ਸ੍ਰੀ ਮੁਕਤਸਰ ਸਾਹਿਬ, 4 ਜੂਨ (ਰਣਜੀਤ ਸਿੰਘ ਢਿੱਲੋਂ)-ਕੁਝ ਦਿਨ ਪਹਿਲਾਂ ਨੌਜਵਾਨ ਕਿਸਾਨ ਆਗੂ ਭਾਨਾ ਬਰਾੜ ਸੱਕਾਵਾਲੀ ਵਲੋਂ ਸੰਗਰਾਣਾ ਤੋਂ ਸੱਕਾਂਵਾਲੀ ਰੋਡ ਜੋ ਕਾਫ਼ੀ ਮਹੀਨੇ ਪਹਿਲਾਂ ਨਵੀਂ ਬਣੀ ਸੀ, ਉਸ ਸੜਕ ਦੇ ਕਿਨਾਰੇ ਬਣੇ ਟੋਇਆਂ ਵਿਚ ਮਿੱਟੀ ਪਾਉਣ ਦਾ ਮੁੱਦਾ ਉਠਾਇਆ ਸੀ, ਜਿਸ ਨੂੰ 'ਅਜੀਤ' ਨੇ ਵੀ ਖ਼ਬਰ ਰਾਹੀਂ ਉਜ਼ਾਗਰ ਕੀਤਾ ਸੀ | ਭਾਨਾ ਬਰਾੜ ਨੇ ਦੱਸਿਆ ਕਿ ਖ਼ਬਰ ਨਸ਼ਰ ਹੋਣ ਮਗਰੋਂ ਕੁੰਭਕਰਨੀ ਨੀਂਦ ਸੁੱਤਾ ਪ੍ਰਸ਼ਾਸਨ ਤੁਰੰਤ ਹਰਕਤ ਵਿਚ ਆਇਆ ਅਤੇ ਤਿੰਨ ਦਿਨਾਂ ਅੰਦਰ ਹੀ ਸੜਕ ਦੇ ਕਿਨਾਰਿਆਂ ਨਾਲ ਮਿੱਟੀ ਲਾਉਣ ਦਾ ਕਈ ਮਹੀਨਿਆਂ ਤੋਂ ਲਟਕ ਰਿਹਾ ਕੰਮ ਮੁਕੰਮਲ ਕੀਤਾ ਗਿਆ | ਕਿਸਾਨ ਆਗੂ ਭਾਨਾ ਬਰਾੜ ਸੱਕਾਵਾਲੀ ਅਤੇ ਪਿੰਡ ਵਾਸੀਆਂ ਵਲੋਂ ਅਦਾਰਾ 'ਅਜੀਤ' ਦਾ ਧੰਨਵਾਦ ਕੀਤਾ ਗਿਆ |
