ਸ੍ਰੀ ਚਮਕੌਰ ਸਾਹਿਬ, 31 ਜੁਲਾਈ (ਜਗਮੋਹਣ ਸਿੰਘ ਨਾਰੰਗ)- ਸਥਾਨਕ ਦਾਸਤਾਨ ਏ ਸ਼ਹਾਦਤ ਨੇੜੇ ਇੱਕ ਖੜੇ ਟਿੱਪਰ ਨਾਲ ਕਾਰ ਟਕਰਾ ਗਈ ਜਿਸ ਨਾਲ ਕਾਰ ਵਿਚ ਸਵਾਰ ਪਤੀ ਪਤਨੀ ਅਤੇ ਇਨ੍ਹਾਂ ਦਾ ਇੱਕ ਬੇਟਾ ਜਖਮੀ ਹੋ ਗਿਆ,ਜਿਨ੍ਹਾਂ ਨੂੰ ਐਸ ਐਸ ਐਫ ਵਾਲਿਆਂ ਨੇ ਸ੍ਰੀ ਚਮਕੌਰ ਸਾਹਿਬ ਦੇ ਸਬ ਡਵੀਜਨਲ ਹਸਪਤਾਲ ਪਹੁੰਚਾਇਆ, ਜਿਥੇ ਜੇਰੇ ਇਲਾਜ ਦਾਖਲ ਹਨ। ਮੌਕੇ ਤੋਂ ਹਾਸਲ ਕੀਤੀ ਜਾਣਕਾਰੀ ਅਨੁਸਾਰ ਉਕਤ ਕਾਰ ਚਾਲਕ ਮਾਤਾ ਨੈਣਾ ਦੇਵੀ ਦੇ ਮੰਦਿਰ ਦੇ ਦਰਸ਼ਨ ਕਰਕੇ ਵਾਪਿਸ ਲੁਧਿਆਣਾ ਵੱਲ ਜਾ ਰਹੇ ਸਨ ਕਿ ਸੜਕ ’ਤੇ ਖੜੇ ਟਿੱਪਰ ਨਾਲ ਕਾਰ ਟਕਰਾ ਗਈ, ਮੌਕੇ ’ਤੇ ਖੜੇ ਲੋਕਾਂ ਦੱਸਿਆ ਕਿ ਹੋ ਸਕਦਾ ਕਾਰ ਚਾਲਕ ਨੂੰ ਨੀਂਦ ਆ ਗਈ ਹੋਵੇ ਜਾਂ ਸੜਕ ’ਤੇ ਪਏ ਟੋਏ ਕਾਰਨ ਸੜਕ ਬੇਕਾਬੂ ਹੋ ਕੇ ਸਹੀ ਸਾਈਡ ਤੇ ਖੜੇ ਟਿੱਪਰ ਨਾਲ ਟਕਰਾ ਗਈ। ਭਾਵੇਂ ਇਸ ਹਾਦਸੇ ਵਿਚ ਕਾਰ ਦਾ ਕਾਫ਼ੀ ਨੁਕਸਾਨ ਹੋਇਆ ਹੈ, ਪਰ ਕਾਰ ਚਾਲਕਾਂ ਦੇ ਮਾਮੂਲੀ ਸੱਟਾਂ ਹਨ।
