ਚੰਡੀਗੜ੍ਹ, 9 ਮਈ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਨੇ ਆਲ ਇੰਡੀਆ ਇੰਟਰ-ਯੂਨੀਵਰਸਿਟੀ ਚੈਂਪੀਅਨਸ਼ਿਪ 2025-26 ਵਿਚ ਪ੍ਰਭਾਵਸ਼ਾਲੀ ਤਗਮੇ ਹਾਸਲ ਕੀਤੇ ਜਿਸ ਵਿਚ ਖਿਡਾਰੀਆਂ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ | ਸੁਭਾਸ਼ ਤੋਮਰ ਸੋਨੇ ਅਤੇ ਇਕ ਕਾਂਸੀ ਦੇ ਤਗਮੇ ਨਾਲ ਸਟਾਰ ਪ੍ਰਦਰਸ਼ਨਕਾਰ ਵਜੋਂ ਉਭਰਿਆ, ਜਦੋਂ ਕਿ ਕਿ੍ਸ਼, ਜਿਤੇਂਦਰ ਤੇ ਅੰਕਿਤਾ ਨੇ ਯੂਨੀਵਰਸਿਟੀ ਦੀ ਸੂਚੀ ਵਿਚ ਇਕ-ਇਕ ਕਾਂਸੀ ਦਾ ਤਗਮਾ ਜੋੜਿਆ | ਸੈਨਸ਼ੋ ਵਰਗ ਵਿਚ ਹਿਮਾਂਸ਼ੀ ਨੇ 60 ਕਿਲੋਗ੍ਰਾਮ ਵਰਗ ਵਿਚ ਸੋਨ ਤਗਮਾ ਜਿੱਤਿਆ, ਰੌਸ਼ਨੀ ਨੇ 52 ਕਿਲੋਗ੍ਰਾਮ ਵਰਗ ਵਿਚ ਚਾਂਦੀ ਦਾ ਤਗਮਾ ਤੇ ਯੋਗੇਸ਼ ਨੇ 75 ਕਿਲੋਗ੍ਰਾਮ ਵਰਗ ਵਿਚ ਕਾਂਸੀ ਦਾ ਤਗਮਾ ਜਿੱਤਿਆ | ਇਸ ਪ੍ਰਾਪਤੀ ਦੇ ਨਾਲ ਪੀ.ਯੂ. ਨੇ ਲੜਕਿਆਂ ਵਿਚ ਪਹਿਲਾ ਰਨਰ-ਅੱਪ ਅਤੇ ਸੈਨਸ਼ੋ ਕੁੜੀਆਂ ਵਿਚ ਦੂਜਾ ਰਨਰ-ਅੱਪ ਸਥਾਨ ਪ੍ਰਾਪਤ ਕੀਤਾ |
