'ਮੇਰਾ ਪਟਿਆਲਾ ਮੈਂ ਹੀ ਸਵਾਰਾਂ' ਟੀਮ ਨੂੰ ਪੰਜਾਬ ਸਖ਼ੀ ਸ਼ਕਤੀ ਕਰਾਫ਼ਟ ਮੇਲੇ 'ਚ ਭਰਵਾਂ ਹੁੰਗਾਰਾ
ਅਜੀਤ ਡੈਸਕ
01-03-2026
ਲੋਕਾਂ ਤੋਂ ਪਟਿਆਲਾ ਨੂੰ ਸਾਫ਼ ਸੁਥਰਾ ਰੱਖਣ ਲਈ ਪ੍ਰਣ ਕਰਵਾ ਰਹੇ ਐਚ.ਪੀ.ਐਸ ਲਾਂਬਾ, ਕਰਨਲ ਕਰਮਿੰਦਰ ਸਿੰਘ, ਕਰਨਲ ਸੰਜੀਵ ਸਲਵਾਨ, ਐਸ.ਸੀ. ਮੱਕੜ, ਕੈਪਟਨ ਸੁਖਜੀਤ ਕੌਰ, ਸਿਮਰਨ ਹਰੀਕਾ, ਜਸਪ੍ਰੀਤ ਲੂਥਰਾ, ਰਕੇਸ਼ ਕੱਦ, ਪ੍ਰਵੇੇਸ਼ ਮੰਗਲਾ, ਨੀਤੂ ਚੋਪੜਾ, ਸਾਕਸ਼ੀ ਗੋਇਲ, ਰਾਣਾ ਫੂਲਕਾ, ਰਵੀ ਚਾਵਲਾ, ਅਜੀਤਪਾਲ ਸਿੰਘ ਗਿੱਲ, ਉਪਿੰਦਰ ਸ਼ਰਮਾ, ਜਸਵੀਰ ਸਿੰਘ, ਆਸ਼ੂ ਕਥੂਰੀਆ, ਰਣਵਿਜੇ ਸਿੰਘ ਗਿੱਲ, ਨਵਰੀਤ, ਅਮਨ ਸੰਧੂ, ਗੁਰਪ੍ਰੀਤ ਦੁਲਟ, ਵਰੁਣ ਕੌਸ਼ਲ, ਗਰਿਮਾ ਸਮੇਤ ਹੋਰ ਵਾਰੀਅਰਜ਼ ਨੇ ਦੱਸਿਆ ਕਿ ਉਨ੍ਹਾਂ ਨੇ 20 ਸਤੰਬਰ ਤੋਂ ਸ਼ੁਰੂ ਕੀਤੀ ਮੁਹਿੰਮ ਦੌਰਾਨ 45 ਦੇ ਕਰੀਬ ਮਹਿੰਮਾਂ ਚਲਾ ਕੇ ਹੁਣ ਤੱਕ ਕਈ ਟਨ ਕੂੜਾ ਤੇ ਪਲਾਸਟਿਕ ਇਕੱਠਾ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਸਖੀ ਸ਼ਕਤੀ ਕਰਾਫ਼ਟ ਮੇਲਾ ਇੱਕ ਵੱਡਾ ਮੰਚ ਸਾਬਤ ਹੋਇਆ ਹੈ ਅਤੇ ਇੱਥੇ ਆਉਣ ਵਾਲੇ ਦਰਸ਼ਕਾਂ ਨੂੰ ਉਹ ਪਟਿਆਲਾ ਨੂੰ ਸਾਫ਼ ਸੁਥਰਾ ਰੱਖਣ ਲਈ ਪ੍ਰੇਰਿਤ ਕਰ ਰਹੇ ਹਨ | ਇਸ ਤੋਂ ਬਿਨ੍ਹਾਂ ਸ਼ਹਿਰ 'ਚ ਆਮ ਲੋਕਾਂ ਦੇ ਨਾਲ-ਨਾਲ ਵਿਦਿਆਰਥੀਆਂ ਨੂੰ ਵੀ ਜਾਗਰੂਕ ਕੀਤਾ ਜਾ ਰਿਹਾ ਹੈ ਕਿ ਘੱਟੋ-ਘੱਟ ਸਾਡੀ ਅਗਲੀ ਪੀੜ੍ਹੀ ਹੀ ਪਲਾਸਟਿਕ ਦਾ ਕੂੜਾ-ਕਚਰਾ ਤੇ ਰੈਪਰ ਆਦਿ ਲਿਫਾਫ਼ੇ ਸੜਕਾਂ ਕਿਨਾਰੇ ਨਾ ਸੁੱਟਣ ਤੇ ਸਫ਼ਾਈ ਪਸੰਦ ਬਣ ਜਾਣ | ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਉਹ ਚਾਹ, ਫਰੂਟ ਤੇ ਫੂਡ ਵੈਂਡਰਜ ਨੂੰ ਹੁਣ ਤੱਕ 100 ਡਸਟਬਿਨ ਦਾਨ ਕਰ ਚੁੱਕੇ ਹਨ, ਤਾਂ ਕਿ ਕੂੜਾ ਸੜਕਾਂ ਕਿਨਾਰੇ ਨਾ ਸੁੱਟਿਆ ਜਾਵੇ |