ਆਈ.ਸੀ.ਐਸ.ਈ.-ਆਈ.ਐਸ.ਸੀ. ਨਤੀਜਿਆਂ 'ਚ ਮਹਾਂਨਗਰ ਦੇ ਵਿਦਿਆਰਥੀਆਂ ਦਾ ਸ਼ਾਨਦਾਰ ਪ੍ਰਦਰਸ਼ਨ <br/>

ਅ

ਅਜੀਤ ਡੈਸਕ 01-05-2026

ਲੁਧਿਆਣਾ, 30 ਅਪ੍ਰੈਲ (ਭੁਪਿੰਦਰ ਸਿੰਘ ਬੈਂਸ)- ਕੌੌਂਸਲ ਫਾਰ ਦੀ ਇੰਡੀਅਨ ਸਕੂਲ ਸਰਟੀਫਿਕੇਟ ਐਗਜਾਮੀਨੇਸ਼ਨਸ ਵਲੋਂ ਐਲਾਨੇ ਗਏ ਆਈਸੀਐਸਈ (ਜਮਾਤ ਦਸਵੀਂ) ਅਤੇ ਆਈਐਸਸੀ (ਜਮਾਤ ਬਾਰ੍ਹਵੀ) ਦੇ ਨਤੀਜਿਆਂ ਵਿਚ ਇਸ ਵਾਰ ਮਹਾਂਨਗਰ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਨਤੀਜੇ ਆਉਂਦੇ ਹੀ ਸਕੂਲਾਂ ਵਿਚ ਖੁਸ਼ੀ ਅਤੇ ਮਾਣ ਦਾ ਮਾਹੌਲ ਬਣ ਗਿਆ | ਦਸਵੀਂ ਦੇ ਨਤੀਜਿਆਂ ਵਿਚ ਸਤਪਾਲ ਮਿੱਤਲ ਸਕੂਲ ਦੀ ਕਾਮਰਸ ਦੀ ਵਿਦਿਆਰਥਣ ਨਾਮਿਆ ਕਪੂਰ ਨੇ 99.6 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਜਦਕਿ ਇਸੇ ਸਕੂਲ ਦੇ ਵਿਦਿਆਰਥੀ ਸਾਇੰਸ ਸਟ੍ਰੀਮ ਦੇ ਵਿਦਿਆਰਥੀ ਅਰਨਵ ਗਰਗ ਤੇ ਕਾਮਰਸ ਸਟ੍ਰੀਮ ਦੀ ਵਿਦਿਆਰਥਣ ਜਾਨਿਆ ਮਾਗੋ ਨੇ 99.2 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਉਥੇ ਹੀ ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਦੀ ਹਿਊਮੈਨਿਟੀਜ ਸਟ੍ਰੀਮ ਦੀ ਵਿਦਿਆਰਥਣਾਂ ਰਿਤਿਕਾ ਗਰਗ ਅਤੇ ਸਿਮਰਨ ਨੇ 99.2 ਫੀਸਦੀ ਅੰਕ ਹਾਸਿਲ ਕੀਤੇ | ਜਦਕਿ ਸਤਪਾਲ ਮਿੱਤਲ ਸਕੂਲ ਦੀ ਵਿਦਿਆਰਥਣ ਮਾਨਵੀ ਸੂਦ ਨੇ 99 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਬਾਰ੍ਹਵੀਂ ਜਮਾਤ ਦੇ ਨਤੀਜਿਆਂ ਵਿਚੋ ਸਤਪਾਲ ਮਿੱਤਲ ਸਕੂਲ ਦੇ ਨਾਨਮੈਡੀਕਲ ਸਟ੍ਰੀਮ ਦੇ ਵਿਦਿਆਰਥੀ ਰਿਯਾਂਸ਼ ਗੁਪਤਾ ਅਤੇ ਕਾਮਰਸ ਦੀ ਵਿਦਿਆਰਥਣ ਕਿਆਨ ਬੇਰੀ ਨੇ 99.25 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਉਥੇ ਹੀ ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਦੀ ਵਿਦਿਆਰਥਣ ਭੁਜਸਵੀ ਨੇ ਹਿਊਮੈੈਨਿਟੀਜ ਸਟ੍ਰੀਮ ਵਿਚੋਂ 99 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਇਸਦੇ ਨਾਲ ਹੀ ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਦੀਆਂ ਵਿਦਿਆਰਥਣਾਂ ਸ਼ਾਈਨ ਗੋਇਲ ਤੇ ਹਰਗੁਣ ਕੌਰ ਨੇ 98.75 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਨਤੀਜਿਆਂ ਦੇ ਐਲਾਨ ਨਾਲ ਹੀ ਸਕੂਲਾਂ ਵਿਚ ਖੁਸ਼ੀ ਅਤੇ ਉਤਸ਼ਾਹ ਦਾ ਮਾਹੌਲ ਬਣ ਗਿਆ | ਅਧਿਆਪਕਾਂ ਅਤੇ ਮਾਪਿਆਂ ਵਿਚ ਖੁਸ਼ੀ ਅਤੇ ਉਤਸ਼ਾਹ ਦਾ ਮਾਹੌਲ ਬਣ ਗਿਆ | ਅਧਿਆਪਕਾਂ ਅਤੇ ਮਾਪਿਆਂ ਵਲੋਂ ਵਿਦਿਆਰਥੀਆਂ ਦੀ ਮਿਹਨਤ ਦੀ ਭਰਪੂਰ ਸ਼ਲਾਘਾ ਕੀਤੀ ਗਈ ਅਤੇ ਉਨ੍ਹਾਂ ਨੰੂ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਗਈਆਂ | ਉਕਤ ਸਕੂਲਾਂ ਤੋਂ ਇਲਾਵਾ ਗੁਰੂ ਨਾਨਕ ਪਬਲਿਕ ਸਕੂਲ, ਮਾਡਲ ਟਾਊਨ, ਐਕਸਟੈਨਸ਼ਨ ਦੇ ਵਿਦਿਆਰਥੀਆ ਵਲੋਂ ਵੀ ਉਕਤ ਨਤੀਜਿਆਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਗਿਆ | ਸਕੂਲ ਦੀ ਪਿ੍ੰਸੀਪਲ ਦਰਸ਼ਪ੍ਰੀਤ ਕੌਰ ਨੇ ਕਿਹਾ ਕਿ ਉਨ੍ਹਾਂ ਦੇ ਸਕੂਲ ਦਾ ਨਤੀਜਾ ਸੌ ਫੀਸਦੀ ਰਿਹਾ ਅਤੇ ਦਸਵੀਂ ਜਮਾਤ ਵਿਚੋਂ 22 ਵਿਦਿਆਰਥੀਆਂ ਨੇ 90 ਫੀਸਦੀ ਤੋਂ ਉਪਰ ਅੰਕ ਹਾਸਲ ਕੀਤੇ | ਜਦਕਿ ਬਾਰ੍ਹਵੀਂ ਜਮਾਤ ਵਿਚੋਂ 28 ਵਿਦਿਆਰਥੀਆਂ ਨੇ 90 ਫੀਸਦੀ ਤੋਂ ਉਪਰ ਅੰਕ ਹਾਸਲ ਕੀਤੇ |
ਰਿਯਾਂਸ਼ ਗੁਪਤਾ ਬਣਨਾ ਚਾਹੁਦੰ ਹੈ ਇੰਜੀਨੀਅਰ
ਬਾਰ੍ਹਵੀਂ ਦੇ ਨਤੀਜੇ ਵਿਚੋਂ 99.25 ਫੀਸਦੀ ਅੰਕ ਪ੍ਰਾਪਤ ਕਰਨ ਵਾਲਾ ਰਿਯਾਂਸ਼ ਗੁਪਤਾ ਇੰਜੀਨੀਅਰ ਬਣਨਾ ਚਾਹੁੰਦਾ ਹੈ | ਉਸਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਸਨੇ ਜਿਆਦਾਤਰ ਤਿਆਰੀ ਸੈਲਫ ਸਟੱਡੀ ਰਾਹੀ ਕੀਤੀ | ਉਸਨੇ ਦੱਸਿਆ ਕਿ ਉਹ ਰਾਸ਼ਟਰੀ ਪੱਧਰ 'ਤੇ ਸਕੋਸ਼ ਖੇਡ ਵਿਚ ਭਾਗ ਲੈ ਚੁੱਕਾ ਹੈ | ਉਸਨੇ ਦੱਸਿਆ ਕਿ ਉਸਦੇ ਪਿਤਾ ਰਾਹੁਲ ਗੁਪਤਾ ਬਿਜਨੈਸਮੈਨ ਅਤੇ ਮਾਤਾ ਸ਼ਿਫਾਲੀ ਗੁਪਤਾ ਇਕ ਘਰੇਲੂ ਮਹਿਲਾ ਹਨ | ਉਸਨੇ ਆਪਣੀ ਕਾਮਯਾਬੀ ਦਾ ਸਿਹਰਾ ਆਪਣੇ ਮਾਪਿਆਂ ਤੇ ਅਧਿਆਪਕਾਂ ਨੰੂ ਦਿੱਤਾ |
