ਖਰੜ, 1 ਮਈ (ਗੁਰਮੁੱਖ ਸਿੰਘ ਮਾਨ)- ਲੇਬਰ ਚੌਕ ਖਰੜ ਵਿਖੇ ਸਥਾਨਕ ਜਥੇਬੰਦੀਆਂ ਤੇ ਭਾਰਤ ਨਿਰਮਾਣ ਮਿਸਤਰੀ ਮਜ਼ਦੂਰ ਯੂਨੀਅਨ ਖਰੜ ਵਲੋਂ 'ਵਿਸ਼ਵ ਮਜ਼ਦੂਰ ਦਿਵਸ' ਨੂੰ ਸਮਰਪਿਤ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਬਜ਼ੁਰਗ ਕਮਿਊਨਿਸਟ ਕਾਮਰੇਡ ਯੋਗਰਾਜ ਵਲੋਂ ਲਾਲ ਝੰਡਾ ਲਹਿਰਾਉਣ ਦੀ ਰਸਮ ਅਦਾ ਕੀਤੀ ਗਈ | ਇਸ ਤੋਂ ਪਹਿਲਾਂ ਇਕੱਤਰ ਹੋਏ ਮਜ਼ਦੂਰਾਂ ਵਲੋਂ ਹੱਥਾਂ 'ਚ ਝੰਡੇ ਲੈ ਕੇ ਮਾਰਚ ਕੱਢਿਆ ਗਿਆ | ਉਪਰੰਤ ਲੇਬਰ ਚੌਕ ਵਿਖੇ ਸ਼ਿਕਾਗੋ ਦੇ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਗਏ | ਇਸ ਮੌਕੇ ਪੀ. ਸੀ. ਪੀ. ਐਲ. ਦੇ ਆਗੂ ਸਾਥੀ ਭੁਪਿੰਦਰ ਸਿੰਘ ਮਦਨਹੇੜੀ, ਕਾਮਰੇਡ ਬਲਵੀਰ ਸਿੰਘ ਮੁਸਾਫ਼ਿਰ, ਸੀ. ਪੀ. ਆਈ. ਦੇ ਤਹਿਸੀਲ ਸਕੱਤਰ ਹਰਮੇਲ ਸਿੰਘ ਚੋਲਟਾ, ਸੀਟੂ ਆਗੂ ਗੁਰਦੀਪ ਸਿੰਘ, ਉਦਯੋਗ ਵਿਭਾਗ ਦੇ ਮੁਲਾਜ਼ਮ ਆਗੂ ਤਾਰਾ ਸਿੰਘ, ਲਖਬੀਰ ਸਿੰਘ ਬਡਾਲਾ, ਬੀ. ਐਸ. ਐਲ. ਐਲ. ਦੇ ਕਾਮਰੇਡ ਕਲਮਜੀਤ ਸਿੰਘ, ਐਨ. ਜੀ. ਓ. ਸਮਰੱਥ ਟੀ. ਆਈ. ਮੁਹਾਲੀ ਦੇ ਕਰਮ ਸਿੰਘ ਸ਼ੇਖਾ, ਟੀਚਰ ਯੂਨੀਅਨ ਦੇ ਆਗੂ ਹਰਜੀਤ ਸਿੰਘ ਅਤੇ ਭਾਰਤ ਨਿਰਮਾਣ ਮਿਸਤਰੀ ਮਜ਼ਦੂਰ ਯੂਨੀਅਨ ਖਰੜ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਬਡਾਲਾ ਆਦਿ ਹਾਜ਼ਰ ਸਨ |
