ਚੰਡੀਗੜ੍ਹ, 7 ਨਵੰਬਰ (ਅ.ਬ.)-ਐਚ. ਪੀ. ਇੰਡੀਆ ਨੇ ਐਚ. ਪੀ. ਓਮਨੀਬੁੱਕ 5 ਤੇ ਐਚ. ਪੀ. ਪ੍ਰੋਬੁੱਕ 4 ਜੀ2ਆਈਐੱਸ ਲੈਪਟਾਪ ਲਾਂਚ ਕਰਨ ਦਾ ਐਲਾਨ ਕੀਤਾ। ਐਚ. ਪੀ. ਓਮਨੀਬੁੱਕ 5 ਨੂੰ ਵਿਦਿਆਰਥੀਆਂ ਦੀ ਪੜ੍ਹਾਈ ਤੇ ਰਚਨਾਤਮਕ ਗਤੀਵਿਧੀਆਂ ਵਿਚ ਸਹਿਯੋਗ ਦੇਣ ਦੇ ਉਦੇਸ਼ ਨਾਲ ਤਿਆਰ ਕੀਤਾ ਗਿਆ ਹੈ। ਉਥੇ ਹੀ, ਐਚ. ਪੀ. ਪ੍ਰੋਬੁੱਕ 4 ਜੀ2ਆਈਐੱਸ ਨੂੰ ਭਾਰਤ ਦੇ ਤੇਜ਼ੀ ਨਾਲ ਅੱਗੇ ਵਧ ਰਹੇ ਕਾਰੋਬਾਰਾਂ ਤੇ ਚਲਦੇ-ਫਿਰਦੇ ਕੰਮ ਕਰਨ ਵਾਲੇ ਪੇਸ਼ੇਵਰਾਂ ਦੀਆਂ ਬਦਲਦੀਆਂ ਲੋੜਾਂ ਨੂੰ ਧਿਆਨ ਵਿਚ ਰੱਖਦਿਆਂ ਡਿਜ਼ਾਈਨ ਕੀਤਾ ਗਿਆ ਹੈ। ਬਿਹਤਰ ਕਾਰਗੁਜ਼ਾਰੀ, ਆਸਾਨੀ ਨਾਲ ਲਿਜਾਣ ਦੀ ਸਹੂਲਤ ਤੇ ਏ. ਆਈ. ਆਧਾਰਿਤ ਤਜਰਬੇ ‘ਤੇ ਵਿਸ਼ੇਸ਼ ਧਿਆਨ ਦਿੰਦਿਆਂ ਇਨ੍ਹਾਂ ਨਵੇਂ ਉਪਕਰਨਾਂ ਨੂੰ ਪੜ੍ਹਾਈ ਤੇ ਕੰਮ ਕਰਨ ਦੇ ਵਧੇਰੇ ਲਚਕਦਾਰ ਤਰੀਕਿਆਂ ਦੇ ਅਨੁਕੂਲ ਬਣਾਇਆ ਗਿਆ ਹੈ।ਐਚ. ਪੀ. ਇੰਡੀਆ ਦੇ ਪਰਸਨਲ ਸਿਸਟਮਜ਼ ਦੇ ਸੀਨੀਅਰ ਡਾਇਰੈਕਟਰ ਵਿਨੀਤ ਗੇਹਾਨੀ ਨੇ ਕਿਹਾ ਕਿ ਭਾਰਤ ਦੇ ਵਿਦਿਆਰਥੀ ਤੇ ਕਾਰੋਬਾਰੀ ਲਗਾਤਾਰ ਡਿਜੀਟਲ ਦੁਨੀਆ ਨਾਲ ਜੁੜ ਰਹੇ ਹਨ ਅਤੇ ਇਸ ਦੇ ਨਾਲ ਹੀ ਤਕਨਾਲੋਜੀ ਪ੍ਰਤੀ ਉਨ੍ਹਾਂ ਦੀਆਂ ਉਮੀਦਾਂ ਵੀ ਬਦਲ ਰਹੀਆਂ ਹਨ। ਵਿਦਿਆਰਥੀਆਂ ਨੂੰ ਅਜਿਹੀ ਤਕਨਾਲੋਜੀ ਦੀ ਲੋੜ ਹੈ, ਜੋ ਉਨ੍ਹਾਂ ਦੀ ਪੜ੍ਹਾਈ ਦੇ ਨਾਲ-ਨਾਲ ਰਚਨਾਤਮਕ ਗਤੀਵਿਧੀਆਂ ਵਿਚ ਵੀ ਸਹਿਯੋਗ ਦੇ ਸਕੇ।
