ਹਰਿਆਣਾ ਦੀ ਸੇਵਾ ਭਾਵਨਾ ਤੇ ਮਹਿਮਾਨ ਨਿਵਾਜ਼ੀ ਦੇ ਮੁਰੀਦ ਹੋਏ ਸੀ.ਪੀ.ਏ. ਕਾਨਫਰੰਸ ਦੇ ਮਹਿਮਾਨ <br/>
ਕਾਨਫਰੰਸ ਵਿਚ ਹਿੱਸਾ ਲੈਂਦੇ ਵਿਧਾਨ ਸਭਾ ਸਪੀਕਰ ਹਰਵਿੰਦਰ ਕਲਿਆਣ, ਹਰਿਆਣਾ ਦੇ ਰਾਜਪਾਲ ਪ੍ਰੋ. ਅਸੀਮ ਕੁਮਾਰ ਘੋਸ਼, ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ, ਲੋਕ ਸਭਾ ਸਪੀਕਰ ਓਮ ਬਿਰਲਾ, ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਤੇ ਹੋਰ |
<br/>
11-06-2026
ਮਜ਼ਬੂਤੀ ਪ੍ਰਦਾਨ ਕੀਤੀ ਹੈ | ਇਸ ਦੌਰਾਨ ਭਵਿੱਖ ਦੀਆਂ ਚੁਣੌਤੀਆਂ 'ਤੇ ਗੰਭੀਰ ਵਿਚਾਰ-ਵਟਾਂਦਰਾ ਕਰਦੇ ਹੋਏ 'ਵਿਕਸਿਤ ਭਾਰਤ-2047' ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਦੇ ਰਾਹ ਤਲਾਸ਼ੇ ਗਏ | ਬੁਲਾਰਿਆਂ ਨੇ ਕਿਹਾ ਕਿ ਇਸ ਸੁਪਨੇ ਨੂੰ ਸਾਕਾਰ ਕਰਨ ਵਿੱਚ ਜਿੱਥੇ ਸਦਨ ਦੇ ਮੈਂਬਰਾਂ ਦੀ ਅਹਿਮ ਭੂਮਿਕਾ ਹੈ ਉੱਥੇ ਹੀ ਇਸ ਲਈ ਸਮਾਜ ਦਾ ਜਾਗਰੂਕ ਹੋਣਾ ਵੀ ਬਹੁਤ ਜ਼ਰੂਰੀ ਹੈ | ਦੋ ਦਿਨਾਂ ਦੇ ਕਾਨਫਰੰਸ ਵਿੱਚ ਨਾਰਥ ਜ਼ੋਨ ਦੇ ਪੰਜਾਂ ਰਾਜਾਂ ਸਮੇਤ 13 ਵਿਧਾਨ ਮੰਡਲਾਂ ਦੇ ਪੀਠਾਸੀਨ ਤੇ ਉਪ-ਪੀਠਾਸੀਨ ਅਧਿਕਾਰੀ ਅਤੇ ਜਨ-ਪ੍ਰਤੀਨਿਧੀ ਸ਼ਾਮਲ ਹੋਏ ਜਿਨ੍ਹਾਂ ਵਿੱਚੋਂ ਲਗਭਗ 40 ਭਾਗੀਦਾਰਾਂ ਨੇ ਨਿਰਧਾਰਤ ਵਿਸ਼ੇ 'ਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ | ਵਿਧਾਨ ਸਭਾ ਸਪੀਕਰ ਨੇ ਕਿਹਾ ਕਿ ਕਾਨਫਰੰਸ ਦੇ ਉਦਘਾਟਨੀ ਸੈਸ਼ਨ ਵਿੱਚ ਹਰਿਆਣਾ ਵਿਧਾਨ ਸਭਾ ਦਾ ਸਦਨ 'ਲਘੂ ਭਾਰਤ' ਦਾ ਰੂਪ ਪੇਸ਼ ਕਰਦਾ ਨਜ਼ਰ ਆਇਆ, ਜਿੱਥੇ ਵੱਖ-ਵੱਖ ਰਾਜਾਂ ਅਤੇ ਦਲਾਂ ਦੇ ਜਨ-ਪ੍ਰਤੀਨਿਧੀ ਇੱਕੱਠੇ ਬੈਠੇ ਦਿਖਾਈ ਦਿੱਤੇ | ਵਿਧਾਨ ਸਭਾ ਸਪੀਕਰ ਨੇ ਸੂਬੇ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ, ਸੂਬਾ ਸਰਕਾਰ ਅਤੇ ਇਸ ਦੇ ਸਾਰੇ ਵਿਭਾਗਾਂ ਦਾ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕੀਤਾ ਹੈ | ਕਾਨਫਰੰਸ ਦੇ ਮੁੱਖ ਓਡੀਟੋਰਿਅਮ ਦੇ ਨੇੜੇ 'ਵਾਲ ਆਫ ਮੈਮੋਰੀ' ਸਥਾਪਿਤ ਕੀਤੀ ਗਈ | ਇਸ 'ਤੇ ਵੱਖ-ਵੱਖ ਰਾਜਾਂ ਦੇ ਜਨ-ਪ੍ਰਤੀਨਿਧੀਆਂ ਨੇ ਇਸ ਬਾਰੇ ਆਪਣੀਆਂ ਆਗੰਤੁਕ ਟਿੱਪਣੀਆਂ ਵਿਲੱਖਣ ਅੰਦਾਜ਼ ਵਿੱਚ ਦਰਜ ਕੀਤੀਆਂ | ਕਾਨਫਰੰਸ ਦੇ ਪਹਿਲੇ ਦਿਨ ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ 'ਸੰਸਦੀ ਖੋਜ ਅਤੇ ਨਵੀਨਤਾ ਕੇਂਦਰ' ਦਾ ਉਦਘਾਟਨ ਕੀਤਾ | ਇਸ ਕੇਂਦਰ ਰਾਹੀਂ ਵਿਧਾਇਕਾਂ, ਕਮੇਟੀ ਚੇਅਰਮੈਨਾਂ ਤੇ ਉਨ੍ਹਾਂ ਦੇ ਮੈਂਬਰਾਂ ਨੂੰ ਤੱਥ-ਆਧਾਰਿਤ ਖੋਜ, ਵਿਸ਼ਲੇਸ਼ਣ ਤੇ ਸੰਦਰਭ ਸਮੱਗਰੀ ਉਪਲਬਧ ਕਰਵਾਈ ਜਾਵੇਗੀ | ਸੋਮਵਾਰ ਨੂੰ ਉਦਘਾਟਨੀ ਸੈਸ਼ਨ ਤੋਂ ਬਾਅਦ ਸੈਕਟਰ-18 ਸਥਿਤ ਟੈਗੋਰ ਥੀਏਟਰ ਵਿੱਚ ਸੰਵਿਧਾਨਕ ਮੁੱਲਾਂ 'ਤੇ ਆਧਾਰਿਤ ਵਿਸ਼ੇਸ਼ ਰੰਗਮੰਚੀ ਪੇਸ਼ਕਾਰੀ 'ਸੰਵਿਧਾਨ ਕੇ ਨਾਇਕ' ਨਾਟਕ ਦਾ ਮੰਚਨ ਕੀਤਾ ਗਿਆ | ਇਸ ਨਾਟਕ ਲਈ ਵਿਸ਼ੇਸ਼ ਸਕਿ੍ਪਟ ਤਿਆਰ ਕਰਵਾਈ ਗਈ ਸੀ |
