16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 14-02-2026

ਅਖੰਡ ਯੱਗ ਰਾਸ਼ਟਰੀ ਖ਼ੁਸ਼ਹਾਲੀ ਅਤੇ ਸਮਾਜਿਕ ਸਦਭਾਵਨਾ ਦਾ ਪ੍ਰਤੀਕ ਹੈ-ਪ੍ਰਵੀਨ ਅਗਰਵਾਲ ਐਮ.ਕੇ.

ਅਜੀਤ ਡੈਸਕ 14-02-2026
ਲੁਧਿਆਣਾ, 13 ਫਰਵਰੀ (ਪਰਮਿੰਦਰ ਸਿੰਘ ਆਹੂਜਾ)-ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਰੋਡ ਸਥਿਤ ਸਿੰਗਲਾ ਐਨਕਲੇਵ ਵਿਖੇ ਬਗਲਾਮੁਖੀ ਧਾਮ ਵਿਖੇ 243 ਘੰਟੇ ਦੇ 11 ਰੋਜ਼ਾ ਅਖੰਡ ਮਹਾਂਯੱਗ ਦੇ ਤੀਜੇ ਦਿਨ ਆਪਣੀਆਂ ਮਨੋਂਕਾਮਨਾਵਾਂ ਦੀ ਪੂਰਤੀ ਲਈ ਸ਼ਰਧਾਲੂਆਂ ਨੇ ਯੱਗ 'ਚ ਆਹੂਤੀਆਂ ਪਾਈਆਂ¢ ਸੰਕੀਰਤਨ ਮੰਡਲ ਨੇ ਮਾਂ ਬਗਲਾਮੁਖੀ ਚਾਲੀਸਾ ਦਾ ਸੰਗੀਤਮਈ ਪਾਠ ਕੀਤਾ ਅਤੇ ਬਗਲਾਮੁਖੀ ਧਾਮ ਦੇ ਮੁਖੀ ਮਹੰਤ ਪ੍ਰਵੀਨ ਚÏਧਰੀ ਨੇ ਮੰਤਰਾਂ ਦੇ ਉਚਾਰਨ ਨਾਲ ਆਹੂਤੀਆਂ ਦੇਣ ਵਾਲੇ ਸ਼ਰਧਾਲੂਆਂ ਦੀਆਂ ਮਨੋਂਕਾਮਨਾਵਾਂ ਦੀ ਪੂਰਤੀ ਲਈ ਅਤੇ ਪੰਜਾਬ ਸਮੇਤ ਪੂਰੇ ਵਿਸ਼ਵ ਦੇ ਕਾਰੋਬਾਰੀਆਂ ਦਾ ਕਾਰੋਬਾਰ ਵਧੇ-ਫੁੱਲੇ, ਲਈ ਵੀ ਜਗਤ ਜਨਨੀ ਮਾਂ ਭਗਵਤੀ ਦੇ ਚਰਨਾਂ ਵਿਚ ਪ੍ਰਾਰਥਨਾ ਕੀਤੀ | ਮਾਂ ਬਗਲਾਮੁਖੀ ਚਾਲੀਸਾ ਦੀ ਮਹਿਮਾ ਦਾ ਵਰਣਨ ਕਰਦੇ ਹੋਏ ਮਹੰਤ ਪ੍ਰਵੀਨ ਚੌਧਰੀ ਨੇ ਕਿਹਾ ਕਿ ਚਾਲੀਸਾ ਦਾ ਪਾਠ ਕਰਨ ਵਾਲੇ ਭਗਤ ਦੀ ਬੁੱਧੀ 'ਚ ਵਾਧਾ ਹੁੰਦਾ ਹੈ ਅਤੇ ਉਹ ਆਤਮਿਕ ਤੌਰ 'ਤੇ ਵੀ ਮਜ਼ਬੂਤ ਹੋ ਜਾਂਦਾ ਹੈ¢ ਮਨ ਵਿਚੋਂ ਬੂਰੇ ਵਿਚਾਰਾਂ ਦਾ ਖ਼ਾਤਮਾ ਹੰੁਦਾ ਹੈ ਅਤੇ ਨਕਾਰਾਤਮਿਕ ਸ਼ਕਤੀਆਂ ਦਾ ਵੀ ਵਿਨਾਸ਼ ਹੋ ਜਾਂਦਾ ਹੈ | ਮਾਂ ਦੇ ਚਰਨਾਂ 'ਚ ਨਤਮਸਤਕ ਹੋਣ ਵਾਲਾ ਮਨੁੱਖ ਡਰ ਤੋਂ ਮੁਕਤ ਜੀਵਨ ਜੀਉਂਦਾ ਹੈ¢ ਮਾਂ ਬਗਲਾਮੁਖੀ ਦੇ ਸ਼ਰਧਾਲੂ ਅਤੇ ਧਾਮ ਦੇ ਭਗਤ ਪ੍ਰਵੀਨ ਅਗਰਵਾਲ ਐਮ.