ਆਮਦਨ ਕਰ ਵਿਭਾਗ ਵਲੋਂ ਇਕਾਈ ਹਸਪਤਾਲ ਦੇ ਸਹਿਯੋਗ ਨਾਲ ਵਿਸ਼ਵ ਅੰਗਦਾਤਾ ਦਿਵਸ ਨੂੰ ਸਮਰਪਿਤ ਸਮਾਗਮ ਕਰਵਾਇਆ
ਲੁਧਿਆਣਾ, 22 ਅਗਸਤ (ਡਾ. ਤਰਲੋਚਨ ਸਿੰਘ)-ਆਮਦਨ ਕਰ ਵਿਭਾਗ ਵੱਲੋਂ ਇਕਾਈ ਮਲਟੀ ਸਪੈਸ਼ਲਿਟੀ ਹਸਪਤਾਲ ਦੇ ਸਹਿਯੋਗ ਨਾਲ ਵਿਸ਼ਵ ਅੰਗਦਾਤਾ ਦਿਵਸ ਦੇ ਮੌਕੇ ’ਤੇ ਸਿਹਤ ਜਾਗਰੂਕਤਾ ਭਾਸ਼ਣ, ਅੰਗਦਾਨ ਸੰਕਲਪ ਅਤੇ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ।
ਲੁਧਿਆਣਾ, 22 ਅਗਸਤ (ਡਾ. ਤਰਲੋਚਨ ਸਿੰਘ)-ਆਮਦਨ ਕਰ ਵਿਭਾਗ ਵੱਲੋਂ ਇਕਾਈ ਮਲਟੀ ਸਪੈਸ਼ਲਿਟੀ ਹਸਪਤਾਲ ਦੇ ਸਹਿਯੋਗ ਨਾਲ ਵਿਸ਼ਵ ਅੰਗਦਾਤਾ ਦਿਵਸ ਦੇ ਮੌਕੇ ’ਤੇ ਸਿਹਤ ਜਾਗਰੂਕਤਾ ਭਾਸ਼ਣ, ਅੰਗਦਾਨ ਸੰਕਲਪ ਅਤੇ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ। ਪ੍ਰੋਗਰਾਮ ਦੌਰਾਨ ਡਾ. ਬਲਦੇਵ ਸਿੰਘ ਔਲਖ, ਮੁੱਖ ਯੂਰੋਲੋਜਿਸਟ, ਰੋਬੋਟਿਕ ਅਤੇ ਟਰਾਂਸਪਲਾਂਟ ਸਰਜਨ ਤੇ ਚੇਅਰਮੈਨ, ਇਕਾਈ ਹਸਪਤਾਲ ਨੇ ਸਿਹਤ ਜਾਗਰੂਕਤਾ ਭਾਸ਼ਣ ਦੌਰਾਨ ਅੰਗਦਾਨ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਕ ਵਿਅਕਤੀ ਵਲੋਂ ਅੰਗਦਾਨ ਕਰਨ ਦਾ ਫ਼ੈਸਲਾ ਕਿਡਨੀ, ਲੀਵਰ, ਦਿਲ ਆਦਿ ਦੇ ਅੰਤਿਮ ਪੜਾਅ ਦੇ ਅੰਗ ਫ਼ੇਲ੍ਹ ਹੋਣ ਨਾਲ ਪੀੜਤ 8 ਮਰੀਜ਼ਾਂ ਨੂੰ ਨਵੀਂ ਜ਼ਿੰਦਗੀ ਦੇ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਅੰਗਦਾਨ ਮਨੁੱਖਤਾ ਅਤੇ ਦਇਆ ਦਾ ਸਭ ਤੋਂ ਵੱਡਾ ਕੰਮ ਹੈ, ਕਿਉਂਕਿ ਦਾਨ ਕੀਤੇ ਅੰਗ ਨਾ ਸਿਰਫ਼ ਕਿਸੇ ਦੀ ਜਾਨ ਬਚਾ ਸਕਦੇ ਹਨ, ਸਗੋਂ ਟਰਾਂਸਪਲਾਂਟ ਦੀ ਉਡੀਕ ਕਰ ਰਹੇ ਪਰਿਵਾਰਾਂ ਵਿਚ ਨਵੀਂ ਉਮੀਦ ਵੀ ਪੈਦਾ ਕਰਦੇ ਹਨ। ਡਾ. ਔਲਖ ਨੇ ਗੁਰਦਿਆਂ ਦੀ ਸੁਰੱਖਿਆ ਅਤੇ ਗੁਰਦਿਆਂ ਦੀਆਂ ਬਿਮਾਰੀਆਂ ਦੀ ਰੋਕਥਾਮ ਦੀ ਮਹੱਤਤਾ ’ਤੇ ਵੀ ਚਾਨਣਾ ਪਾਇਆ। ਉਨ੍ਹਾਂ ਜ਼ੋਰ ਦਿੱਤਾ ਕਿ ਪੱਥਰੀ, ਪ੍ਰੋਸਟੇਟ, ਕਿਡਨੀ ਕੈਂਸਰ ਅਤੇ ਪ੍ਰੋਸਟੇਟ ਕੈਂਸਰ ਵਰਗੀਆਂ ਬਿਮਾਰੀਆਂ ਦੀ ਸਮੇਂ ਸਿਰ ਪਛਾਣ ਅਤੇ ਇਲਾਜ ਨਾਲ ਗੁਰਦਿਆਂ ਦੀਆਂ ਬਿਮਾਰੀਆਂ ਦੇ ਬੋਝ ਨੂੰ ਕਾਫ਼ੀ ਹੱਦ ਤੱਕ ਘਟਾਇਆ ਜਾ ਸਕਦਾ ਹੈ। ਇਸ ਮੌਕੇ ’ਤੇ ਸੁਕੇਸ਼ ਕੁਮਾਰ, ਮੁੱਖ ਆਮਦਨ ਕਰ ਕਮਿਸ਼ਨਰ ਨੇ ਕਿਹਾ ਕਿ ਵਿਸ਼ਵ ਅੰਗਦਾਤਾ ਦਿਵਸ ਦੇ ਮੌਕੇ ’ਤੇ ਇਸ ਮਹੱਤਵਪੂਰਨ ਮੁਹਿੰਮ ਦਾ ਹਿੱਸਾ ਬਣਨਾ ਸਾਡੇ ਸਾਰਿਆਂ ਲਈ ਮਾਣ ਵਾਲੀ ਗੱਲ ਹੈ। ਇਸ ਮੌਕੇ ਇਕਾਈ ਹਸਪਤਾਲ ਵਲੋਂ ਮੁਫ਼ਤ ਮੈਡੀਕਲ ਅਤੇ ਯੂਰੋਲੋਜੀ ਕੈਂਪ ਵੀ ਲਗਾਇਆ ਗਿਆ। ਕੈਂਪ ਵਿਚ 100 ਤੋਂ ਵੱਧ ਮਰੀਜ਼ਾਂ ਨੇ ਮੈਡੀਕਲ ਤੇ ਯੂਰੋਲੋਜੀ ਸਬੰਧੀ ਸਲਾਹ-ਮਸ਼ਵਰੇ ਦਾ ਲਾਭ ਲਿਆ। ਇਸ ਮੌਕੇ ਆਈ.ਆਰ.ਐਸ. ਵਿਵੇਕ ਨਾਂਗੀਆ, ਪੀ.ਸੀ.ਆਈ.ਟੀ, ਤਾਰਿਕ ਕਲੀਮ, ਆਈ.ਆਰ.ਐਸ. ਪ੍ਰਿੰਸੀਪਲ ਕਮਿਸ਼ਨਰ (ਸੀ), ਜਿਤੇਂਦਰ ਕੁਮਾਰ, ਆਈ.ਆਰ.ਐਸ. ਪ੍ਰਿੰਸੀਪਲ ਡੀ.ਆਈ.ਟੀ, ਰਾਜੀਵ ਵਢੇਰਾ, ਆਈ.ਆਰ.ਐਸ. ਐਡੀਸ਼ਨਲ ਸੀ.ਆਈ.ਟੀ ਗੁਲਜ਼ਾਰ ਵਾਨੀ, ਆਈ.ਆਰ.ਐਸ. ਐਡੀਸ਼ਨਲ ਸੀ.ਆਈ.ਟੀ, ਦਿਗਵਿਜੈ ਸਿੰਘ, ਆਈ.ਆਰ.ਐਸ. ਸੀ.ਆਈ.ਟੀ, ਡਾ. ਰਿਸ਼ੀ, ਆਈ.ਆਰ.ਐਸ. ਐਡੀਸ਼ਨਲ ਸੀ.ਆਈ.ਟੀ, ਪ੍ਰਿਯੰਕਾ ਸਿੰਗਲਾ, ਆਈ.ਆਰ.ਐਸ. ਸੀ.ਆਈ.ਟੀ ਅਤੇ ਐਡਵੋਕੇਟ ਜਤਿੰਦਰ ਖੁਰਾਨਾ ਨੇ ਵੀ ਭਾਗ ਲਿਆ। ਇਸ ਮੌਕੇ ਆਮਦਨ ਕਰ ਵਿਭਾਗ ਅਤੇ ਇਕਾਈ ਹਸਪਤਾਲ ਨੇ ਅਜਿਹੇ ਜਾਗਰੂਕਤਾ ਅਤੇ ਸਿਹਤ ਸੇਵਾ ਪ੍ਰੋਗਰਾਮਾਂ ਨੂੰ ਲਗਾਤਾਰ ਜਾਰੀ ਰੱਖਣ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਈ।
