ਪੰਜਾਬ ਯੂਨੀਵਰਸਿਟੀ ਦਾ ਸਾਬਕਾ ਵਿਦਿਆਰਥੀ ਸਹਾਇਕ ਪ੍ਰੋਫੈਸਰ ਵਜੋਂ ਤਾਇਨਾਤ
ਅਜੀਤ ਡੈਸਕ
11-06-2026
ਚੰਡੀਗੜ੍ਹ, 10 ਜੂਨ (ਮਾਰਕੰਡਾ)-ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਸਾਬਕਾ ਵਿਦਿਆਰਥੀ ਡਾ. ਅਮਰ ਦੀਪ ਇੰਡੀਅਨ ਇੰਸਟੀਚਿਊਟ ਆਫ਼ ਸਾਇੰਸ ਐਜੂਕੇਸ਼ਨ ਐਂਡ ਰਿਸਰਚ (ਆਈ. ਆਈ. ਐਸ. ਈ. ਆਰ) ਮੋਹਾਲੀ ਵਿਚ ਜੈਵਿਕ ਵਿਗਿਆਨ ਵਿਭਾਗ ਵਿਚ ਸਹਾਇਕ ਪ੍ਰੋਫੈਸਰ ਵਜੋਂ ਤਾਈਨਾਤ ਹੋ ਗਏ ਹਨ | ਡਾ. ਅਮਰ ਦੀਪ ਨੇ ਸਾਲ 2013 ਵਿਚ ਪੰਜਾਬ ਯੂਨੀਵਰਸਿਟੀ ਤੋਂ ਹਿਊਮਨ ਜੀਨੋਮਿਕਸ ਵਿਚ ਆਪਣੀ ਐਮ.ਐਸ.ਸੀ. ਪੂਰੀ ਕੀਤੀ | ਉਨ੍ਹਾਂ ਨੇ 2020 ਵਿਚ ਸੀ.ਐਸ.ਆਈ.ਆਰ.-ਇੰਸਟੀਚਿਊਟ ਆਫ਼ ਮਾਈਕ੍ਰੋਬਾਇਲ ਟੈਕਨਾਲੋਜੀ (ਸੀ.ਐਸ.ਆਈ.ਆਰ.-ਆਈ.ਐਮ.ਟੈਕ) ਚੰਡੀਗੜ੍ਹ ਤੋਂ ਸਟਰਕਚਰਲ ਬਾਇਓਲੋਜੀ ਵਿਚ ਆਪਣੀ ਪੀ.ਐਚ.ਡੀ. ਪੂਰੀ ਕੀਤੀ | ਉਨ੍ਹਾਂ ਦੀ ਬੇਮਿਸਾਲ ਡਾਕਟਰੇਟ ਖੋਜ ਨੇ ਉਨ੍ਹਾਂ ਨੂੰ ਵੱਕਾਰੀ ਡਾ. ਵੀ.ਸੀ. ਵੋਰਾ ਬੈਸਟ ਪੀ.ਐਚ.ਡੀ. ਥੀਸਿਸ ਅਵਾਰਡ ਪ੍ਰਾਪਤ ਹੋਇਆ | ਆਪਣੀ ਡਾਕਟਰੇਟ ਦੀ ਪੜ੍ਹਾਈ ਤੋਂ ਬਾਅਦ ਡਾ. ਦੀਪ ਨੇ 2020 ਤੋਂ 2025 ਤੱਕ ਕੈਲੀਫੋਰਨੀਆ ਯੂਨੀਵਰਸਿਟੀ ਸੈਨ ਡਿਏਗੋ ਅਮਰੀਕਾ ਵਿਚ ਪੋਸਟ-ਡਾਕਟੋਰਲ ਖੋਜ ਕੀਤੀ |
