ਚੌਂਕ ਮਹਿਤਾ, 2 ਮਈ (ਧਰਮਿੰਦਰ ਸਿੰਘ ਭੰਮਰਾ)-ਪਿੰਡ ਅਰਜਨ ਮਾਂਗਾ ਵਿਚ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿਚ ਨਵੇਂ ਬਣੇ ਕਮਰਿਆਂ ਦਾ ਉਦਘਾਟਨ ਚੇਅਰਮੈਨ ਤੇ ਲੋਕ ਸਭਾ ਹਲਕਾ ਅੰਮਿ੍ਤਸਰ ਦੇ ਇੰਚਾਰਜ਼ ਜਸਕਰਨ ਬੰਦੇਸ਼ਾ ਵਲੋਂ ਕੀਤਾ ਗਿਆ | ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸਿੱਖਿਆ ਕ੍ਰਾਂਤੀ ਦੇ ਵਿਚ ਪੰਜਾਬ ਦੇ ਹਰ ਸਕੂਲ ਦੇ ਮੁੱਢਲੇ ਢਾਂਚੇ ਦਾ ਨਵੀਨੀਕਰਨ ਕੀਤਾ ਜਾ ਰਿਹਾ ਹੈ, ਤੇ ਸਮੇਂ ਦੇ ਹਾਣ ਦਾ ਬਣਾਇਆ ਜਾ ਰਿਹਾ ਹੈ ਸਰਕਾਰ ਦਿਲ ਖੋਲ ਕੇ ਸਕੂਲ ਹਸਪਤਾਲ ਤੇ ਨਹਿਰਾਂ 'ਤੇ ਖਰਚ ਕਰ ਕੇ ਲੋਕਾਂ ਨੂੰ ਸਹੂਲਤਾਂ ਦੇ ਰਹੀ ਹੈ ਲੋਕਾਂ ਨੂੰ ਇਨ੍ਹਾਂ ਦਾ ਜ਼ਰੂਰ ਲਾਭ ਲੈਣਾ ਚਾਹੀਦਾ ਹੈ | ਇਸ ਮੌਕੇ ਉਨ੍ਹਾਂ ਨਾਲ ਮਾਝਾ ਜੋਨ ਇੰਚਾਰਜ਼ ਮੀਡੀਆ ਵਿੰਗ ਅਰਵਿੰਦਰ ਸਿੰਘ ਭੱਟੀ, ਹਲਕਾ ਮਜੀਠਾ ਸੰਗਠਨ ਇੰਚਾਰਜ਼ ਕਿਰਪਾਲ ਸਿੰਘ, ਮੀਡੀਆ ਇੰਚਾਰਜ ਆਮ ਆਦਮੀ ਪਾਰਟੀ ਮਜੀਠਾ ਨਿਸ਼ਾਨ ਸਿੰਘ ਅਰਜਨ ਮਾਂਗਾ, ਐਲੀਮੈਂਟਰੀ ਸਕੂਲ ਅਰਜਨ ਮਾਂਗਾ ਹੈੱਡ ਮਾ. ਗੁਰਬਿੰਦਰ ਸਿੰਘ, ਮਿਡਲ ਸਕੂਲ ਅਰਜਨ ਮਾਂਗਾ ਹੈੱਡ ਮਾ. ਮਨਮੋਹਨ ਸਿੰਘ, ਪਿ੍ੰਸੀਪਲ ਗੁਰਮੁੱਖ ਸਿੰਘ, ਰਣਧੀਰ ਸਿੰਘ, ਮਨਜੀਤ ਸਿੰਘ, ਸੁਖਪਾਲ ਸਿੰਘ ਤੇ ਵੱਖ-ਵੱਖ ਸਕੂਲਾਂ ਦੇ ਮੁਖੀ ਹਾਜ਼ਰ ਸਨ |
