ਮਲੋਟ, 13 ਜੂਨ (ਪਾਟਿਲ)-ਦਿਵਿਆ ਜਯੋਤੀ ਜਾਗਿ੍ਤੀ ਸੰਸਥਾਨ ਵਲੋਂ ਮਲੋਟ ਸਥਿਤ ਆਸ਼ਰਮ ਵਿਚ ਵਿਲੱਖਣ ਯੋਗ ਅਤੇ ਧਿਆਨ ਸਾਧਨਾ ਸ਼ਿਵਰ ਕੈਂਪ ਲਗਾਇਆ ਗਿਆ | ਇਸ ਪ੍ਰੋਗਰਾਮ ਵਿਚ ਵੱਡੀ ਗਿਣਤੀ 'ਚ ਸਾਧਕਾਂ ਤੇ ਸ਼ਰਧਾਲੂਆਂ ਨੇ ਭਾਗ ਲੈ ਕੇ ਯੋਗ, ਧਿਆਨ ਤੇ ਸਿਹਤਮੰਦ ਜੀਵਨਸ਼ੈਲੀ ਦਾ ਸੰਦੇਸ਼ ਪ੍ਰਾਪਤ ਕੀਤਾ | ਇਸ ਮੌਕੇ ਯੋਗ ਪ੍ਰਸ਼ਿਕਸ਼ਕ ਜੀਤ ਹੰਸ ਨੇ ਵੱਖ-ਵੱਖ ਯੋਗ ਆਸਨਾਂ, ਪ੍ਰਾਣਾਯਾਮ ਤੇ ਸਰਲ ਵਿਆਯਾਮਾਂ ਦਾ ਅਭਿਆਸ ਕਰਵਾਇਆ | ਪ੍ਰੋਗਰਾਮ ਵਿਚ ਹਾਜ਼ਰ ਸਵਾਮੀ ਜਸਪਾਲ ਨੇ ਕਿਹਾ ਕਿ ਅਸਲ ਯੋਗ ਕੇਵਲ ਸਰੀਰਕ ਅਭਿਆਸ ਤੱਕ ਸੀਮਿਤ ਨਹੀਂ, ਬਲਕਿ ਆਤਮਿਕ ਜਾਗਰੂਕਤਾ ਤੇ ਪ੍ਰਮਾਤਮਾ ਨਾਲ ਜੁੜਨ ਦਾ ਇਕ ਮਹੱਤਵਪੂਰਨ ਸਾਧਨ ਹੈ | ਅੰਤ ਵਿਚ ਹਾਜ਼ਰ ਸੰਗਤ ਨੇ ਨਿਯਮਿਤ ਯੋਗ ਤੇ ਧਿਆਨ ਕਰਨ ਦਾ ਸੰਕਲਪ ਲਿਆ |
