ਲੁਧਿਆਣਾ, 12 ਅਪ੍ਰੈਲ (ਭੁਪਿੰਦਰ ਸਿੰਘ ਬੈਂਸ)-ਭਾਰਤੀ ਜਨਤਾ ਪਾਰਟੀ ਵਲੋਂ ਪੰਡਿਤ ਦੀਨਦਿਆਲ ਉਪਾਧਿਆਇ ਸਿਖਲਾਈ ਮਹਾਂ ਅਭਿਆਨ 2026 ਤਹਿਤ ਮਹਾਂਨਗਰ ਦੇ ਪੂਰਬੀ ਹਲਕੇ ਵਿਚ ਸਿਖਲਾਈ ਕੈਂਪ ਲਗਾਇਆ ਗਿਆ | ਕੈਂਪ ਜ਼ਿਲ੍ਹਾ ਪ੍ਰਧਾਨ ਰਜਨੀਸ਼ ਧੀਮਾਨ ਦੀ ਅਗਵਾਈ ਹੇਠ ਵਿਸ਼ਵਨਾਥ ਧਰਮਸ਼ਾਲਾ, ਜਮਾਲਪੁਰ ਵਿਖੇ ਲਗਾਇਆ ਗਿਆ | ਕੈਂਪ ਦੌਰਾਨ ਵਰਕਰਾਂ ਨੰੂ ਪਾਰਟੀ ਦੀ ਵਿਚਾਰਧਾਰਾ, ਬੂਥ ਪ੍ਰਬੰਧਨ, ਕੇਂਦਰ ਸਰਕਾਰੀ ਦੀਆਂ ਯੋਜਨਾਵਾਂ ਅਤੇ ਡਿਜੀਟਲ ਟੂਲਸ ਬਾਰੇ ਸਿਖਲਾਈ ਦਿੱਤੀ ਗਈ | ਸੂਬਾ ਸਿਖਲਾਈ ਮੁਖੀ ਮਨਜੀਤ ਸਿੰਘ ਰਾਏ ਨੇ ਕਿਹਾ ਕਿ ਇਸ ਮੁਹਿੰਮ ਦਾ ਮੁੱਖ ਮਕਸਦ ਵਰਕਰਾਂ ਨੰੂ ਵਿਚਾਰਧਾਰਕ ਤੌਰ 'ਤੇ ਮਜ਼ਬੂਤ ਕਰਕੇ ਸੰਗਠਨ ਨੰੂ ਬੂਥ ਪੱਧਰ ਤੱਕ ਫੈਲਾਉਣਾ ਹੈ ਤਾਂ ਜੋ ਆਉਣ ਵਾਲੀਆਂ 2027 ਵਿਧਾਨਸਭਾ ਚੋਣਾਂ ਲਈ ਮਜ਼ਬੂਤ ਬੁਨਿਆਦ ਤਿਆਰ ਕੀਤੀ ਜਾ ਸਕੇ | ਇਸ ਮੌਕੇ ਨਰਿੰਦਰ ਸਿੰਘ ਮੱਲ੍ਹੀ, ਡਾ. ਸਤੀਸ਼ ਕੁਮਾਰ, ਮਹੇਸ਼ ਸ਼ਰਮਾ, ਜਤਿੰਦਰ ਗੋਰੀਅਨ, ਅੰਕੁਰ ਵਰਮਾ, ਅਮਿਤ ਰਾਏ, ਪ੍ਰਮੋਦ ਕੁਮਾਰ, ਸਤਨਾਮ ਵਰਮਾ, ਮਨਮੀਤ ਸਿੰਘ, ਵਿਨੋਰ ਰਾਣਾ ਆਦਿ ਮੌਜੂਦ ਸਨ |
