ਰੂਪਨਗਰ

ਦਸ ਦਿਨਾਂ ਤੋਂ ਲਾਪਤਾ ਵਿਆਹੁਤਾ ਦੀ ਭਾਲ 'ਚ ਜੁਟੇ ਨੇ ਵਾਰਿਸ ਅਤੇ ਪੁਲਿਸ ਪਤੀ, ਸੱਸ ਅਤੇ ਸਹੁਰੇ ਨੇ ਕਿਸੇ ਰਿਸ਼ਤੇਦਾਰ 'ਤੇ ਲਾਇਆ ਵਰਗਲਾਉਣ ਦਾ ਦੋਸ਼ <br/>

ਲਾਪਤਾ ਵਿਆਹੁਤਾ ਨੂੰ ਕਿਸੇ ਰਿਸ਼ਤੇਦਾਰ 'ਤੇ ਵਰਗਲਾਉਣ ਦੇ ਦੋਸ਼ ਲਾਉਣ ਮੌਕੇ ਪਤੀ, ਸੱਸ ਅਤੇ ਸਹੁਰਾ | (ਇਨਸੈੱਟ) ਵਿਆਹੁਤਾ ਦੀ ਫਾਈਲ ਫੋਟੋ | ਤਸਵੀਰਾਂ: ਅਜੀਤ <br/> 30-04-2026

