ਫ਼ਾਜ਼ਿਲਕਾ, 2 ਮਈ (ਅਮਰਜੀਤ ਸ਼ਰਮਾ)-ਅਥਲੈਟਿਕਸ ਫੈਡਰੇਸ਼ਨ ਆਫ਼ ਇੰਡੀਆ ਵਲੋਂ ਕਰਵਾਈ ਗਈ 24ਵੀਂ ਨੈਸ਼ਨਲ ਜੂਨੀਅਰ ਅੰਡਰ 20 ਅਥਲੈਟਿਕ ਮੁਕਾਬਲੇ 2026 'ਚ ਫ਼ਾਜ਼ਿਲਕਾ ਦੇ ਪਿੰਡ ਢਾਣੀ ਮੁਨਸ਼ੀ ਰਾਮ ਦੇ ਨੌਜਵਾਨ ਲੜਕੇ ਨੇ 5 ਹਜ਼ਾਰ ਮੀਟਰ ਦੀ ਦੌੜ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕਾਂਸੇ ਦਾ ਤਗਮਾ ਹਾਸਲ ਕੀਤਾ ਹੈ | ਜਾਣਕਾਰੀ ਅਨੁਸਾਰ ਕਰਨਾਟਕਾ ਵਿਖੇ ਹੋਏ ਤਿੰਨ ਰੋਜ਼ਾ ਅਥਲੈਟਿਕਸ ਮੁਕਾਬਲਿਆਂ 'ਚ ਵੱਖ-ਵੱਖ ਸੂਬਿਆਂ ਦੇ ਖਿਡਾਰੀਆਂ ਨੇ ਭਾਗ ਲਿਆ | ਜਿਸ ਵਿਚ ਫ਼ਾਜ਼ਿਲਕਾ ਦੀ ਢਾਣੀ ਮੁਨਸ਼ੀ ਰਾਮ (ਬਹਿਕ ਖ਼ਾਸ)ਦੇ ਨੌਜਵਾਨ ਗੁਰਪ੍ਰੀਤ ਕੰਬੋਜ ਪੁੱਤਰ ਦੇਸਰਾਜ ਨੇ 5 ਹਜ਼ਾਰ ਮੀਟਰ ਦੌੜ ਵਿਚ ਦੂਜਾ ਸਥਾਨ ਪ੍ਰਾਪਤ ਕਰਕੇ ਕਾਂਸੇ ਦਾ ਤਗਮਾ ਜਿੱਤਿਆ | ਜਿੱਤਣ ਤੋਂ ਬਾਅਦ ਨੌਜਵਾਨ ਗੁਰਪ੍ਰੀਤ ਕੰਬੋਜ ਦਾ ਪਿੰਡ ਪੁੱਜਣ 'ਤੇ ਪਿੰਡ ਵਾਸੀਆਂ ਵਲੋਂ ਭਰਵਾਂ ਸਵਾਗਤ ਕੀਤਾ ਗਿਆ ਅਤੇ ਉਸ ਦੇ ਸੁਨਹਿਰੇ ਭਵਿੱਖ ਦੀ ਕਾਮਨਾ ਕੀਤੀ |
