ਅੰਮਿ੍ਤਸਰ, 14 ਮਈ (ਰਾਜੇਸ਼ ਕੁਮਾਰ ਸ਼ਰਮਾ)-ਬੀ. ਬੀ. ਕੇ. ਡੀ. ਏ. ਵੀ. ਕਾਲਜ ਫਾਰ ਵੂਮੈਨ ਦੀਆਂ ਐੱਨ. ਐੱਸ. ਐੱਸ. ਵਲੰਟੀਅਰਾਂ ਨੇ ਪੰਜਾਬ ਸਰਕਾਰ ਦੇ ਯੂਥ ਸਰਵਿਸਿਜ਼ ਵਿਭਾਗ ਵਲੋਂ ਹਰੀਕੇ ਪੱਤਣ ਵੈਟਲੈਂਡ, ਤਰਨ ਤਾਰਨ ਵਿਖੇ ਪੰਜ ਦਿਨਾਂ ਦੇ ਐਡਵੈਂਚਰ ਟਰੈਕਿੰਗ ਅਤੇ ਹਾਈਕਿੰਗ ਕੈਂਪ 'ਚ ਭਾਗ ਲਿਆ | ਇਸ ਕੈਂਪ ਦਾ ਉਦੇਸ਼ ਵਿਦਿਆਰਥੀਆਂ 'ਚ ਸਰੀਰਕ ਤੰਦਰੁਸਤੀ, ਵਾਤਾਵਰਨ ਜਾਗਰੂਕਤਾ, ਟੀਮ ਵਰਕ ਅਤੇ ਅਨੁਭਵਾਤਮਕ ਸਿਖਲਾਈ ਨੂੰ ਉਤਸ਼ਾਹਿਤ ਕਰਨਾ ਸੀ | ਕੈਂਪ ਦੀ ਸ਼ੁਰੂਆਤ ਭਾਗੀਦਾਰਾਂ ਦੇ ਰਜਿਸਟਰੇਸ਼ਨ ਨਾਲ ਹੋਈ, ਜਿਸ ਤੋਂ ਬਾਅਦ ਰਹਿਣ ਦੀਆਂ ਵਿਵਸਥਾਵਾਂ ਕੀਤੀਆਂ ਗਈਆਂ ਅਤੇ ਹਰੀਕੇ ਪਟਨ ਵੈਟਲੈਂਡ ਦਾ ਦੌਰਾ ਕਰਵਾਇਆ ਗਿਆ, ਜਿੱਥੇ ਵਿਦਿਆਰਥੀਆਂ ਨੇ ਕੁਦਰਤੀ ਵਾਤਾਵਰਨ ਦੀ ਖੋਜ ਕੀਤੀ ਅਤੇ ਫੋਟੋਗ੍ਰਾਫੀ ਪ੍ਰੋਗਰਾਮ ਵਿਚ ਭਾਗ ਲਿਆ | ਉਨ੍ਹਾਂ ਨੇ ਇਸ ਕੈਂਪ ਰਾਹੀਂ ਪਿੰਡਾਂ ਦੇ ਜੀਵਨ ਦਾ ਅਨੁਭਵ ਕੀਤਾ ਅਤੇ ਪਸ਼ੂਆਂ ਨਾਲ ਸੰਪਰਕ ਬਣਾਇਆ | ਵਲੰਟੀਅਰਾਂ ਨੇ ਨੇੜਲੇ ਬਰਡ ਸੈਂਚਰੀ ਦਾ ਸਿੱਖਿਆਦਾਇਕ ਦੌਰਾ ਕਰਕੇ ਉਨ੍ਹਾਂ ਨੇ ਜੈਵਿਕ ਵਿਵਿਧਤਾ ਅਤੇ ਸੁਰੱਖਿਆ ਬਾਰੇ ਜਾਣਕਾਰੀ ਪ੍ਰਾਪਤ ਕੀਤੀ | ਭਾਗੀਦਾਰਾਂ ਨੇ ਕੈਂਪ ਪ੍ਰਬੰਧਨ ਵਿਚ ਸਹਾਇਤਾ ਕੀਤੀ ਅਤੇ ਨੌਚ ਪਾਇੰਟ ਤੱਕ ਟਰੈਕਿੰਗ ਕੀਤੀ, ਨਾਲ ਹੀ ਵਿਆਖਿਆ ਕੇਂਦਰ ਦਾ ਦੌਰਾ ਵੀ ਕੀਤਾ | ਇਸ ਦੌਰਾਨ ਖੇਡ ਗਤੀਵਿਧੀਆਂ ਅਤੇ ਸੱਭਿਆਚਾਰਕ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ | ਕੈਂਪ ਦਾ ਸਮਾਪਨ ਵਿਦਾਇਗੀ ਸੈਸ਼ਨ, ਸਰਟੀਫਿਕੇਟ ਵੰਡ ਅਤੇ ਫੋਟੋਗ੍ਰਾਫ ਨਾਲ ਹੋਇਆ | ਭਾਗੀਦਾਰ ਉਤਸ਼ਾਹ ਦੀ ਭਾਵਨਾ ਅਤੇ ਸੁਹਾਵਣੀਆਂ ਯਾਦਾਂ ਨਾਲ ਵਾਪਸ ਪਰਤੇ | ਪਿ੍ੰਸੀਪਲ ਡਾ. ਪੁਸ਼ਪਿੰਦਰ ਵਾਲੀਆ ਨੇ ਵਿਦਿਆਰਥੀਆਂ ਦੇ ਉਤਸ਼ਾਹ ਅਤੇ ਸਰਗਰਮ ਭਾਗੀਦਾਰੀ ਦੀ ਪ੍ਰਸ਼ੰਸਾ ਕੀਤੀ ਅਤੇ ਇਸ ਤਰ੍ਹਾਂ ਦੇ ਉਪਰਾਲਿਆਂ ਦੀ ਮਹੱਤਤਾ ਨੂੰ ਸਮੂਹਿਕ ਵਿਕਾਸ ਲਈ ਅਤਿ ਜ਼ਰੂਰੀ ਦੱਸਿਆ | ਕੈਂਪ ਵਿਚ ਸ਼ਾਮਿਲ ਹੋਣ ਵਾਲੀਆਂ ਐੱਨ.ਐੱਸ.ਐੱਸ. ਵਲੰਟੀਅਰਾਂ 'ਚ ਕਿਰਨਪ੍ਰੀਤ ਕੌਰ, ਪ੍ਰਾਂਜਲ ਜੈਨ, ਰੀਆ ਭੱਲਾ ਅਤੇ ਮਨਪ੍ਰੀਤ ਕੌਰ ਸ਼ਾਮਿਲ ਸਨ | ਇਹ ਕੈਂਪ ਡਾ. ਸੁਰਭੀ ਧੀਰ, ਡਾ. ਨਿਧੀ ਅਗਰਵਾਲ ਅਤੇ ਮਿਸ ਅਕਸ਼ਿਕਾ ਅਨੇਜਾ, ਐੱਨ.ਐੱਸ.ਐੱਸ. ਪ੍ਰੋਗਰਾਮ ਅਫ਼ਸਰਾਂ ਦੀ ਅਗਵਾਈ ਹੇਠ ਕਰਵਾਇਆ ਗਿਆ |
