ਮੋਰਿੰਡਾ, 12 ਫਰਵਰੀ (ਤਰਲੋਚਨ ਸਿੰਘ ਕੰਗ)-ਏਡਜ਼ ਜਾਗਰੂਕਤਾ ਤੇ ਟੈਸਟਿੰਗ ਸਬੰਧੀ ਸ੍ਰੀਜਨ ਫਾਊਾਡੇਸ਼ਨ ਤੇ ਆਈ. ਸੀ. ਟੀ. ਸੀ. ਸ੍ਰੀ ਚਮਕੌਰ ਸਾਹਿਬ ਵਲੋਂ ਏਡਜ਼ ਜਾਗਰੂਕਤਾ ਤੇ ਟੈਸਟਿੰਗ ਸਬੰਧੀ ਕੈਂਪ ਲਗਾਇਆ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡਾ. ਗਰਜਾ ਸਿੰਘ ਨੇ ਦੱਸਿਆ ਕਿ ਕੈਂਪ ਦੌਰਾਨ ਸ੍ਰੀਜਨ ਫਾਊਾਡੇਸ਼ਨ ਦੇ ਪ੍ਰੋਜੈਕਟ ਮੈਨੇਜਰ ਨੀਰਜ ਕੁਮਾਰ, ਐੱਚ. ਆਈ. ਵੀ.-ਏਡਜ਼ ਮੈਨੇਜਰ ਸ਼ੋਭਾ, ਕੌਂਸਲਰ ਨਿਰੰਜਨ ਸਿੰਘ ਅਤੇ ਐੱਲ. ਟੀ. ਹਰਵਿੰਦਰ ਸਿੰਘ ਵਲੋਂ ਟੈਸਟਿੰਗ ਕੀਤੀ ਗਈ ਤੇ ਆਮ ਲੋਕਾਂ ਨੂੰ ਜਾਗਰੂਕ ਕੀਤਾ | ਕੈਂਪ ਦੌਰਾਨ ਏਡਜ਼ ਦੀ ਟੈਸਟਿੰਗ, ਕਾਰਨ, ਲੱਛਣ, ਇਲਾਜ ਅਤੇ ਰੋਕਥਾਮ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਗਈ | ਇਸ ਤੋਂ ਇਲਾਵਾ ਗੁਪਤ ਰੋਗਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ | ਇਸ ਮੌਕੇ ਦਿਸ਼ਾ ਕਲਸਟਰ ਪਟਿਆਲਾ ਦੇ ਸੀ. ਪੀ. ਓ. ਜਸਪ੍ਰੀਤ ਸੰਧੂ, ਮਨਦੀਪ ਕੌਰ ਕਾਉਂਸਲਰ, ਜਸਵੀਰ ਸਿੰਘ ਕਾਉਂਸਲਰ, ਹਰਜਿੰਦਰ ਕੌਰ, ਏ.ਐੱਨ.ਐੱਮ. ਪ੍ਰੀਤੀ, ਨੈਂਸੀ, ਹਰਦੀਪ ਸਿੰਘ, ਗੁਰਪ੍ਰੀਤ ਸਿੰਘ, ਗੁਰਿੰਦਰ ਸਿੰਘ ਤੇ ਰਮਨਦੀਪ ਸਿੰਘ ਆਦਿ ਹਾਜ਼ਰ ਸਨ |