ਪਿੰਡ ਲੰਜੇਰਾ ਦੇ ਸੰਪਰਕ ਮਾਰਗ ਦੀ ਹਾਲਤ ਹੋਈ ਖਸਤਾ
ਧਾਰਕਲਾਂ, 2 ਸਤੰਬਰ (ਨਰੇਸ਼ ਪਠਾਨੀਆ)-ਤਹਿਸੀਲ ਧਾਰਕਲਾਂ ਅਧੀਨ ਪੈਂਦੀ ਗ੍ਰਾਮ ਪੰਚਾਇਤ ਲੰਜੇਰਾ ਨੂੰ ਜਾਣ ਵਾਲਾ ਸੰਪਰਕ ਮਾਰਗ ਬਹੁਤ ਹੀ ਖਸਤਾ ਹਾਲਤ ’ਚ ਪਹੁੰਚ ਚੁੱਕਾ ਹੈ। ਖਸਤਾ ਹਾਲਤ ਸੜਕ ਨੂੰ ਲੈ ਕੇ ਸਥਾਨਕ ਨਿਵਾਸੀਆਂ ਮੈਂਬਰ ਪੰਚਾਇਤ ਸੁਮੇਲਦੀਨ, ਸਾਬਕਾ ਸਰਪੰਚ ਲੰਜੇਰਾ ਵਿਜੇ ਧੀਮਾਨ, ਕਮਲਜੀਤ ਸਿੰਘ ਬਲੌਰੀਆ, ਫਰੀਦ ਦੀਨ, ਕਮਰਦੀਨ, ਨਾਗਰ ਸਿੰਘ ਬਲੌਰੀਆ ਤੇ ਬਿਕਰਮ ਸਿੰਘ ਆਦਿ ਨੇ ਦੱਸਿਆ ਕਿ ਪਿਛਲੇ ਤਿੰਨ ਸਾਲਾਂ ਤੋਂ ਮੰਡੀ ਬੋਰਡ ਅਧੀਨ ਆਉਂਦੀ ਇਸ ਸੜਕ ਦੀ ਕੋਈ ਸਾਰ ਨਹੀਂ ਲਈ ਗਈ ।
ਗ
ਗ੍ਰਾਮ ਪੰਚਾਇਤ ਲੰਜੇਰਾ ਦੀ ਖਸਤਾ ਹਾਲਤ ਸੜਕ ਦਾ ਦ੍ਰਿਸ਼ । ਤਸਵੀਰ: ਪਠਾਨੀਆ
03-09-2026
ਧਾਰਕਲਾਂ, 2 ਸਤੰਬਰ (ਨਰੇਸ਼ ਪਠਾਨੀਆ)-ਤਹਿਸੀਲ ਧਾਰਕਲਾਂ ਅਧੀਨ ਪੈਂਦੀ ਗ੍ਰਾਮ ਪੰਚਾਇਤ ਲੰਜੇਰਾ ਨੂੰ ਜਾਣ ਵਾਲਾ ਸੰਪਰਕ ਮਾਰਗ ਬਹੁਤ ਹੀ ਖਸਤਾ ਹਾਲਤ ’ਚ ਪਹੁੰਚ ਚੁੱਕਾ ਹੈ। ਖਸਤਾ ਹਾਲਤ ਸੜਕ ਨੂੰ ਲੈ ਕੇ ਸਥਾਨਕ ਨਿਵਾਸੀਆਂ ਮੈਂਬਰ ਪੰਚਾਇਤ ਸੁਮੇਲਦੀਨ, ਸਾਬਕਾ ਸਰਪੰਚ ਲੰਜੇਰਾ ਵਿਜੇ ਧੀਮਾਨ, ਕਮਲਜੀਤ ਸਿੰਘ ਬਲੌਰੀਆ, ਫਰੀਦ ਦੀਨ, ਕਮਰਦੀਨ, ਨਾਗਰ ਸਿੰਘ ਬਲੌਰੀਆ ਤੇ ਬਿਕਰਮ ਸਿੰਘ ਆਦਿ ਨੇ ਦੱਸਿਆ ਕਿ ਪਿਛਲੇ ਤਿੰਨ ਸਾਲਾਂ ਤੋਂ ਮੰਡੀ ਬੋਰਡ ਅਧੀਨ ਆਉਂਦੀ ਇਸ ਸੜਕ ਦੀ ਕੋਈ ਸਾਰ ਨਹੀਂ ਲਈ ਗਈ । ਜਿਸ ਕਾਰਨ ਸੜਕ ’ਤੇ ਪਈ ਲੁੱਕ, ਰੋੜੀ ਵੀ ਉੱਖੜ ਚੁੱਕੀ ਹੈ ਤੇ ਸੜਕ ’ਤੇ ਜਗ੍ਹਾ-ਜਗ੍ਹਾ ਵੱਡੇ-ਵੱਡੇ ਟੋਏ ਪੈ ਚੁੱਕੇ ਹਨ । ਜਿਸ ਕਰਕੇ ਵਾਹਨਾਂ ਦੀ ਆਵਾਜਾਈ ਬਹੁਤ ਹੀ ਮੁਸ਼ਕਿਲ ਹੋ ਗਈ ਹੈ । ਬਰਸਾਤ ਦੌਰਾਨ ਟੋਇਆਂ ’ਚ ਪਾਣੀ ਭਰ ਜਾਂਦਾ ਹੈ ਤੇ ਵਾਹਨ ਚਾਲਕਾਂ ਨੂੰ ਟੋਇਆਂ ਦੀ ਡੂੰਘਾਈ ਦਾ ਪਤਾ ਨਹੀਂ ਚੱਲ ਪਾਉਂਦਾ ਤੇ ਵੱਡੇ-ਵੱਡੇ ਟੋਇਆਂ ’ਚ ਵਾਹਨ ਡਿੱਗ ਕੇ ਨੁਕਸਾਨੇ ਜਾਂਦੇ ਹਨ ਤੇ ਰਾਹਗੀਰ ਜ਼ਖਮੀ ਹੋ ਜਾਂਦੇ ਹਨ । ਸਥਾਨਕ ਲੋਕਾਂ ਨੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ’ਤੇ ਦੋਸ਼ ਲਗਾਏ ਹਨ ਕਿ ਸਰਕਾਰ ਧਾਰ ਬਲਾਕ ਦੇ ਪਿੰਡਾਂ ਦੇ ਲੋਕਾਂ ਨਾਲ ਮਤਰੇਈ ਮਾਂ ਵਾਲਾ ਸਲੂਕ ਕਰ ਰਹੀ ਹੈ । ਉਨ੍ਹਾਂ ਕਿਹਾ ਕਿ ਇਸ ਖਸਤਾ ਹਾਲਤ ਸੜਕ ਦੀ ਜਲਦ ਮੁਰੰਮਤ ਕਰਵਾਈ ਜਾਵੇ, ਨਹੀਂ ਤਾਂ ਉਹ ਵੱਡੇ ਪੱਧਰ ’ਤੇ ਮੁੱਖ ਸੜਕ ’ਤੇ ਚੱਕਾ ਜਾਮ ਕਰਕੇ ਵਿਰੋਧ ਪ੍ਰਦਰਸ਼ਨ ਕਰਨ ਨੂੰ ਮਜ਼ਬੂਰ ਹੋਣਗੇ ।
