁਪਏ ਤੇ ਚਾਂਦੀ ਦੀ ਚੇਨ ਖੋਹੀ, ਇਕ ਮੁਲਜ਼ਮ ਕਾਬੂ
ਧਾਰੀਵਾਲ, 2 ਸਤੰਬਰ (ਸਵਰਨ ਸਿੰਘ)-ਧਾਰੀਵਾਲ ਪੁਲਿਸ ਨੇ ਗੈਸ ਡਿਲੀਵਰੀਮੈਨ ਕੋਲੋਂ ਨਕਦੀ ਅਤੇ ਚਾਂਦੀ ਦੀ ਚੇਨ ਖੋਹਣ ਦੇ ਮਾਮਲੇ ਵਿਚ ਕਾਰਵਾਈ ਕਰਦਿਆਂ ਇਕ ਮੁਲਜ਼ਮ ਨੂੰ ਕਾਬੂ ਕਰਕੇ ਉਸ ਕੋਲੋਂ 18 ਹਜ਼ਾਰ ਰੁਪਏ ਬਰਾਮਦ ਕੀਤੇ ਹਨ। ਪੁਲਿਸ ਨੇ ਅਜੇ ਕੁਮਾਰ ਪੁੱਤਰ ਮੁਖਤਿਆਰ ਮਸੀਹ ਵਾਸੀ ਡਡਵਾ ਦੇ ਬਿਆਨਾਂ ’ਤੇ ਸੁਖਰਾਜ ਉਰਫ਼ ਸੁੱਖ ਪੁੱਤਰ ਮੁਖਤਿਆਰ ਮਸੀਹ ਵਾਸੀ ਕੋਲੀਆਂ ਬਹਿਰਾਮਪੁਰ, ਕਵਲ ਪੁੱਤਰ ਮੀਦ ਮਸੀਹ ਵਾਸੀ ਮਾਨੇਪੁਰ, ਥਾਣਾ ਕਲਾਨੌਰ ਤੇ 2 ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ।
ਧਾਰੀਵਾਲ, 2 ਸਤੰਬਰ (ਸਵਰਨ ਸਿੰਘ)-ਧਾਰੀਵਾਲ ਪੁਲਿਸ ਨੇ ਗੈਸ ਡਿਲੀਵਰੀਮੈਨ ਕੋਲੋਂ ਨਕਦੀ ਅਤੇ ਚਾਂਦੀ ਦੀ ਚੇਨ ਖੋਹਣ ਦੇ ਮਾਮਲੇ ਵਿਚ ਕਾਰਵਾਈ ਕਰਦਿਆਂ ਇਕ ਮੁਲਜ਼ਮ ਨੂੰ ਕਾਬੂ ਕਰਕੇ ਉਸ ਕੋਲੋਂ 18 ਹਜ਼ਾਰ ਰੁਪਏ ਬਰਾਮਦ ਕੀਤੇ ਹਨ। ਪੁਲਿਸ ਨੇ ਅਜੇ ਕੁਮਾਰ ਪੁੱਤਰ ਮੁਖਤਿਆਰ ਮਸੀਹ ਵਾਸੀ ਡਡਵਾ ਦੇ ਬਿਆਨਾਂ ’ਤੇ ਸੁਖਰਾਜ ਉਰਫ਼ ਸੁੱਖ ਪੁੱਤਰ ਮੁਖਤਿਆਰ ਮਸੀਹ ਵਾਸੀ ਕੋਲੀਆਂ ਬਹਿਰਾਮਪੁਰ, ਕਵਲ ਪੁੱਤਰ ਮੀਦ ਮਸੀਹ ਵਾਸੀ ਮਾਨੇਪੁਰ, ਥਾਣਾ ਕਲਾਨੌਰ ਤੇ 2 ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਸ਼ਿਕਾਇਤਕਰਤਾ ਅਨੁਸਾਰ ਉਹ ਵੀਰ ਗੈਸ ਸਰਵਿਸ, ਨੇੜੇ ਲਾਲ ਬਾਗ ਧਾਰੀਵਾਲ ਵਿਖੇ ਡਿਲੀਵਰੀਮੈਨ ਵਜੋਂ ਕੰਮ ਕਰਦਾ ਹੈ। 1 ਸਤੰਬਰ ਨੂੰ ਕਰੀਬ 11 ਵਜੇ ਉਹ ਗੈਸ ਦੀ ਡਿਲੀਵਰੀ ਕਰਕੇ ਵਾਪਸ ਆ ਰਿਹਾ ਸੀ, ਜਦੋਂ ਉਹ ਡਡਵਾਂ ਰੋਡ ’ਤੇ ਅਮਰਜੀਤ ਹਸਪਤਾਲ ਨੇੜੇ ਪੁੱਜਿਆ ਤਾਂ ਮੁਲਜ਼ਮਾਂ ਨੇ ਉਸ ਨੂੰ ਘੇਰ ਕੇ ਗਾਲੀ-ਗਲੋਚ ਕੀਤੀ ਤੇ ਗੈਸ ਦੀ ਡਿਲੀਵਰੀ ਦੇ 19 ਹਜ਼ਾਰ ਰੁਪਏ ਤੇ ਗੱਲੇ ’ਚ ਪਾਈ ਚਾਂਦੀ ਦੀ ਚੇਨ ਖੋਹ ਕੇ ਫ਼ਰਾਰ ਹੋ ਗਏ। ਪੁਲਿਸ ਨੇ ਸੁਖਰਾਜ ਸਿੰਘ ਨੂੰ ਕਾਬੂ ਕਰਕੇ 18 ਹਜ਼ਾਰ ਰੁਪਏ ਬਰਾਮਦ ਕੀਤੇ ਹਨ।
