ਕਿਹਾ ਆਪ ਨੂੰ ਜਾਅਲੀ ਵੋਟਾਂ ਭਾਜਪਾ ਕਿਸੇ ਕੀਮਤ 'ਤੇ ਨਹੀਂ ਪਾਉਣ ਦੇਵੇਗੀ ਨਗਰ ਕੌਂਸਲ ਨੰਗਲ ਦੇ ਸਾਬਕਾ ਪ੍ਰਧਾਨ ਰਾਜੇਸ਼ ਚੌਧਰੀ ਨੇ ਕਿਹਾ ਕਿ ਨੰਗਲ ਕੌਂਸਲ ਚੋਣਾਂ ਵਿਚ ਸੱਤਾਧਾਰੀ ਪਾਰਟੀ ਵਲੋਂ ਵੱਖ-ਵੱਖ ਵਾਰਡਾਂ ਵਿਚ ਆਪਣੇ ਉਮੀਦਵਾਰਾਂ ਨੂੰ ਜਿਤਾਉਣ ਲਈ ਬਣਾਈਆਂ ਗਈ ਜਾਅਲੀ ਵੋਟਾਂ ਨੂੰ ਕਿਸੇ ਵੀ ਕੀਮਤ 'ਤੇ ਪਾਉਣ ਨਹੀਂ ਦਿੱਤਾ ਜਾਵੇਗਾ | ਹਰ ਬੂਥ ਤੇ ਭਾਜਪਾ ਦੇ ਵੱਡੀ ਗਿਣਤੀ 'ਚ ਵਰਕਰ ਰਾਖੀ ਕਰਨਗੇ | ਉਨ੍ਹਾਂ ਕਾਂਗਰਸ ਨੂੰ ਆੜ੍ਹੇ ਹੱਥੀਂ ਲੈਂਦਿਆਂ ਆਖਿਆ ਕਿ ਜਾਅਲੀ ਵੋਟਾਂ ਬਣਾਉਣ ਦੀ ਪਿਰਤ ਵੀ ਪਿਛਲੇ ਸਮੇਂ ਅੰਦਰ ਕਾਂਗਰਸ ਨੇ ਸ਼ੁਰੂ ਕੀਤੀ ਸੀ ਜਿਸਦਾ ਮੈਂ ਅਤੇ ਮੇਰੇ ਪਰਿਵਾਰ ਨੂੰ ਖ਼ਮਿਆਜ਼ਾ ਵੀ ਭੁਗਤਣਾ ਪਿਆ ਸੀ | ਉਨ੍ਹਾਂ ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ ਨੂੰ ਸਲਾਹ ਦਿੰਦਿਆਂ ਕਿਹਾ ਕਿ ਉਹ ਕਾਂਗਰਸ ਦੀ ਪਾਈ ਜਾਅਲੀ ਵੋਟਾਂ ਵਾਲੀ ਪਿਰਤ 'ਤੇ ਨਾ ਚੱਲ ਕੇ ਲੋਕਾਂ ਨੰੂ ਆਪਣੀ ਮਰਜ਼ੀ ਨਾਲ ਉਮੀਦਵਾਰਾਂ ਦੀ ਚੋਣ ਕਰਨ ਦੇਣ | ਚੌਧਰੀ ਨੇ ਮੀਡੀਆ ਨੂੰ ਜਾਅਲੀ ਵੋਟਾਂ ਰੋਕਣ ਲਈ ਸਹਿਯੋਗ ਦੀ ਮੰਗ ਕੀਤੀ | ਚੌਧਰੀ ਨੇ ਆਪਣੀ ਸਿਆਸੀ ਜੱਫੀ ਸੰਬੰਧੀ ਪੁੱਛੇ ਜਾਣ 'ਤੇ ਆਖਿਆ ਕਿ ਭਾਜਪਾ ਸਾਡੀ ਮਾਂ ਹੈ ਅਤੇ ਮੈਂ ਅਤੇ ਡਾ ਸ਼ਰਮਾ ਇੱਕੋ ਮਾਂ ਦੇ ਪੁੱਤ ਹਾਂ ਅਤੇ ਮਾਂ ਕੋਲੋਂ ਦੁੱਧ ਮੰਗਣਾ (ਭਾਜਪਾ ਵਿਧਾਨ ਸਭਾ ਟਿਕਟ) ਸਾਡਾ ਹੱਕ ਹੈ |