ਕੇ. ਨੇ 243 ਘੰਟੇ ਚੱਲਣ ਵਾਲੇ ਅਖੰਡ ਮਹਾਂਯੱਗ ਦੇ ਕੁੰਡ ਤੋਂ ਵਿਭੂਤੀ ਆਪਣੀ ਜੀਭ 'ਤੇ ਲਗਾਉਂਦੇ ਹੋਏ ਕਿਹਾ ਕਿ ਪੰਜਾਬ ਦਾ ਵਪਾਰੀ ਵਰਗ ਇਸ ਮਹਾਂਯੱਗ ਪ੍ਰਤੀ ਬਹੁਤ ਉਤਸ਼ਾਹਿਤ ਹੈ¢ ਇਸ ਮਹਾਂਯੱਗ ਨਾਲ ਲੁਧਿਆਣਾ ਦੀ ਵਿਸ਼ਵ ਭਰ 'ਚ ਇਕ ਵੱਖਰੀ ਪਛਾਣ ਬਣ ਚੁੱਕੀ ਹੈ | ਅਖੰਡ ਯੱਗ ਸਿਰਫ਼ ਇਕ ਧਾਰਮਿਕ ਰਸਮ ਨਹੀਂ, ਸਗੋਂ ਰਾਸ਼ਟਰੀ ਖ਼ੁਸ਼ਹਾਲੀ, ਸਮਾਜਿਕ ਸਦਭਾਵਨਾ ਅਤੇ ਵਿਸ਼ਵ ਸ਼ਾਂਤੀ ਲਈ ਇਕ ਪਵਿੱਤਰ ਸਮੂਹਿਕ ਪ੍ਰਾਰਥਨਾ ਹੈ¢ ਦੇਰ ਸ਼ਾਮ ਆਯੋਜਿਤ ਭਜਨ ਸੰਧਿਆ ਵਿਚ ਭਜਨ ਗਾਇਕਾਂ ਸੰਜਨਾ ਭੋਲਾ ਅਤੇ ਲਵਰਾਜ ਅਟਵਾਲ ਨੇ ਮਾਂ ਬਗਲਾਮੁਖੀ ਦੀ ਉਸਤਤ ਵਿਚ 'ਚੁੰਨੀ ਤੇਰੀ ਮੈਂ ਲਿਆਵਾਂ ਦਾਤੀਏ, ਨਾਲੇ ਲਾਈ ਕੇ ਆਵਨ ਫੂਲਨ ਵਾਲੇ ਹਾਰ...' ਅਤੇ 'ਬਗਲਾਮੁਖੀ ਕਾ ਸਜਾਇਆ ਦਰਬਾਰ...' ਭਜਨ ਗਾਏ | ਮਾਂ ਭਗਵਤੀ ਦੇ ਦਰਸ਼ਨ ਕਰਕੇ ਆਪਣੇ ਜੀਵਨ ਨੂੰ ਸਫਲ ਬਣਾਉਣ ਲਈ ਸ਼ਰਧਾਲੂਆਂ ਦੀ ਗਿਣਤੀ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ | ਮਾਂ ਬਗਲਾਮੁਖੀ ਨੂੰ ਅਰਪਿਤ ਕੀਤੇ ਗਏ ਕਈ ਤਰ੍ਹਾਂ ਦੇ ਪਕਵਾਨ ਸ਼ਰਧਾਲੂਆਂ 'ਚ ਪ੍ਰਸ਼ਾਦ ਵਜੋਂ ਵੰਡੇ ਗਏ¢ ਇਸ ਮÏਕੇ ਅਸ਼ੋਕ ਗੋਇਲ, ਪ੍ਰਦੀਪ ਸਿੰਘ, ਸੁਤੀਕਸ਼ਿਤ ਟੰਡਨ, ਵਿਪਨ ਜੀ, ਵਿਨੀਤ ਸਿਆਲ ਸਮੇਤ ਧਾਮ ਦੇ ਮੁੱਖ ਸੇਵਾਦਾਰ ਮਨਪ੍ਰੀਤ ਛਤਵਾਲ, ਸੇਵਾਦਾਰ ਨਵਨਜੋਤ ਛਤਵਾਲ, ਕਰਨ ਸ਼ਾਂਡਿਲਿਆ, ਸੁਨੀਲ ਮਹਾਜਨ, ਰਮਨ ਘਈ, ਜਤਿੰਦਰ ਸੂਦ, ਮੋਹਿਤ ਸੂਦ, ਰਾਣਾ ਰਣਜੀਤ ਸਿੰਘ, ਦਿਨੇਸ਼ ਰੱਲੀ, ਵਰੁਣ ਜੈਨ, ਪ੍ਰਸ਼ੋਤਮ ਚੌਧਰੀ, ਬÏਬੀ ਮੱਕੜ, ਗੁਨੀਤ ਖੇੜਾ, ਗÏਤਮ ਸਚਦੇਵਾ, ਨਰਿੰਦਰ ਮਹਾਜਨ, ਰਾਜ ਸੋਲੰਕੀ, ਗÏਰਵ ਕਾਲੀਆ, ਪਰਮਵੀਰ ਸਿੰਘ, ਅਰਜੁਨ ਹੋਰਾ, ਚੇਤਨ ਟੰਡਨ, ਇਕਬਾਲ ਸਿੰਘ, ਵਰੁਣ ਦੱਤ, ਅਜੇ ਜੈਨ, ਰਾਹੁਲ ਸਮੇਤ ਸੈਂਕੜੇ ਸੇਵਾਦਾਰਾਂ ਨੇ ਮਾਂ ਬਗਲਾਮੁਖੀ ਦਾ ਆਸ਼ੀਰਵਾਦ ਲਿਆ¢
