ਅੰਮਿ੍ਤਸਰ, 15 ਮਈ (ਰਾਜੇਸ਼ ਕੁਮਾਰ ਸ਼ਰਮਾ)-ਜੀ. ਆਰ. ਪੀ. ਥਾਣਾ ਅੰਮਿ੍ਤਸਰ ਦੀ ਪੁਲਿਸ ਨੇ ਇਕ ਯਾਤਰੀ ਦਾ ਗੁਆਚਿਆ ਬੈਗ ਸੌਂਪਿਆ | ਇਸ ਸੰਬੰਧੀ ਥਾਣਾ ਮੁਖੀ ਸ਼ਾਮ ਸੁੰਦਰ ਸ਼ਰਮਾ ਨੇ ਦੱਸਿਆ ਕਿ ਰੇਲਗੱਡੀ ਨੰਬਰ 14673 'ਚ ਫਗਵਾੜਾ ਰੇਲਵੇ ਸਟੇਸ਼ਨ 'ਤੇ ਸੋਨੂੰ ਕੁਮਾਰ ਵਾਸੀ ਫਗਵਾੜਾ ਆਪਣਾ ਬੈਗ ਗਲਤੀ ਨਾਲ ਛੱਡ ਗਿਆ ਸੀ, ਜਿਸਨੂੰ ਡਿਊਟੀ ਦੌਰਾਨ ਏ. ਐਸ. ਆਈ. ਸ਼ਾਮ ਸੁੰਦਰ ਨੇ ਬਰਾਮਦ ਕੀਤਾ | ਜਾਂਚ ਕਰਨ 'ਤੇ ਬੈਗ ਵਿਚੋਂ 12 ਸੋਨੇ ਦੀਆਂ ਮੁੰਦਰੀਆਂ, 6 ਚਾਂਦੀ ਦੀਆਂ ਮੁੰਦਰੀਆਂ, 1 ਸੋਨੇ ਦੀ ਚੇਨ, 1 ਜੋੜਾ ਸੋਨੇ ਦੀਆਂ ਵਾਲੀਆਂ ਅਤੇ 9,100 ਰੁਪਏ ਦੀ ਨਕਦੀ ਬਰਾਮਦ ਕੀਤੀ | ਉਨ੍ਹਾਂ ਕਿਹਾ ਕਿ ਉਕਤ ਯਾਤਰੀ ਸੋਨੂੰ ਕੁਮਾਰ ਨਾਲ ਸੰਪਰਕ ਕੀਤਾ ਗਿਆ, ਜਿਸਨੂੰ ਜੀ. ਆਰ. ਪੀ. ਅੰਮਿ੍ਤਸਰ ਵਿਖੇ ਬੈਗ ਸੌਂਪ ਦਿੱਤਾ |
