ਨੂਰਪੁਰ ਬੇਦੀ, 13 ਫਰਵਰੀ (ਹਰਦੀਪ ਸਿੰਘ ਢੀਂਡਸਾ)-ਪਿਛਲੇ ਲੰਮੇ ਸਮੇਂ ਤੋਂ ਮਨਰੇਗਾ ਵਿਚ ਕੰਮ ਕਰ ਰਹੇ ਮੇਹਟਾਂ ਵਲੋਂ ਆਪਣੀਆਂ ਮੰਗਾਂ ਸਬੰਧੀ ਬੀ. ਡੀ. ਪੀ. ਓ. ਨੂਰਪੁਰ ਬੇਦੀ ਨੂੰ ਇਕ ਮੰਗ ਪੱਤਰ ਦਿੱਤਾ ਗਿਆ, ਜਿਸ ਵਿਚ ਨਰੇਗਾ ਮੇਟਾ ਨੇ ਦੱਸਿਆ ਕਿ ਪਿਛਲੇ ਇਕ ਸਾਲ ਤੋਂ ਨਰੇਗਾ ਮੇਟਾ ਨੂੰ ਨਰੇਗਾ ਵਿਚ ਕੰਮ ਕਰਨ ਤੇ ਉਨ੍ਹਾਂ ਦੀਆਂ ਦਿਹਾੜੀਆਂ ਦੇ ਪੈਸੇ ਨਹੀਂ ਦਿੱਤੇ ਗਏ, ਜਦੋਂ ਕਿ ਬਾਕੀ ਲੇਬਰ ਦੇ ਪੈਸੇ ਸਮੇਂ-ਸਮੇਂ ਸਿਰ ਉਨ੍ਹਾਂ ਦੇ ਖਾਤਿਆਂ ਵਿਚ ਪਾ ਦਿੱਤੇ ਜਾਂਦੇ ਹਨ, ਪਰ ਮੇਟਾਂ ਦਾ ਕੀ ਕਸੂਰ ਹੈ ਜਿਨ੍ਹਾਂ ਨੂੰ ਪਿਛਲੇ ਇਕ ਸਾਲ ਤੋਂ ਕੋਈ ਵੀ ਪੈਸਾ ਨਹੀਂ ਦਿੱਤਾ ਗਿਆ¢ ਜਦੋਂ ਕਿ ਮੇਹਟਾਂ ਦੇ ਖ਼ਰਚੇ ਸਭ ਤੋਂ ਜ਼ਿਆਦਾ ਹੈ ¢ਦੋ ਟਾਈਮ ਹਾਜ਼ਰੀ ਲਾਉਣਾ, ਕੇ ਵਾਈ ਸੀ ਕਰਨਾ ਇਹ ਸਾਰੇ ਕੰਮ ਨਰੇਗਾ ਮੇਟਾਂ ਦੇ ਸਿਰ ਮੁੜ ਦਿੱਤੇ ਗਏ ਹਨ ਪਰ ਫਿਰ ਵੀ ਮਨਰੇਗਾ ਵਿਚ ਕੰਮ ਕਰਦੇ ਮੇਟਾਂ ਨੂੰ ਉਨ੍ਹਾਂ ਦੇ ਕੰਮ ਦੇ ਪੈਸੇ ਨਹੀਂ ਦਿੱਤੇ ਜਾਂਦੇ, ਜਦੋਂ ਕਿ ਮਨਰੇਗਾ ਦੇ ਕੰਮਾਂ ਵਿਚ ਸਭ ਤੋਂ ਜ਼ਿਆਦਾ ਸਿਰਦਰਦੀ ਮੇਟਾਂ ਦੀ ਹੁੰਦੀ ਹੈ ਜਿਸ ਕਰਕੇ ਅੱਜ ਨੂਰਪੁਰ ਬੇਦੀ ਬੀ.ਡੀ.ਪੀ.ਓ. ਦਫ਼ਤਰ ਵਿਖੇ ਮਨਰੇਗਾ ਮੇਟਾਂ ਨੇ ਇਕੱਠੇ ਹੋ ਕੇ ਵੀਡੀਓ ਨੂਰਪੁਰ ਬੇਦੀ ਨੂੰ ਇਕ ਆਪਣੀਆਂ ਮੰਗਾਂ ਸਬੰਧੀ ਇੱਕ ਮੰਗ ਪੱਤਰ ਦਿੱਤਾ¢ ਬੀ.ਡੀ.ਪੀ.ਓ. ਦੇ ਹਾਜ਼ਰ ਨਾ ਹੋਣ ਕਾਰਨ ਬੀ.ਡੀ.ਪੀ.ਓ. ਦੀ ਥਾਂ ਇਹ ਮੰਗ ਪੱਤਰ ਸੁਪਰਡੈਂਟ ਨੇ ਲਿਆ, ਜਿਸ ਤੋਂ ਬਾਅਦ ਮਨਰੇਗਾ ਮੇਹਟਾਂ ਨੇ ਮੰਗ ਕੀਤੀ ਕਿ ਸਾਡੀਆਂ ਜੋ ਦਿਹਾੜੀਆਂ ਦੇ ਪੈਸੇ ਹਨ ਉਹ ਜਲਦੀ ਤੋਂ ਜਲਦੀ ਸਾਡੇ ਖਾਤਿਆਂ ਵਿਚ ਪਾਏ ਜਾਣ |
