ਮਾਊਂਟ ਲਿਟਰਾ ਜੀ ਸਕੂਲ ਅੰਮ੍ਰਿਤਸਰ ਵਿਚ ਮਾਪੇ-ਅਧਿਆਪਕ ਐਸੋਸੀਏਸ਼ਨ ਮੀਟਿੰਗ ਦਾ ਆਯੋਜਨ

ਛੇਹਰਟਾ, 27 ਜੁਲਾਈ (ਪੱਤਰ ਪ੍ਰੇਰਕ)- ਮਾਊਂਟ ਲਿਟਰਾ ਜੀ ਸਕੂਲ (ਥਾਂਦੇ) ਅੰਮ੍ਰਿਤਸਰ ’ਚ ਮਾਪੇ-ਅਧਿਆਪਕ ਐਸੋਸੀਏਸ਼ਨ ਦੀ ਇਕ ਅਹਿਮ ਮੀਟਿੰਗ ਹੋਈ। ਮੀਟਿੰਗ ਦੀ ਸ਼ੁਰੂਆਤ ਮਾਪੇ-ਅਧਿਆਪਕ ਐਸੋਸੀਏਸ਼ਨ ਦੇ ਸਕੱਤਰ ਜਸਲੀਨ ਕੌਰ ਨੇ ਸਭ ਅਧਿਆਪਕਾਂ ਅਤੇ ਮਾਪਿਆਂ ਦਾ ਤਹਿ ਦਿਲੋਂ ਸੁਆਗਤ ਕਰਦੇ ਹੋਏ ਕੀਤੀ ਤੇ ਮੀਟਿੰਗ ਦਾ ਏਜੰਡਾ ਪੇਸ਼ ਕੀਤਾ ਤੇ ਐਸੋਸੀਏਸ਼ਨ ਦੇ ਪ੍ਰਧਾਨ ਤੇ ਪ੍ਰਿੰਸੀਪਲ ਸ੍ਰੀਮਤੀ ਜਸਵਿੰਦਰ ਸੇਠੀ ਨੂੰ ਹਰ ਬਿੰਦੂ ਉੱਤੇ ਵਿਸਥਾਰਪੂਰਵਕ ਚਰਚਾ ਕਰਨ ਲਈ ਸੱਦਾ ਦਿੱਤਾ। ਮੀਟਿੰਗ ਦੌਰਾਨ ਅਕਾਦਮਿਕ, ਅਨੁਸ਼ਾਸਨ, ਖੇਡਾਂ ਤੇ ਸਕੂਲ ਪ੍ਰਣਾਲੀ ਉੱਤੇ ਫੀਡਬੈਕ ਮੁੱਖ ਏਜੰਡਾ ਸੀ ਜਿਸ ’ਤੇ ਮਾਪਿਆਂ ਅਤੇ ਅਧਿਆਪਕਾਂ ਨੇ ਇਨ੍ਹਾਂ ਖੇਤਰਾਂ ਵਿਚ ਸਕੂਲ ਦੀ ਕਾਰਗੁਜ਼ਾਰੀ ਉੱਤੇ ਸੰਤੁਸ਼ਟੀ ਦਾ ਪ੍ਰਗਟਾਵਾ ਕੀਤਾ ਤੇ ਸਰਗਰਮ ਸੁਝਾਅ ਦਿੱਤੇ ਤੇ ਐਲਾਨ ਕੀਤਾ ਗਿਆ ਕਿ ਸੈਸ਼ਨ 2026-27 ਦਾ ਸਲਾਨਾ ਸਮਾਰੋਹ ਨਵੰਬਰ 2026 ਵਿਚ ਕਰਵਾਇਆ ਜਾਵੇਗਾ ਤੇ ਫੈਸਲਾ ਕੀਤਾ ਗਿਆ ਕਿ ਵਿਦਿਆਰਥੀ ਆਉਣ ਵਾਲੀਆਂ ਜ਼ੋਨਲ ਤੇ ਜ਼ਿਲ੍ਹਾ ਖੇਡ ਮੁਕਾਬਲਿਆਂ ਵਿਚ ਵੱਡੇ ਪੱਧਰ ‘ਤੇ ਭਾਗ ਲੈਣਗੇ। ਉਨ੍ਹਾਂ ਕਿਹਾ ਕਿ ਫੁੱਟਬਾਲ, ਬੈਡਮਿੰਟਨ, ਕ੍ਰਿਕਟ, ਟੇਬਲ ਟੈਨਿਸ, ਅਥਲੈਟਿਕਸ ਤੇ ਰੱਸਾਕਸ਼ੀ ਆਦਿ ਗੇਮਾਂ ’ਚ ਸਕੂਲ ਦੀਆਂ ਟੀਮਾਂ ਵੱਡੇ ਪੱਧਰ ’ਤੇ ਭਾਗ ਲੈ ਕੇ ਨਾਮ ਪ੍ਰਾਪਤ ਕਰਨਗੀਆਂ। ਐਸੋਸੀਏਸ਼ਨ ਨੇ 2027-28 ਸੈਸ਼ਨ ਲਈ 5% ਫੀਸ ਵਾਧਾ ਮਨਜ਼ੂਰ ਕੀਤਾ । ਮੀਟਿੰਗ ਦੀ ਸਮਾਪਤੀ ਮੌਕੇ ਵਾਈਸ ਪ੍ਰਧਾਨ ਸਿਮਰਜੀਤ ਸਿੰਘ ਢਿੱਲੋਂ ਨੇ ਮਾਪਿਆਂ ਅਤੇ ਅਧਿਆਪਕਾਂ ਦੀ ਭੂਮਿਕਾ ਲਈ ਧੰਨਵਾਦ ਕੀਤਾ। ਸਕੂਲ ਦੀ ਐੱਮ.ਡੀ. ਨਵਦੀਪ ਕੌਰ ਗਿੱਲ ਨੇ ਸਾਰੇ ਅਧਿਆਪਕ ਤੇ ਮਾਪੇ ਮੈਂਬਰਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਆਪ ਸਭ ਦੇ ਸਹਿਯੋਗ ਸਦਕਾ ਹੀ ਸਕੂਲ ਪੜ੍ਹਾਈ ਤੇ ਖੇਡਾਂ ਦੇ ਖੇਤਰ ਵਿਚ ਵਧੀਆ ਮੁਕਾਮ ਹਾਸਿਲ ਕਰ ਸਕਦਾ ਹੈ। ਇਸ ਮੌਕੇ ਹਰਮਨਜੀਤ ਸਿੰਘ, ਅਨੂ ਲੂਤਰਾ, ਰੁਪੇਸ਼ ਝਾਅ, ਦਿਲਦਾਰ ਸਿੰਘ, ਸ੍ਰੀਮਤੀ ਚੰਦਰ ਪ੍ਰਭਾ, ਸ੍ਰੀਮਤੀ ਵਾਨੀ, ਸ੍ਰੀਮਤੀ ਨਜ਼ਮ, ਸ੍ਰੀਮਤੀ ਕਿਰਨਦੀਪ ਕੌਰ, ਸ੍ਰੀਮਤੀ ਸੰਦੀਪ ਕੌਰ, ਸਮੀਰ, ਸ੍ਰੀਮਤੀ ਰੰਜੂ, ਸ੍ਰੀਮਤੀ ਮੋਨਿਕਾ, ਸ੍ਰੀਮਤੀ ਸਪਨਾ ਆਦਿ ਹਾਜ਼ਰ ਸਨ। ਮੀਟਿੰਗ ਦੇ ਅਖ਼ੀਰ ਵਿਚ ਪ੍ਰਿੰਸੀਪਲ ਜਸਵਿੰਦਰ ਕੌਰ ਨੇ ਹਰ ਇੱਕ ਨੂੰ ਫੀਡਬੈਕ ਲਈ ਧੰਨਵਾਦ ਕੀਤਾ।