ਵੰਦੇ ਭਾਰਤ ਰੇਲ ਗੱਡੀ 16 ਜੂਨ ਨੂੰ ਅੰਮਿ੍ਤਸਰ ਤੋਂ ਕਟੜਾ ਵੈਸ਼ਨੋ ਦੇਵੀ ਸ਼ੁਰੂ ਹੋਵੇਗੀ-ਸੇਖੜੀ <br/>
ਅਜੀਤ ਡੈਸਕ
14-06-2026
ਬਟਾਲਾ, 13 ਜੂਨ (ਸਤਿੰਦਰ ਸਿੰਘ)-ਅੰਮਿ੍ਤਸਰ ਤੋਂ ਕੱਟੜਾ ਸ੍ਰੀ ਮਾਤਾ ਵੈਸ਼ਨੋ ਦੇਵੀ ਲਈ 16 ਜੂਨ ਤੋਂ ਵੰਦੇ ਭਾਰਤ ਰੇਲ ਗੱਡੀ ਆਰੰਭ ਹੋਵੇਗੀ | ਸਾਬਕਾ ਮੰਤਰੀ ਤੇ ਭਾਜਪਾ ਦੇ ਸੀਨੀਅਰ ਆਗੂ ਅਸ਼ਵਨੀ ਸੇਖੜੀ ਨੇ ਇਹ ਰੇਲ ਗੱਡੀ ਸ਼ੁਰੂ ਹੋਣ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਤੇ ਰੇਲਵੇ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਦਾ ਧੰਨਵਾਦ ਕੀਤਾ | ਸ੍ਰੀ ਸੇਖੜੀ ਨੇ ਕਿਹਾ ਕਿ ਸ਼੍ਰੀ ਵੈਸ਼ਨੋ ਦੇਵੀ ਲਈ ਰੇਲ ਗੱਡੀ ਚਲਾਉਣ ਦੀ ਪਿਛਲੇ ਲੰਬੇ ਤੋਂ ਸ਼ਰਧਾਲੂਆਂ ਦੀ ਵੱਡੀ ਮੰਗ ਸੀ, ਜੋ ਹੁਣ ਭਾਰਤ ਸਰਕਾਰ ਨੇ ਪੂਰੀ ਕੀਤੀ ਹੈ | ਇਹ ਰੇਲ ਗੱਡੀ ਚੱਲਣ ਨਾਲ ਅੰਮਿ੍ਤਸਰ, ਬਟਾਲਾ, ਗੁਰਦਾਸਪੁਰ, ਪਠਾਨਕੋਟ ਤੇ ਹੋਰਨਾਂ ਰੂਟਾਂ ਵਾਲੇ ਸ੍ਰੀ ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਵੱਡੀ ਸਹੂਲਤ ਮਿਲੇਗੀ | ਉਨ੍ਹਾਂ ਦੱਸਿਆ ਕਿ ਇਹ ਰੇਲ ਗੱਡੀ ਅੰਮਿ੍ਤਸਰ ਤੋਂ ਸ਼ਾਮ 4:40 ਤੋਂ ਚੱਲਿਆ ਕਰੇਗੀ ਤੇ ਰਾਤ 9:45 ਵਜੇ ਕੱਟੜਾ ਵਿਖੇ ਪਹੁੰਚੇਗੀ | ਇਸ ਮੌਕੇ ਅਸ਼ਵਨੀ ਮਲਹੋਤਰਾ, ਕੁਲਭੂਸ਼ਨ ਵਿਗ, ਰੂਪੀ ਭੁੱਲਰ, ਕਿਸ਼ਨ ਲਾਲ ਆਦਿ ਹਾਜ਼ਰ ਸਨ |
