ਪੈਟਰੋਲੀਅਮ ਨਿਰਯਾਤਕ ਦੇਸ਼ਾਂ ਦੇ ਸੰਗਠਨ ਤੋਂ ਬਾਹਰ ਹੋਇਆ ਯੂ.ਏ.ਈ.

ਅੰਮਿ੍ਤਸਰ, 30 ਅਪ੍ਰੈਲ (ਸੁਰਿੰਦਰ ਕੋਛੜ)-ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.) ਨੇ ਲਗਭਗ 60 ਸਾਲਾਂ ਬਾਅਦ ਪੈਟਰੋਲੀਅਮ ਨਿਰਯਾਤਕ ਦੇਸ਼ਾਂ ਦੇ ਸੰਗਠਨ (ਓਪੇਕ/ ਓ. ਪੀ. ਈ. ਸੀ.) ਤੋਂ ਪਿੱਛੇ ਹਟਣ ਦਾ ਫ਼ੈਸਲਾ ਕੀਤਾ ਹੈ | ਇਸ ਕਦਮ ਨੂੰ ਨਾ ਸਿਰਫ਼ ਆਰਥਿਕ ਸਗੋਂ ਰਾਜਨੀਤਿਕ ਵੀ ਮੰਨਿਆ ਜਾ ਰਿਹਾ ਹੈ, ਜੋ ਸਾਊਦੀ ਅਰਬ ਤੇ ਇਸ ਦੇ ਨਜ਼ਦੀਕੀ ਸਹਿਯੋਗੀ ਪਾਕਿਸਤਾਨ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ | ਯੂ. ਏ. ਈ. ਉਤਪਾਦਨ ਵਧਾਉਣਾ ਚਾਹੁੰਦਾ ਸੀ, ਜਦੋਂ ਕਿ ਸਾਊਦੀ ਅਰਬ ਘੱਟ ਉਤਪਾਦਨ ਦਾ ਪੱਖ ਪੂਰਦਾ ਰਿਹਾ | ਯੂ. ਏ. ਈ. ਦੀ ਸਰਕਾਰੀ ਮਾਲਕੀ ਵਾਲੀ ਕੰਪਨੀ ਅਨੁਸਾਰ ਉਸ ਦਾ ਤੇਲ ਉਤਪਾਦਨ ਸਾਲ 2027 ਤੱਕ 34 ਲੱਖ ਬੈਰਲ ਪ੍ਰਤੀ ਦਿਨ ਤੋਂ ਵੱਧ ਕੇ 50 ਲੱਖ ਬੈਰਲ ਹੋ ਸਕਦਾ ਹੈ | ਯੂ. ਏ. ਈ. ਦਾ ਇਹ ਕਦਮ ਵਿਸ਼ਵ ਤੇਲ ਬਾਜ਼ਾਰ ਦੇ ਸੰਤੁਲਨ ਨੂੰ ਬਦਲ ਸਕਦਾ ਹੈ |