ਸਮਾਣਾ, 31 ਮਈ (ਸਾਹਿਬ ਸਿੰਘ)-ਜ਼ਿਲ੍ਹਾ ਤੇ ਸੈਸ਼ਨ ਜੱਜ ਪਟਿਆਲਾ ਸ. ਅਵਤਾਰ ਸਿੰਘ ਨੇ ਉਪ ਮੰਡਲ ਅਦਾਲਤਾਂ ਸਮਾਣਾ ਦੀਆਂ ਅਦਾਲਤਾਂ ਦਾ ਦੌਰਾ ਕੀਤਾ ਅਤੇ ਵਕੀਲਾਂ ਨਾਲ ਚਾਹ ਦਾ ਕੱਪ ਸਾਂਝਾ ਕਰਦਿਆਂ ਉਨ੍ਹਾਂ ਦੀ ਸਮੱਸਿਆਵਾਂ ਸੁਣੀਆਂ | ਬਾਰ ਐਸੋਸੀਏਸ਼ਨ ਸਮਾਣਾ ਦੇ ਪ੍ਰਧਾਨ ਨਵਦੀਪ ਸਿੰਘ ਢਿੱਲੋਂ ਤੇ ਸਕੱਤਰ ਕਸ਼ਮੀਰ ਸਿੰਘ ਚੁੰਬਰ ਨੇ ਅਦਾਲਤੀ ਕੰਮ ਵਿਚ ਦਰਪੇਸ਼ ਮੁਸ਼ਕਲਾਂ ਦੀ ਜਾਣਕਾਰੀ ਦਿੱਤੀ | ਇਸ ਤੋਂ ਪਹਿਲਾਂ ਜ਼ਿਲ੍ਹਾ ਤੇ ਸੈਸ਼ਨ ਜੱਜ ਪਟਿਆਲਾ ਸ. ਅਵਤਾਰ ਸਿੰਘ ਦਾ ਬਾਰ ਨੇ ਸਨਮਾਨ ਕੀਤਾ | ਉਨ੍ਹਾਂ ਨਾਲ ਵਧੀਕ ਸਿਵਲ ਜੱਜ ਮਨਦੀਪ ਸਿੰਘ, ਸਿਵਲ ਜੱਜ ਡਾ. ਰਾਜਵਿੰਦਰ ਕੌਰ, ਮੈਡਮ ਸਵੇਤਾ, ਜਸਲੀਨ ਕੌਰ, ਮੋਹਿਨੀ ਗੋਇਲ ਤੇ ਡਿੰਪਲ ਗਰਗ ਵੀ ਮੌਜੂਦ ਸਨ | ਇਸ ਮੌਕੇ ਬਾਰ ਮੈਂਬਰ ਹਾਜ਼ਰ ਸਨ |
