ਮਾਨਾਂਵਾਲਾ, 28 ਫਰਵਰੀ (ਗੁਰਦੀਪ ਸਿੰਘ ਨਾਗੀ)-ਪੰਜਾਬੀ ਜਿਥੇ ਵਿਦੇਸ਼ਾਂ ਵਿਚ ਰਹਿ ਕੇ ਕਿਰਤ ਕਰਕੇ ਜਿਥੇ ਪੰਜਾਬ ਤੇ ਪੰਜਾਬੀਆਂ ਦਾ ਨਾਮ ਰੁਸ਼ਨਾਉਂਦੇ ਹਨ ਉਥੇ ਉਹ ਆਪਣੀਆਂ ਜੜ੍ਹਾਂ ਨਾਲ ਵੀ ਜੁੜੇ ਰਹਿੰਦੇ ਹਨ ਅਤੇ ਸੱਤ ਸਮੁੰਦਰ ਤੋਂ ਪਾਰ ਰਹਿੰਦਿਆਂ ਵੀ ਆਪਣੀ ਮਿੱਟੀ ਦੇ ਮੋਹ ਵਿਚ ਭਿੱਜੇ ਰਹਿੰਦੇ ਹਨ ਅਤੇ ਹਲਕਾ ਜੰਡਿਆਲਾ ਗੁਰੂ ਦੇ ਪਿੰਡ ਨਿੱਜਰਪੁਰਾ ਦੇ ਅਜਿਹੇ ਹੀ ਐਨ.ਆਰ.ਆਈ. ਭਰਾ ਸੁਖਦੇਵ ਸਿੰਘ ਤੇ ਕੁਲਦੀਪ ਸਿੰਘ ਨਿੱਜਰਪੁਰਾ, ਜੋ ਅਮਰੀਕਾ ਵਿੱਚ ਰਹਿੰਦਿਆਂ ਜਿਥੇ ਆਪਣੇ ਪਿੰਡ ਦੇ ਸਮਾਜਿਕ ਤੇ ਧਾਰਮਿਕ ਕਾਰਜਾਂ ਵਿਚ ਵੱਡਮੱੁਲਾ ਯੋਗਦਾਨ ਪਾੳਾੁਦੇ ਰਹਿੰਦੇ ਹਨ ਉਥੇ ਉਹ ਆਪਣੀ ਕਿਰਤ ਕਮਾਈ ਵਿਚੋਂ ਆਲ ਇੰਡੀਆ ਪਿੰਗਲਵਾੜਾ ਚੈਰੀਟੇਬਲ ਸੋਸਾਇਟੀ, ਅੰਮਿ੍ਤਸਰ, ਜੋ ਮਨੁੱਖਤਾ ਦੀ ਸੇਵਾ ਦੇ ਵਿਲੱਖਣ ਕਾਰਜ਼ ਵਿਚ ਜੱੁਟੀ ਹੋਈ ਹੈ, ਲਈ ਵੀ ਹਰ ਸਾਲ ਵਿੱਤ ਅਨੁਸਾਰ ਦਾਨ ਭੇਜਦੇ ਹਨ | ਇਸ ਵਾਰ ਐਨ.ਆਰ.ਆਈ. ਸੁਖਦੇਵ ਸਿੰਘ, ਜੋ ਆਪਣੇ ਪਿੰਡ ਨਿੱਜਰਪੁਰਾ ਆਏ ਹੋਏ ਹਨ, ਨੇ ਖੁੱਦ ਪਿੰਗਲਵਾੜਾ ਸੰਸਥਾ, ਮਾਨਾਂਵਾਲਾ ਦੌਰਾ ਕਰਕੇ ਜਿਥੇ ਪਿੰਗਲਵਾੜਾ ਸੰਸਥਾ ਦੇ ਮੁੱਖ ਸੇਵਾਦਾਰ ਡਾ.ਇੰਦਰਜੀਤ ਕੌਰ ਨਾਲ ਮੁਲਾਕਾਤ ਕਰਕੇ ਅਸ਼ੀਰਵਾਦ ਲਿਆ ਉਥੇ ਪਿੰਗਲਵਾੜਾ ਸੰਸਥਾ ਲਈ ਇਕ ਲੱਖ ਰੁਪਏ ਦੀ ਰਾਸ਼ੀ ਵੀ ਭੇਟ ਕੀਤੀ | ਡਾ. ਇੰਦਰਜੀਤ ਕੌਰ ਨੇ ਕਿਹਾ ਕਿ ਪਿੰਗਲਵਾੜਾ ਸੰਸਥਾ ਦਾ ਰੋਜ਼ ਦਾ ਖਰਚਾ 12 ਲੱਖ ਰੁਪਏ ਹੈ, ਜੋ ਪਿੰਗਲਵਾੜਾ ਪ੍ਰੇਮੀਆਂ ਦੇ ਸਹਿਯੋਗ ਨਾਲ ਹੀ ਚੱਲਦਾ ਹੈ ਅਤੇ ਉਹ ਧੰਨਵਾਦੀ ਹਨ ਆਪਣੇ ਐੱਨ.ਆਰ.ਆਈ. ਭਰਾਵਾਂ ਦੇ, ਜੋ ਵਿਦੇਸ਼ਾਂ ਵਿਚ ਰਹਿ ਕੇ ਵੀ ਪਿੰਵਲਵਾੜਾ ਸੰਸਥਾ ਤੇ ਉਸਦੇ ਪਰਿਵਾਰ ਦੀ ਸੇਵਾ ਲਈ ਤੱਤਪਰ ਰਹਿੰਦੇ ਹਨ | ਐਨ.ਆਰ.ਆਈ. ਸੁਖਦੇਵ ਸਿੰਘ ਨੇ ਕਿਹਾ ਕਿ ਉਹ ਭਵਿੱਖ ਵਿਚ ਵੀ ਪਿੰਗਲਵਾੜਾ ਸੰਸਥਾ ਨਾਲ ਜੁੜੇ ਰਹਿਣਗੇ ਅਤੇ ਆਪਣੇ ਸਾਥੀਆਂ ਨੂੰ ਸੰਸਥਾ ਨਾਲ ਜੁੜਨ ਲਈ ਪ੍ਰੇਰਿਤ ਕਰਨਗੇ |