ਭਰਤਗੜ੍ਹ, 29 ਅਪ੍ਰੈਲ (ਜਸਬੀਰ ਸਿੰਘ ਬਾਵਾ)-ਗਾਜੀਪੁਰ 'ਚ ਕਰੀਬ 12 ਵਰਿ੍ਹਆਂ ਤੋਂ ਵਿਆਹੀ ਅÏਰਤ, ਜੋ ਕਿ ਦੋ ਬੱਚਿਆਂ ਦੀ ਮਾਂ ਹੈ, 20 ਅਪ੍ਰੈਲ ਤੋਂ ਲਾਪਤਾ ਹੈ, ਸੰਬੰਧਿਤ ਪਰਿਵਾਰ ਅਤੇ ਭਰਤਗੜ੍ਹ ਪੁਲਿਸ ਇਸਦੀ ਭਾਲ 'ਚ ਜੁਟੇ ਹੋਏ ਹਨ | ਉਕਤ ਅÏਰਤ ਦੇ ਪਤੀ ਗੁਰਪ੍ਰੀਤ ਸਿੰਘ, ਸੱਸ ਸਵਰਨ ਕੌਰ ਅਤੇ ਸਹੁਰੇ ਭਜਨ ਸਿੰਘ ਨੇ ਅੱਜ ਆਪਣੇ ਹੋਰਨਾਂ ਪਰਿਵਾਰਕ ਜੀਆਂ ਦੀ ਮੌਜੂਦਗੀ 'ਚ ਦੱਸਿਆ ਕਿ ਉਨ੍ਹਾਂ ਦੀ ਨੂੰਹ ਹਰਪ੍ਰੀਤ ਕੌਰ, ਪੰਜਾਬ ਸਰਕਾਰ ਵਲੋਂ ਮਹਿਲਾਵਾਂ ਨੂੰ ਦਿੱਤੀ ਜਾ ਰਹੀ 1500 ਰੁ: ਦੀ ਸਹੂਲਤ ਲਈ ਲੋੜੀਂਦੇ ਫਾਰਮ ਲਈ ਸੇਵਾ ਕੇਂਦਰ ਭਰਤਗੜ੍ਹ ਅਤੇ ਆਪਣੇ ਵਾਸਤੇ ਪੈਸੇ ਕਢਵਾਉਣ ਲਈ ਯੂਕੋ ਬੈਂਕ ਭਰਤਗੜ੍ਹ ਲਈ ਆਈ ਸੀ, ਯੂਕੋ ਬੈਂਕ ਤੋਂ 10 ਹਜ਼ਾਰ ਰੁਪਏ ਕਢਵਾਏ, ਪਰ ਸੇਵਾ ਕੇਂਦਰ ਭਰਤਗੜ੍ਹ 'ਚ ਨਹੀਂ ਪੁੱਜੀ, ਬੈਂਕ 'ਚੋਂ ਨਿਕਲੀ ਨਕਦੀ ਦੀ ਸੂਚਨਾ ਇਸਦੇ ਪਤੀ ਨੂੰ ਮੋਬਾਈਲ 'ਤੇ ਮਿਲੀ ਹੈ, ਪਰ ਸ਼ਾਮੀਂ ਚਾਰ ਵਜੇ ਤੱਕ ਆਪਣੀ ਨੂੰਹ ਦੇ ਘਰ ਨਾ ਪਰਤਣ 'ਤੇ ਨਿੱਜੀ ਤੌਰ 'ਤੇ ਭਰਤਗੜ੍ਹ 'ਚ ਦੁਕਾਨਾਂ ਦੇ ਅਧੁਨਿਕ ਨਿਗਰਾਨ ਕੈਮਰਿਆਂ ਦੀ ਜਾਂਚ ਕਰਵਾਈ ਤਾਂ ਭਰਤਗੜ੍ਹ ਦੇ ਜ਼ਮੀਨਦੋਜ਼ ਪੁਲ ਤੱਕ ਨਜ਼ਰ ਆਈ ਹੈ, ਪਰ ਬੱਸ ਅੱਡੇ, ਪੰਜੇਹਰਾ ਮਾਰਗ ਜਾਂ ਕੌਮੀ ਮਾਰਗ 'ਤੇ ਕਿਸੇ ਵੀ ਥਾਂ 'ਤੇ ਦਿਖਾਈ ਨਹੀਂ ਦਿੱਤੀ | ਉਕਤ ਦੇ ਪਤੀ ਨੇ ਦੱਸਿਆ ਇਸੇ ਦਿਨ ਸਵੇਰੇ ਸਵਾ ਕੁ ਦਸ ਵਜੇ ਕੋਈ ਨਜ਼ਦੀਕੀ ਰਿਸ਼ਤੇਦਾਰ ਫੋਨ 'ਤੇ ਰਾਬਤਾ ਕਰਕੇ ਪਰਿਵਾਰ ਦੀ ਤੰਦਰੁਸਤੀ ਬਾਰੇ ਜਾਣਕਾਰੀ ਲੈਂਦਾ ਹੈ, ਉਸ ਤੋਂ ਬਾਅਦ ਇਨ੍ਹਾਂ ਦੀ ਪਤਨੀ, ਇਨ੍ਹਾਂ ਦੇ ਰਿਸ਼ਤੇਦਾਰ ਸਮੇਤ ਦੋਵਾਂ ਦੇ ਫੋਨ ਬੰਦ ਆ ਰਹੇ ਹਨ | ਰਿਸ਼ਤੇਦਾਰ 'ਤੇ ਪਤੀ ਨੇ ਆਪਣੀ ਪਤਨੀ ਅਤੇ ਸੱਸ ਸਹੁਰੇ ਨੇ ਆਪਣੀ ਨੂੰਹ ਨੂੰ ਵਰਗਲਾਉਣ ਦੇ ਦੋਸ਼ ਲਗਾਉਂਦਿਆਂ ਕਿਹਾ ਕਿ ਭਰਤਗੜ੍ਹ ਪੁਲਿਸ ਚੌਕੀ 'ਚ ਇਨ੍ਹਾਂ ਨੇ ਲਾਪਤਾ ਹੋਣ ਦੀ ਇਤਲਾਹ ਲਿਖਵਾਈ ਸੀ, ਪੁਲਿਸ ਮੁਲਾਜ਼ਮਾਂ ਨੇ ਸਾਡੇ ਪਰਿਵਾਰ ਨੂੰ ਸਹਿਯੋਗ ਵੀ ਦਿੱਤਾ ਹੈ, ਹੁਣ ਅਸੀਂ ਆਪਣੇ ਰਿਸ਼ਤੇਦਾਰ ਨਾਲ ਸਬੰਧਿਤ ਥਾਣੇ 'ਚ ਵਰਗਲਾਉਣ ਦੀ ਇਤਲਾਹ ਦਰਜ ਕਰਵਾਵਾਂਗੇ ਤਾਂ ਕਿ ਦਸ ਦਿਨਾਂ ਤੋਂ ਵਿੱਛੜੀ ਮਾਂ ਜਲਦੀ ਆਪਣੇ ਬੱਚਿਆਂ ਨੂੰ ਮਿਲ ਸਕੇ | ਪੁਲਿਸ ਚੌਕੀ ਭਰਤਗੜ੍ਹ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਭਾਲ ਤਾਂ ਕਰ ਹੀ ਰਹੇ ਹਾਂ, ਅÏਰਤ ਦੇ ਮਿਲਣ ਤੋਂ ਬਾਅਦ ਪਰਿਵਾਰ ਦੇ ਬਿਆਨਾਂ ਦੇ ਆਧਾਰ 'ਤੇ ਕਾਰਵਾਈ ਕੀਤੀ ਜਾਵੇਗੀ |

ਪਿਛਲੀ ਖ਼ਬਰ ਸ਼ਹਿਰੀ ਸਥਾਨਕ ਸੰਸਥਾਵਾਂ ਚੋਣਾਂ ਲਈ ਨਾਮਜ਼ਦਗੀਆਂ ਸ਼ੁਰੂ ਪਹਿਲੇ ਦਿਨ 11 ਉਮੀਦਵਾਰਾਂ ਨੇ ਕਾਗ਼ਜ਼ ਦਾਖਲ ਕੀਤੇ- ਡੀ ਸੀ... ਅਗਲੀ ਖ਼ਬਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਪ੍ਰਸ਼ਾਸਨ ਵਲੋਂ ਸ਼ਤਾਬਦੀ ਸੰਬੰਧੀ ਪੁਖ਼ਤਾ ਪ੍ਰਬੰਧ <br/>