ਚੋਰਾਂ ਨੇ ਦੁਕਾਨ ਦੀ ਕੰਧ ਤੋੜ ਕੇ ਹਜ਼ਾਰਾਂ ਰੁਪਏ ਦਾ ਸਮਾਨ ਕੀਤਾ ਚੋਰੀ
ਸ਼ਾਹਪੁਰ ਕੰਢੀ, 10 ਨਵੰਬਰ (ਰਣਜੀਤ ਸਿੰਘ)-ਪਿੰਡ ਜੰਦਰਾਈ ਦੀ ਮੁੱਖ ਸੜਕ ’ਤੇ ਟਾਇਰ, ਕਰਿਆਨਾ ਤੇ ਜਨਰਲ ਸਟੋਰ ਦੀ ਦੁਕਾਨ ਦੇ ਪਿਛਲੇ ਪਾਸੇ ਤੋਂ ਕੰਧ ਤੋੜ ਕੇ ਚੋਰ ਹਜ਼ਾਰਾਂ ਰੁਪਏ ਦਾ ਸਮਾਨ ਚੋਰੀ ਕਰਕੇ ਲੈ ਗਏ । ਦੁਕਾਨ ਮਾਲਕ ਵਿਸਾਖੀ ਰਾਮ ਨੇ ਦੱਸਿਆ ਕਿ ਉਹ ਬੀਤੀ ਰਾਤ ਦੁਕਾਨ ਨੂੰ ਤਾਲਾ ਲਗਾ ਕੇ ਘਰ ਗਿਆ ਸੀ ਅਤੇ ਜਦੋਂ ਅੱਜ ਉਸ ਨੇ ਸਵੇਰੇ ਦੁਕਾਨ ਖੋਲ੍ਹੀ ਤਾਂ ਪਿਛਲੇ ਪਾਸੇ ਤੋਂ ਰੌਸ਼ਨੀ ਆ ਰਹੀ ਸੀ ਕਿ ਜਦੋਂ ਉਸ ਨੇ ਅੰਦਰ ਜਾ ਕੇ ਦੇਖਿਆ ਤਾਂ ਦੁਕਾਨ ਦੀ ਪਿਛਲੀ ਕੰਧ ਟੁੱਟੀ ਪਈ ਸੀ ਅਤੇ ਦੁਕਾਨ ਅੰਦਰੋਂ ਕੀਮਤੀ ਸਮਾਨ ਵੀ ਚੋਰੀ ਹੋ ਚੁੱਕਾ ਸੀ ।
ਸ਼ਾਹਪੁਰ ਕੰਢੀ, 10 ਨਵੰਬਰ (ਰਣਜੀਤ ਸਿੰਘ)-ਪਿੰਡ ਜੰਦਰਾਈ ਦੀ ਮੁੱਖ ਸੜਕ ’ਤੇ ਟਾਇਰ, ਕਰਿਆਨਾ ਤੇ ਜਨਰਲ ਸਟੋਰ ਦੀ ਦੁਕਾਨ ਦੇ ਪਿਛਲੇ ਪਾਸੇ ਤੋਂ ਕੰਧ ਤੋੜ ਕੇ ਚੋਰ ਹਜ਼ਾਰਾਂ ਰੁਪਏ ਦਾ ਸਮਾਨ ਚੋਰੀ ਕਰਕੇ ਲੈ ਗਏ । ਦੁਕਾਨ ਮਾਲਕ ਵਿਸਾਖੀ ਰਾਮ ਨੇ ਦੱਸਿਆ ਕਿ ਉਹ ਬੀਤੀ ਰਾਤ ਦੁਕਾਨ ਨੂੰ ਤਾਲਾ ਲਗਾ ਕੇ ਘਰ ਗਿਆ ਸੀ ਅਤੇ ਜਦੋਂ ਅੱਜ ਉਸ ਨੇ ਸਵੇਰੇ ਦੁਕਾਨ ਖੋਲ੍ਹੀ ਤਾਂ ਪਿਛਲੇ ਪਾਸੇ ਤੋਂ ਰੌਸ਼ਨੀ ਆ ਰਹੀ ਸੀ ਕਿ ਜਦੋਂ ਉਸ ਨੇ ਅੰਦਰ ਜਾ ਕੇ ਦੇਖਿਆ ਤਾਂ ਦੁਕਾਨ ਦੀ ਪਿਛਲੀ ਕੰਧ ਟੁੱਟੀ ਪਈ ਸੀ ਅਤੇ ਦੁਕਾਨ ਅੰਦਰੋਂ ਕੀਮਤੀ ਸਮਾਨ ਵੀ ਚੋਰੀ ਹੋ ਚੁੱਕਾ ਸੀ । ਉਸ ਨੇ ਦੱਸਿਆ ਕਿ ਉਹ ਟਾਇਰਾਂ ਨੂੰ ਪੈਂਚਰ ਲਗਾਉਣ ਦਾ ਕੰਮ ਕਰਦਾ ਹੈ ਅਤੇ ਕੁਝ ਦਿਨ ਪਹਿਲਾਂ ਹੀ ਉਸ ਨੇ ਕਰਿਆਨਾ ਤੇ ਜਨਰਲ ਸਟੋਰ ਦਾ ਸਮਾਨ ਵੀ ਲਿਆਂਦਾ ਸੀ । ਚੋਰ ਉਸ ਦੇ 6 ਟਾਇਰ, 10 ਟਿਊਬਾਂ, 2 ਤੇਲ ਦੇ ਟੀਨ, 2 ਰਿਫਾਇੰਡ ਤੇਲ ਦੀਆਂ ਪੇਟੀਆਂ, ਪੇਸਟਾਂ ਅਤੇ ਸੈਂਟ ਆਦਿ ਦੀਆਂ ਸ਼ੀਸ਼ੀਆਂ ਚੋਰੀ ਕਰਕੇ ਲੈ ਗਏ । ਉਨ੍ਹਾਂ ਇਸ ਦੀ ਸ਼ਿਕਾਇਤ ਥਾਣਾ ਸ਼ਾਹਪੁਰ ਕੰਢੀ ਵਿਖੇ ਦਰਜ ਕਰਵਾ ਦਿੱਤੀ ਹੈ । ਇਸ ਸਬੰਧੀ ਐਸ.ਐਚ.ਓ. ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਚੋਰੀ ਦੀ ਸ਼ਿਕਾਇਤ ਆ ਗਈ ਹੈ ਅਤੇ ਉਹ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਸਹਾਇਤਾ ਨਾਲ ਸੁਰਾਗ ਲੱਭਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।
