ਮੰਡੀ ਲਾਧੂਕਾ, 5 ਜੂਨ (ਰਾਕੇਸ਼ ਛਾਬੜਾ)-ਨਗਰ ਕੌਂਸਲ ਅਬੋਹਰ ਦੇ ਸਾਬਕਾ ਪ੍ਰਧਾਨ ਬਾਬੂ ਰਾਮ ਆਰਿਆ ਦੀ ਅਗਵਾਈ ਹੇਠ ਧਾਨਕ ਸਮਾਜ ਦਾ ਇਕ ਵਫ਼ਦ ਆਪਣੀਆਂ ਸਮੱਸਿਆਵਾਂ ਦੇ ਹੱਲ ਲਈ ਹਰਿਆਣਾ ਦੇ ਮੁੱਖਮੰਤਰੀ ਨਾਇਬ ਸਿੰਘ ਸੈਣੀ ਨੂੰ ਮਿਲਿਆ | ਇਸ ਦੌਰਾਨ ਆਗੂਆਂ ਵਲੋਂ ਧਾਨਕ ਸਮਾਜ ਨੂੰ ਦਰਪੇਸ਼ ਸਮੱਸਿਆਵਾਂ ਤੋਂ ਹਰਿਆਣਾ ਦੇ ਮੁੱਖਮੰਤਰੀ ਨੂੰ ਜਾਣੂੰ ਕਰਵਾਇਆ ਗਿਆ ਹੈ | ਸਮਾਜ ਦੀਆਂ ਸਾਰੀਆਂ ਸਮੱਸਿਆਵਾਂ ਨੂੰ ਗ਼ੌਰ ਨਾਲ ਸੁਣਨ ਤੋਂ ਬਾਅਦ ਇਨ੍ਹਾਂ ਦੇ ਹੱਲ ਦਾ ਭਰੋਸਾ ਦਿੱਤਾ ਹੈ | ਇਸ ਮੌਕੇ 'ਤੇ ਭਗਵਾਨ ਦਾਸ ਇਟਕਾਨ, ਰਾਜੂ ਲਡਵਾਲ, ਬੰਸੀ ਲਾਲ, ਸੀਤਾ ਰਾਮ, ਰਾਜ ਪਾਲ ਇੰਦੋਰਾ, ਬੂਟਾ ਸਿੰਘ, ਮਦਨ ਲਾਲ ਖਟਕ, ਵਿਜੈ ਕੁਮਾਰ, ਹਰੀਕ੍ਰਿਸ਼ਨ, ਰਮੇਸ਼ ਕੁਮਾਰ ਆਦਿ ਹਾਜ਼ਰ ਸਨ |
