ਲੁਧਿਆਣਾ

ਲੁਧਿਆਣਾ ਆਈ . ਸੀ . ਏ . ਆਈ . ਬ੍ਰਾਂਚ ਨੇ ‘ ਪੂੰਜੀ ਬਾਜ਼ਾਰ ਅੰਤਰਦ੍ਰਿਸ਼ਟੀ ’ ਵਿਸ਼ੇ ’ ਤੇ ਇਕ ਰੋਜ਼ਾ ਕਾਨਫ਼ਰੰਸ ਕਰਵਾਈ

ਲੁਧਿਆਣਾ, 9 ਅਗਸਤ (ਜਸਵਿੰਦਰ ਸਿੰਘ)-ਭਾਰਤੀ ਚਾਰਟਰਡ ਅਕਾਊਂਟੈਂਟਸ ਸੰਸਥਾ (ਆਈ. ਸੀ.

ਅ

ਅਜੀਤ ਡੈਸਕ 10-08-2026

ਲੁਧਿਆਣਾ, 9 ਅਗਸਤ (ਜਸਵਿੰਦਰ ਸਿੰਘ)-ਭਾਰਤੀ ਚਾਰਟਰਡ ਅਕਾਊਂਟੈਂਟਸ ਸੰਸਥਾ (ਆਈ.ਸੀ.ਏ.ਆਈ.) ਦੀ ਉੱਤਰੀ ਭਾਰਤ ਖੇਤਰੀ ਕੌਂਸਲ ਅਧੀਨ ਲੁਧਿਆਣਾ ਬ੍ਰਾਂਚ ਵੱਲੋਂ ‘ਪੂੰਜੀ ਬਾਜ਼ਾਰ ਅੰਤਰਦ੍ਰਿਸ਼ਟੀ’ ਵਿਸ਼ੇ ’ਤੇ ਇਕ ਰੋਜ਼ਾ ਕਾਨਫ਼ਰੰਸ ਆਈ.ਸੀ.ਏ.ਆਈ. ਦੀ ਵਿੱਤੀ ਬਾਜ਼ਾਰ ਅਤੇ ਨਿਵੇਸ਼ਕ ਜਾਗਰੂਕਤਾ ਕਮੇਟੀ ਵਲੋਂ ਕਰਵਾਈ ਗਈ। ਚਾਰਟਰਡ ਅਕਾਊਂਟੈਂਟ ਅੰਕੁਰ ਮਹੇਸ਼ਵਰੀ ਨੇ ‘ਨਿਵੇਸ਼ਕ ਮਨੋਵਿਗਿਆਨ ਅਤੇ ਬਾਜ਼ਾਰ ਗਤੀਵਿਧੀਆਂ: ਪੂੰਜੀ ਬਾਜ਼ਾਰ ਦਾ ਅਗਲਾ ਪੜਾਅ’ ਵਿਸ਼ੇ ’ਤੇ ਸੰਬੋਧਨ ਕਰਦਿਆਂ ਨਿਵੇਸ਼ਕਾਂ ਦੇ ਵਿਵਹਾਰ ਅਤੇ ਬਦਲ ਰਹੀਆਂ ਬਾਜ਼ਾਰ ਗਤੀਵਿਧੀਆਂ ਬਾਰੇ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕੀਤੀ। ਚਾਰਟਰਡ ਅਕਾਊਂਟੈਂਟ ਕ੍ਰਿਸ਼ਨਨ ਅਈਅਰ, ਸੀਨੀਅਰ ਉਪ-ਅਧਿਕਾਰੀ, ਰਾਸ਼ਟਰੀ ਸਟਾਕ ਐਕਸਚੇਂਜ ਨੇ ‘ਭਾਰਤ ਦਾ ਪੂੰਜੀ ਬਾਜ਼ਾਰ: ਵਿਕਸਿਤ ਭਾਰਤ 2047 ਵੱਲ ਯਾਤਰਾ ਨੂੰ ਗਤੀ ਦੇਣਾ’ ਵਿਸ਼ੇ ’ਤੇ ਜਾਣਕਾਰੀ ਪੂਰਵਕ ਸੈਸ਼ਨ ਲਿਆ। ਤੇਜ਼ੀ ਨਾਲ ਉੱਭਰ ਰਹੇ ਐਸ.ਐਮ.ਈ.-ਆਈ.ਪੀ.ਓ. ਖੇਤਰ ਬਾਰੇ ਚਾਰਟਰਡ ਅਕਾਊਂਟੈਂਟ ਦੁਰਗੇਸ਼ ਕੁਮਾਰ ਕਾਬਰਾ, ਕੇਂਦਰੀ ਕੌਂਸਲ ਮੈਂਬਰ, ਆਈ.ਸੀ.ਏ.ਆਈ. ਨੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਅਤੇ ਐਸ.