ਅਖੰਡ ਯੱਗ ਦÏਰਾਨ ਸ਼ਿਵ-ਸ਼ਕਤੀ ਦੇ ਮਿਲਾਪ ਦਾ ਤਿਉਹਾਰ ਕੋਈ ਇਤਫ਼ਾਕ, ਸਗੋਂ ਅਦਭੁਤ ਸੰਗਮ
ਅਖੰਡ ਯੱਗ ਦੌਰਾਨ ਮਹਾਂ ਸ਼ਿਵਰਾਤਰੀ 'ਤੇ 15 ਫਰਵਰੀ ਨੂੰ ਸ਼ਿਵ-ਸ਼ਕਤੀ ਦਾ ਮਿਲਾਪ ਉਤਸਵ ਮਨਾਇਆ ਜਾਵੇਗਾ¢ ਮਹੰਤ ਪ੍ਰਵੀਨ ਚÏਧਰੀ ਦੀ ਮÏਜੂਦਗੀ ਵਿਚ ਹਜ਼ਾਰਾਂ ਸ਼ਰਧਾਲੂ ਰੁਦਰਾਭਿਸ਼ੇਕ ਦੇ ਸਾਕਸ਼ੀ ਬਣਨਗੇ | ਸ਼ਿਵਰਾਤਰੀ ਉਤਸਵ ਬਾਰੇ ਜਾਣਕਾਰੀ ਦਿੰਦੇ ਹੋਏ ਧਾਮ ਦੇ ਸੇਵਕ ਮਨਪ੍ਰੀਤ ਛੱਤਵਾਲ ਨੇ ਕਿਹਾ ਕਿ ਅਖੰਡ ਯੱਗ ਦÏਰਾਨ ਸ਼ਿਵ-ਸ਼ਕਤੀ ਦਾ ਮਿਲਾਪ ਸਿਰਫ਼ ਇਕ ਇਤਫ਼ਾਕ ਨਹੀਂ, ਸਗੋਂ ਇਕ ਅਦਭੁਤ ਸੰਗਮ ਹੈ¢ ਜਦੋਂ ਮਾਂ ਬਗਲਾਮੁਖੀ ਅਤੇ ਭੋਲੇ ਨਾਥ, ਧਾਮ ਵਿਚ ਇਕੱਠੇ ਬਿਰਾਜਮਾਨ ਹੋ ਕੇ ਸ਼ਰਧਾਲੂਆਂ ਨੂੰ ਆਸ਼ੀਰਵਾਦ ਦੇਣਗੇ¢ 15 ਫਰਵਰੀ ਨੂੰ ਹੀ ਸ਼ਾਮ ਨੂੰ ਭਜਨ ਸੰਧਿਆ ਵਿਚ ਭਜਨ ਗਾਇਕ ਕੁਮਾਰ ਸੰਜੀਵ ਭੋਲੇ ਨਾਥ ਦਾ ਗੁਣਗਾਨ ਕਰਨਗੇ | ਇਸ ਦੇ ਨਾਲ ਹੀ ਸ਼ੁੱਧ ਦੇਸੀ ਘਿਓ ਨਾਲ ਵਿਸ਼ੇਸ਼ ਤÏਰ 'ਤੇ ਤਿਆਰ ਕੀਤਾ ਗਿਆ ਚੂਰਮੇ ਦਾ ਪ੍ਰਸ਼ਾਦ ਭੋਗ ਉਪਰੰਤ ਸ਼ਰਧਾਲੂਆਂ 'ਚ ਵੰਡਿਆ ਜਾਵੇਗਾ¢
ਪਿਛਲੀ ਖ਼ਬਰ ਡਲਿਵਰੀ ਕਰਮਚਾਰੀਆਂ ਦੀ ਹੋ ਰਹੀ ਦਿਨ-ਦਿਹਾੜੇ ਲੁੱਟ ਨੂੰ ਲੈ ਕੇ ਐਲਪੀਜੀ ਡੀਲਰਜ਼ ਐਸੋਸੀਏਸ਼ਨ ਦੀ ਮੀਟਿੰਗ ਅਗਲੀ ਖ਼ਬਰ ਆਈ. ਆਈ. ਐਮ. ਆਰ. ਦੇ ਸਥਾਪਨਾ ਦਿਵਸ ਮੌਕੇ ਕਿਸਾਨ ਗੁਰਜੰਟ ਲਾਡੋਵਾਲ ਨੂੰ ਕੀਤਾ ਸਨਮਾਨਿਤ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।