ਲੁਧਿਆਣਾ, 28 ਮਈ (ਅਜੀਤ ਬਿਊਰੋ)-ਨਵੇਂ ਸਾਲ ਵਿਚ ਇਕ ਹੋਰ ਮੀਲ ਪੱਥਰ ਜੋੜਦੇ ਹੋਏ, ਭਨੋਟ ਐਂਟਰਪ੍ਰਾਈਜ਼ਿਜ਼ ਨੇ 16 ਮਈ ਨੂੰ ਗੰਗਟੋਕ 'ਚ ਕਰਵਾਏ ਗਏ ਸਿੱਕਮ ਸਟੇਟ ਡੀਅਰ ਮਈ ਦਿਵਸ ਬੰਪਰ ਵਿਚ ਇਕ ਹੋਰ ਕਰੋੜਪਤੀ ਬਣਾਇਆ ਹੈ | ਟਿਕਟ ਭਨੋਟ ਐਂਟਰਪ੍ਰਾਈਜ਼ਿਜ਼ ਦੀ ਦੁਕਾਨ ਨੰਬਰ 40, ਕਲਾਕ ਟਾਵਰ ਤੋਂ ਵੇਚੀ ਗਈ ਸੀ | ਟਿਕਟ ਨੰਬਰ 999327 ਹੈ ਤੇ ਇਨਾਮ ਦੀ ਰਕਮ 3 ਕਰੋੜ ਹੈ | ਅੱਜ, ਭਨੋਟ ਐਂਟਰਪ੍ਰਾਈਜ਼ਿਜ਼ ਨੇ ਜੇਤੂ ਦਿਨੇਸ਼ ਖੁਸ਼ਵਾਹਾ ਨੂੰ ਕਲਾਕ ਟਾਵਰ ਦੇ ਨੇੜੇ ਸਨਮਾਨਿਤ ਕੀਤਾ | ਉਹ ਲੁਧਿਆਣਾ ਦੇ ਮੰਨਾ ਸਿੰਘ ਕਾਲੋਨੀ 'ਚ ਇਕ ਹÏਜ਼ਰੀ ਫੈਕਟਰੀ 'ਚ ਦਰਜ਼ੀ ਵਜੋਂ ਕੰਮ ਕਰਦਾ ਹੈ | ਭਨੋਟ ਐਂਟਰਪ੍ਰਾਈਜ਼ਿਜ਼ ਦੇ ਸ਼ਾਮ ਸੁੰਦਰ ਭਨੋਟ ਨੇ ਕਿਹਾ ਕਿ ਦਿਨੇਸ਼ ਪਿਛਲੇ 10 ਸਾਲਾਂ ਤੋਂ ਲਾਟਰੀ ਟਿਕਟਾਂ ਖਰੀਦ ਰਿਹਾ ਸੀ ਤੇ ਇਨਾਮ ਜਿੱਤ ਕੇ ਬਹੁਤ ਖੁਸ਼ ਸੀ | ਸ਼ਾਮ ਸੁੰਦਰ ਨੇ ਅੱਗੇ ਕਿਹਾ ਕਿ ਇਹ ਇਸ ਸਾਲ 7ਵਾਂ ਕਰੋੜਪਤੀ ਹੈ | ਹੁਣ ਤੱਕ 20 ਸਾਲਾਂ 'ਚ ਉਸ ਨੇ 174 ਕਰੋੜਪਤੀ ਬਣਾ ਕੇ ਰਿਕਾਰਡ ਬਣਾਇਆ ਹੈ |