ਐਮ.ਈ. ਸੂਚੀਬੱਧਤਾ ਨਾਲ ਜੁੜੇ ਮੌਕਿਆਂ ਅਤੇ ਮਹੱਤਵਪੂਰਨ ਪੱਖਾਂ ਬਾਰੇ ਚਰਚਾ ਕੀਤੀ। ਇਸੇ ਲੜੀ ਵਿਚ ਚਾਰਟਰਡ ਅਕਾਊਂਟੈਂਟ ਨਿਧੀ ਮਹੇਸ਼ਵਰੀ, ਰਾਸ਼ਟਰੀ ਸਟਾਕ ਐਕਸਚੇਂਜ ਨੇ ‘ਐਸ.ਐਮ.ਈ.-ਆਈ.ਪੀ.ਓ. ਵਿਚ ਚਾਰਟਰਡ ਅਕਾਊਂਟੈਂਟਸ ਦੀ ਭੂਮਿਕਾ’ ਵਿਸ਼ੇ ’ਤੇ ਸੰਬੋਧਨ ਕਰਦਿਆਂ ਇਸ ਉੱਭਰਦੇ ਖੇਤਰ ਵਿਚ ਪੇਸ਼ੇਵਰ ਮੌਕਿਆਂ ਅਤੇ ਜ਼ਿੰਮੇਵਾਰੀਆਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ। ਕਾਨਫ਼ਰੰਸ ਦੌਰਾਨ ‘ਐਸ.ਐਮ.ਈ.-ਆਈ.ਪੀ.ਓ.: ਚਾਰਟਰਡ ਅਕਾਊਂਟੈਂਟਸ ਅਤੇ ਉਨ੍ਹਾਂ ਦੇ ਗਾਹਕਾਂ ਲਈ ਨਵਾਂ ਵਿਕਾਸ ਮਾਰਗ’ ਵਿਸ਼ੇ ’ਤੇ ਵਿਸ਼ੇਸ਼ ਪੈਨਲ ਚਰਚਾ ਵੀ ਕਰਵਾਈ ਗਈ। ਇਸ ਦੌਰਾਨ ਐਸ.ਐਮ.ਈ.-ਆਈ.ਪੀ.ਓ. ਖੇਤਰ ਵਿਚ ਵਿਹਾਰਕ ਮੌਕਿਆਂ ਚੁਨੌਤੀਆਂ ਅਤੇ ਭਵਿੱਖ ਦੀਆਂ ਸੰਭਾਵਨਾਵਾਂ ’ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਪੈਨਲ ਵਿਚ ਚਾਰਟਰਡ ਅਕਾਊਂਟੈਂਟ ਨਿਧੀ ਮਹੇਸ਼ਵਰੀ, ਚਾਰਟਰਡ ਅਕਾਊਂਟੈਂਟ ਅਪੂਰਵ ਬਾਂਸਲ ਅਤੇ ਗਗਨਦੀਪ ਸਿੰਘ ਨੇ ਭਾਗ ਲਿਆ।

ਪਿਛਲੀ ਖ਼ਬਰ ਸ਼ੱਕੀ ਹਾਲਾਤਾਂ ਵਿਚ ਲੜਕੀ ਲਾਪਤਾ ਅਗਲੀ ਖ਼ਬਰ ਸੈਕਰਡ ਡੇਲ ਪਬਲਿਕ ਸਕੂਲ ਡਾਬਾ ਕਾਲੋਨੀ ਵਿਖੇ ਤੀਆਂ ਦਾ ਤਿਉਹਾਰ ਮਨਾਇਆ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਲੁਧਿਆਣਾ ਆਈ . ਸੀ . ਏ . ਆਈ . ਬ੍ਰਾਂਚ ਨੇ ‘ ਪੂੰਜੀ ਬਾਜ਼ਾਰ ਅੰਤਰਦ੍ਰਿਸ਼ਟੀ ’ ਵਿਸ਼ੇ ’ ਤੇ ਇਕ ਰੋਜ਼ਾ ਕਾਨਫ਼ਰੰਸ ਕਰਵਾਈ

Subscribers Only Story

ਸੰਬੰਧਿਤ ਖ਼ਬਰਾਂ