ਚੰਡੀਗੜ੍ਹ, 14 ਜੂਨ (ਵਿਕਰਮਜੀਤ ਸਿੰਘ ਮਾਨ)- ਸੂਬੇ ਦੇ ਮਾਝਾ ਖੇਤਰ ਵਿਚ ਨਗਰ ਕੌਂਸਲ ਚੋਣਾਂ ਵਿਚ ਕਾਂਗਰਸ ਦੀ ਸ਼ਾਨਦਾਰ ਜਿੱਤ 'ਤੇ ਸੀਨੀਅਰ ਕਾਂਗਰਸੀ ਆਗੂ ਤੇ ਗੁਰਦਾਸਪੁਰ ਤੋਂ ਸੰਸਦ ਮੈਂਬਰ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਕਿਹਾ ਕਿ 2027 ਦੀ ਲੜਾਈ ਦਾ ਇਹ ਸਿਰਫ਼ ਇਕ ਟਰੇਲਰ ਹੈ, ਪੂਰੀ ਫ਼ਿਲਮ ਹਾਲੇ ਬਾਕੀ ਹੈ | ਉਨ੍ਹਾਂ ਕਿਹਾ ਕਿ ਮਾਝੇ ਦੇ ਲੋਕਾਂ ਨੇ ਗੁਰਦਾਸਪੁਰ ਵਿਚ ਨਾ ਸਿਰਫ਼ ਭਾਜਪਾ ਦੇ ਸ਼ਹਿਰੀ ਕਿਲ੍ਹੇ ਨੂੰ ਢਾਹਿਆ ਹੈ, ਸਗੋਂ ਆਮ ਆਦਮੀ ਪਾਰਟੀ ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹੰਕਾਰ ਨੂੰ ਵੀ ਤੋੜਿਆ ਹੈ | ਲੋਕਾਂ ਨੇ 'ਆਪ' ਅਤੇ ਭਾਜਪਾ ਨੂੰ ਉਨ੍ਹਾਂ ਦੀ ਸਿਆਸੀ ਹੈਸੀਅਤ ਦਾ ਅਹਿਸਾਸ ਕਰਵਾ ਦਿੱਤਾ ਹੈ | ਰੰਧਾਵਾ ਨੇ ਭਾਜਪਾ ਤੇ 'ਆਪ' ਨੂੰ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਮਾਝਾ ਕਾਂਗਰਸ ਦਾ ਸੀ, ਕਾਂਗਰਸ ਦਾ ਹੈ ਅਤੇ ਕਾਂਗਰਸ ਦਾ ਹੀ ਰਹੇਗਾ |
ਮਾਝਾ ਕਾਂਗਰਸ ਦਾ ਸੀ ਤੇ ਕਾਂਗਰਸ ਦਾ ਹੀ ਰਹੇਗਾ-ਰੰਧਾਵਾ
ਅਜੀਤ ਡੈਸਕ
15-06-2026
