ਜਲਾਲਾਬਾਦ, 14 ਮਈ (ਕਰਨ ਚੁਚਰਾ)-ਥਾਣਾ ਸਦਰ ਜਲਾਲਾਬਾਦ ਪੁਲਿਸ ਨੇ ਬੀ.ਐੱਸ.ਐਫ ਦੀ ਇਤਲਾਹ 'ਤੇ ਖੇਤਾਂ 'ਚੋਂ ਡਰੋਨ ਬਰਾਮਦ ਕੀਤਾ ਹੈ | ਜਾਂਚ ਅਧਿਕਾਰੀ ਸਹਾਇਕ ਥਾਣੇਦਾਰ ਗੁਰਨਾਮ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬੀ.ਐਸ.ਐਫ ਚੱਕ ਟਾਹਲੀ ਵਾਲਾ ਤੋਂ ਇਕ ਟੈਲੀਫ਼ੋਨ ਆਇਆ ਕਿ ਪਿੰਡ ਚੱਕ ਬਜ਼ੀਦਾ ਦੇ ਖੇਤਾਂ ਵਿਚ ਡਰੋਨ ਮਿਲਿਆ ਹੈ | ਜਿਸ 'ਤੇ ਸਹਾਇਕ ਥਾਣੇਦਾਰ ਗੁਰਨਾਮ ਸਿੰਘ ਸਮੇਤ ਸਾਥੀ ਮੌਕੇ 'ਤੇ ਪੁੱਜੇ, ਜਿੱਥੇ ਕਣਕ ਦੇ ਨਾੜ ਵਿਚ ਇਕ ਡਰੋਨ ਮਿਲਿਆ | ਪੁਲਿਸ ਨੇ ਮੌਕੇ ਤੋਂ ਸੁਰਮਈ ਰੰਗ ਦਾ ਇਕ ਡਰੋਨ ਡੀ.ਜੇ.ਆਈ ਏਅਰ 3 ਸਮੇਤ ਬੈਟਰੀ ਬਰਾਮਦ ਕੀਤੀ ਹੈ | ਬੀ.ਐਸ.ਐਫ ਦੇ ਅਸਿਸਟੈਂਟ ਕਮਾਡੈਂਟ ਸ੍ਰੀ ਪੀ. ਰੰਗ ਹੋਗ, ਈਕੋ ਕਮਾਂਡਰ 65 ਬਟਾਲੀਅਨ ਬੀ.ਐਸ.ਐਫ ਦਾ ਪੱਤਰ ਮਿਲਣ 'ਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ |
