ਚੰਡੀਗੜ੍ਹ, 4 ਜੂਨ (ਅ.ਬ.) - 'ਹੀਰ ਐਕਸਪ੍ਰੈਸ' ਫਿਲਮ ਨਾਲ ਆਪਣੀ ਪਛਾਣ ਬਣਾਉਣ ਵਾਲੀ ਕਾਰੋਬਾਰੀ ਉੱਦਮੀ ਤੇ ਅਦਾਕਾਰਾ ਦਿਵਿਤਾ ਜੁਨੇਜਾ ਨੇ ਇੱਕ ਹੋਰ ਮਹੱਤਵਪੂਰਨ ਪ੍ਰਾਪਤੀ ਹਾਸਲ ਕੀਤੀ ਹੈ | ਚੰਡੀਗੜ੍ਹ ਵਿੱਚ ਬਿਗ ਐਫ.ਐਮ. ਦੁਆਰਾ ਕਰਵਾਏ ਵੱਕਾਰੀ 'ਬਿਗ ਇੰਪੈਕਟ ਐਵਾਰਡਜ਼ 2026' ਵਿਚ ਅਦਾਕਾਰੀ ਦੇ ਖੇਤਰ ਵਿੱਚ ਯੋਗਦਾਨ ਲਈ ਉਸ ਨੂੰ ਬਿਗ ਇੰਪੈਕਟ ਐਵਾਰਡ 2026 ਨਾਲ ਸਨਮਾਨਿਤ ਕੀਤਾ ਗਿਆ | ਇਹ ਸਨਮਾਨ ਉਸ ਦੇ ਵਧਦੇ ਅਦਾਕਾਰੀ ਕਰੀਅਰ, ਪ੍ਰਭਾਵਸ਼ਾਲੀ ਸ਼ਖਸੀਅਤ ਤੇ ਦਰਸ਼ਕਾਂ ਵਿੱਚ ਵੱਧਦੀ ਪ੍ਰਸਿੱਧੀ ਦੇ ਸਨਮਾਨ 'ਚ ਦਿੱਤਾ ਗਿਆ | ਇਸ ਸ਼ਾਨਦਾਰ ਸਮਾਰੋਹ ਵਿੱਚ ਵੱਖ-ਵੱਖ ਖੇਤਰਾਂ ਦੀਆਂ ਸ਼ਾਨਦਾਰ ਪ੍ਰਤਿਭਾਵਾਂ ਤੇ ਪ੍ਰਭਾਵਸ਼ਾਲੀ ਸ਼ਖਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ ਨੇ ਇਸ ਸਮਾਗਮ ਵਿੱਚ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਇਹ ਸਮਾਗਮ ਉੱਤਮਤਾ, ਨਵੀਨਤਾ ਤੇ ਸ਼ਾਨਦਾਰ ਪ੍ਰਾਪਤੀਆਂ ਦਾ ਜਸ਼ਨ ਸੀ ਤੇ ਇਸ ਵਿੱਚ ਕਾਰੋਬਾਰ, ਮਨੋਰੰਜਨ ਤੇ ਹੋਰ ਖੇਤਰਾਂ ਦੀਆਂ ਕਈ ਪ੍ਰਮੁੱਖ ਹਸਤੀਆਂ ਸ਼ਾਮਲ ਸਨ | ਦਿਵਿਤਾ ਜੁਨੇਜਾ ਨੇ ਹਾਲ ਹੀ 'ਚ ਆਪਣੀ ਪਹਿਲੀ ਫਿਲਮ, ਹੀਰ ਐਕਸਪ੍ਰੈਸ ਵਿਚ ਅਦਾਕਾਰੀ ਦੀ ਦੁਨੀਆ 'ਚ ਪ੍ਰਵੇਸ਼ ਕੀਤਾ ਜਿਸ 'ਚ ਉਨ੍ਹਾਂ ਨੇ ਅਨੁਭਵੀ ਅਦਾਕਾਰ ਆਸ਼ੂਤੋਸ਼ ਰਾਣਾ, ਸੰਜੇ ਮਿਸ਼ਰਾ, ਗੁਲਸ਼ਨ ਗਰੋਵਰ ਤੇ ਪ੍ਰੀਤ ਕਮਾਨੀ ਨਾਲ ਸਕ੍ਰੀਨ ਸਾਂਝੀ ਕੀਤੀ | ਫਿਲਮ ਵਿੱਚ ਉਨ੍ਹਾਂ ਦੇ ਪ੍ਰਦਰਸ਼ਨ ਦੀ ਪ੍ਰਸ਼ੰਸਾ ਕੀਤੀ ਗਈ ਅਤੇ ਹੁਣ ਇਹ ਸਨਮਾਨ ਉਸਦੇ ਕਰੀਅਰ ਵਿਚ ਇਕ ਮਹੱਤਵਪੂਰਨ ਪ੍ਰਾਪਤੀ ਬਣ ਗਿਆ ਹੈ | ਜ਼ਿਕਰਯੋਗ ਹੈ ਕਿ ਦਿਵਿਤਾ ਜੁਨੇਜਾ ਲਗਜ਼ਰੀ ਖੁਸ਼ਬੂ ਬ੍ਰਾਂਡ ਡੇਜ਼ਾਨੇ ਅਟਾਰ ਦੀ ਸੰਸਥਾਪਕ ਹੈ |