ਨਾਮਿਆ ਕਪੂਰ ਦਾ ਸੁਪਨਾ ਬਿਜਨੈਸਮੈਨ ਬਣਨ ਦਾ
ਦਸਵੀਂ ਦੀ ਪ੍ਰੀਖਿਆ ਵਿਚੋਂ 99.6 ਫੀਸਦੀ ਅੰਕ ਪ੍ਰਾਪਤ ਕਰਨ ਵਾਲੀ ਨਾਮਿਆ ਕਪੂਰ ਦਾ ਸੁਪਨਾ ਬਿਜਨੈਸਮੈਨ ਬਣਨ ਦਾ ਹੈ | (ਸਫਾ 5 ਦੀ ਬਾਕੀ)
ਨਾਮਿਆ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਸਨੇ ਪ੍ਰੀਖਿਆ ਦੀ ਤਿਆਰੀ ਸੈਲਫ ਸਟੱਡੀ ਨਾਲ ਕੀਤੀ ਤੇ ਉਹ ਰੋਜ਼ਾਨਾ 5 ਤੋਂ 6 ਘੰਟੇ ਪੜ੍ਹਦੀ ਸੀ | ਉਸਨੇ ਦੱਸਿਆ ਕਿ ਡਾਂਸ, ਗਾਣ ਤੇ ਸ਼ਤਰੰਜ ਖੇਡਣ ਦਾ ਸ਼ੌਂਕ ਹੈ | ਉਸਨੇ ਦੱਸਿਆ ਕਿ ਉਸਦੇ ਪਿਤਾ ਆਦਿਤਿਆ ਕਪੂਰ ਇਕ ਬਿਜਨੈਸਮੈਨ ਹਨ ਤੇ ਮਾਤਾ ਨਿਧੀ ਕਪੂਰ ਇਕ ਫੈਸ਼ਨ ਡਿਜਾਈਨਰ ਹਨ | ਉਸਨੇ ਆਪਣੇ ਕਾਮਯਾਬੀ ਦਾ ਸਿਹਰਾ ਆਪਣੇ ਮਾਤਾ ਪਿਤਾ ਅਤੇ ਅਧਿਆਪਕਾਂ ਨੰੂ ਦਿੱਤਾ |
ਭੂਜਸਵੀ ਬਣਨਾ ਚਾਹੁੰਦੀ ਹੈ ਜੱਜ
ਬਾਰ੍ਹਵੀ ਦੀ ਪ੍ਰੀਖਿਆ ਵਿਚੋਂ 99 ਫੀਸਦੀ ਅੰਕ ਪ੍ਰਾਪਤ ਕਰਨ ਵਾਲੀ ਭੂਜਸਵੀ ਜੱਜ ਬਣਨਾ ਚਾਹੁੰਦੀ ਹੈ | ਭੂਜਸਵੀ ਨੇ ਦੱਸਿਆ ਕਿ ਉਸਨੇ ਪ੍ਰੀਖਿਆ ਦੀ ਤਿਆਰੀ ਸੈਲਫ ਸਟੱਡੀ ਨਾਲ ਕੀਤੀ ਹੈ | ਉਸਨੇ ਦੱਸਿਆ ਕਿ ਉਹ ਰਾਤ ਨੰੂ ਦੇਰ ਰਾਤ ਤੱਕ ਪੜ੍ਹਦੀ ਸੀ | ਉਸਨੇ ਦੱਸਿਆ ਕਿ ਉਸਨੰੂ ਡਾਂਸ, ਗਾਣ ਤੇ ਪੇਟਿੰਗ ਦਾ ਸ਼ੌਂਕ ਹੈ | ਉਸਨੇ ਦੱਸਿਆ ਕਿ ਅਮਨਪ੍ਰੀਤ ਸਿੰਘ ਘਈ ਇਕ ਪਿਤਾ ਇਕ ਬਿਜਨੈਸਮੈਨ ਵੀ ਹਨ ਤੇ ਮਾਤਾ ਪਿ੍ਅੰਕਾ ਇਕ ਅਧਿਆਪਕ ਹਨ | ਉਸਨੇ ਆਪਣੀ ਇਸ ਕਾਮਯਾਬੀ ਦਾ ਸਿਹਰਾ ਆਪਣੇ ਮਾਤਾ ਪਿਤਾ ਅਤੇ ਅਧਿਆਪਕਾਂ ਨੰੂ ਦਿੱਤਾ |

ਆਈ.ਸੀ.ਐਸ.ਈ.-ਆਈ.ਐਸ.ਸੀ. ਨਤੀਜਿਆਂ 'ਚ ਮਹਾਂਨਗਰ ਦੇ ਵਿਦਿਆਰਥੀਆਂ ਦਾ ਸ਼ਾਨਦਾਰ ਪ੍ਰਦਰਸ਼ਨ <br/>

Subscribers Only Story

ਸੰਬੰਧਿਤ ਖ਼ਬਰਾਂ