ਅੰਮਿ੍ਤਸਰ, 11 ਜੂਨ (ਹਰਮਿੰਦਰ ਸਿੰਘ)-ਅੱਜ ਸ਼ਾਮ ਨੂੰ ਆਈ ਤੇਜ਼ ਹਨ੍ਹੇਰੀ ਦੇ ਕਾਰਨ ਸਥਾਨਕ ਲੂਣ ਮੰਡੀ ਇਲਾਕੇ ਵਿਚ ਇਕ ਬਨੇਰੇ ਦੀ ਕੰਧ ਡਿੱਗਣ ਦੇ ਕਾਰਨ ਉਸ ਦੇ ਹੇਠਾਂ ਆਉਣ ਨਾਲ ਬਾਜ਼ਾਰ ਵਿਚੋਂ ਨਿਕਲ ਰਹੇ ਇਕ ਬਜ਼ੁਰਗ ਦੀ ਮੌਤ ਹੋ ਗਈ ਜਦੋਂ ਕਿ ਇਕ ਹੋਰ ਵਿਅਕਤੀ ਜਖ਼ਮੀ ਹੋ ਗਿਆ | ਅੱਜ ਸ਼ਾਮ 6 ਵਜੇ ਦੇ ਕਰੀਬ ਤੇਜ਼ ਹਨ੍ਹੇਰੀ ਚੱਲਣ ਕਾਰਨ ਲੂਣ ਮੰਡੀ ਬਾਜ਼ਾਰ ਵਿਖੇ ਚਿੰਤਪੁਰਨੀ ਮੰਦਿਰ ਨੇੜੇ ਦੁਕਾਨਾਂ ਦੇ ਉਪਰ ਬਣਿਆ ਬਨ੍ਹੇਰਾ ਜੋ ਖਸਤਾ ਹਾਲਤ ਵਿਚ ਸੀ ਡਿੱਗ ਗਿਆ | ਜਿਸ ਦੇ ਹੇਠਾਂ ਆਉਣ ਨਾਲ ਇਕ ਬਜ਼ੁਰਗ ਦੀ ਮੌਤ ਹੋ ਗਈ | ਜਦੋਂ ਕਿ ਇਕ ਹੋਰ ਵਿਅਕਤੀ ਜ਼ਖ਼ਮੀ ਹੋ ਗਿਆ | ਇਸ ਘਟਨਾ ਦੀ ਇਤਲਾਹ ਮਿਲਦੇ ਹੀ ਪੁਲਿਸ ਮੌਕੇ 'ਤੇ ਪਹੁੰਚ ਗਈ |
