ਨਿਊ ਨਾਨਕ ਨਗਰੀ ’ਚ ਨਾ ਸੜਕਾਂ ਬਣੀਆਂ, ਨਾ ਗੰਦੇ ਪਾਣੀ ਦੀ ਨਿਕਾਸੀ ਦੇ ਪ੍ਰਬੰਧ ਹੋਏ, ਲੋਕ ਪ੍ਰੇਸ਼ਾਨ

ਕੋਟਕਪੂਰਾ, 25 ਅਗਸਤ (ਰਿੰਕੂ ਮਲਹੋਤਰਾ)-ਕੋਟਕਪੂਰਾ ਸ਼ਹਿਰ ਦੀ ਹਦੂਦ ਅਧੀਨ ਵਾਰਡ ਨੰਬਰ-8 ਦੇ ’ਚ ਪੈਂਦੀ ਨਿਊ ਨਾਨਕ ਨਗਰੀ ਦੇ ਵਸਨੀਕ ਪਿਛਲੇ ਕਈ ਸਾਲਾਂ ਤੋਂ ਗੰਦੇ ਪਾਣੀ ਦੀ ਨਿਕਾਸੀ ਦੇ ਪ੍ਰਬੰਧਾਂ, ਸੜਕਾਂ, ਵਾਟਰ ਵਰਕਸ ਦੀਆਂ ਪਾਈਪਾਂ ਅਤੇ ਹੋਰ ਕਈ ਮੁੱਢਲੀਆਂ ਸਹੂਲਤਾਂ ਤੋਂ ਵਾਂਝੇ ਹਨ, ਭਾਵੇਂ ਹਾਕਮ ਧਿਰ ਵਲੋਂ ਕੋਟਕਪੂਰੇ ਸ਼ਹਿਰ ਵਿਚ ਕਰੋੜਾਂ ਰੁਪਏ ਵਿਕਾਸ ’ਤੇ ਲਗਾਉਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ, ਪਰ ਇਸ ਇਲਾਕੇ ਵਿਚ ਹਾਲੇ ਤੱਕ ਵਿਕਾਸ ਦਾ ਪਹੀਆ ਉਨ੍ਹਾਂ ਦੇ ਬਰੂਹਾਂ ਤੱਕ ਨਹੀਂ ਪਹੁੰਚਿਆਂ। ਮੁਹੱਲਾ ਵਾਸੀਆਂ ਤੀਰਥ ਕੌਰ, ਪਰਮਜੀਤ ਕੌਰ, ਸੁਰਿੰਦਰ ਕੌਰ, ਬਿੰਦਰ ਕੌਰ, ਸੁਰਜੀਤ ਕੌਰ, ਮਨਪ੍ਰੀਤ ਕੌਰ, ਸੀਮਾ, ਅੰਜਲੀ, ਰਾਜ ਚੌਧਰੀ ਤੇ ਮਲਕੀਤ ਸਿੰਘ ਹੋਰਾਂ ਨੇ ਦੱਸਿਆ ਕਿ ਉਹ ਪਿਛਲੇ 14 ਸਾਲਾਂ ਤੋਂ ਇਸ ਇਲਾਕੇ ਵਿਚ ਰਹਿ ਰਹੇ ਹਨ, ਪਰ ਹਾਲੇ ਤੱਕ ਉਨ੍ਹਾਂ ਦੇ ਇਲਾਕੇ ਵਿਚ ਸਿਰਫ਼ ਸੀਵਰੇਜ ਪੈਣ ਤੋਂ ਬਾਅਦ ਨਾ ਸੜਕਾਂ ਬਣੀਆਂ ਹਨ ਅਤੇ ਨਾ ਹੀ ਗੰਦੇ ਪਾਣੀ ਦੀ ਦੇ ਨਿਕਾਸੀ ਦੇ ਪ੍ਰਬੰਧ ਹਨ ਤੇ ਨਾ ਹੀ ਵਾਟਰ ਵਰਕਸ ਦੀਆਂ ਪਾਈਪਾਂ ਪੁੱਜੀਆਂ ਹਨ।