ਥ੍ਰਿਸੂਰ, 17 ਜੂਨ (ਅ.ਬ.)-ਜੋਆਲੂਕਾਸ ਗਰੁੱਪ ਨੇ ਬੁੱਧਵਾਰ ਨੂੰ ਵਿਸ਼ਵ ਖੂਨਦਾਨ ਦਿਵਸ ਮਨਾਉਣ ਲਈ ਦੇਸ਼ ਭਰ ‘ਚ ਆਪਣੇ ਸ਼ੋਅਰੂਮਾਂ ਵਿਚ ਖੂਨਦਾਨ ਕੈਂਪ ਲਗਾਏ| ਦੇਸ਼ ਵਿਆਪੀ ਖੂਨਦਾਨ ਮੁਹਿੰਮ ਦੀ ਅਗਵਾਈ ਜੋਆਲੂਕਾਸ ਫਾਊਂਡੇਸ਼ਨ ਦੁਆਰਾ ਕੀਤੀ ਗਈ, ਜੋ ਕਿ ਗਰੁੱਪ ਦੀ ਕਾਰਪੋਰੇਟ ਸਮਾਜਿਕ ਜ਼ਿੰਮੇਵਾਰੀ ਸ਼ਾਖਾ ਹੈ ਤੇ ਇਸ ‘ਚ ਕਰਮਚਾਰੀਆਂ ਦੀ ਭਾਗੀਦਾਰੀ ਦੇਖਣ ਨੂੰ ਮਿਲੀ| ਥ੍ਰਿਸੂਰ ਵਿਚ ਜੋਆਲੂਕਾਸ ਕਾਰਪੋਰੇਟ ਦਫਤਰ ਵਿਖੇ ਲਗਾਏ ਖੂਨਦਾਨ ਕੈਂਪ ਦਾ ਉਦਘਾਟਨ ਜੋਆਲੂਕਾਸ ਗਰੁੱਪ ਦੇ ਚੇਅਰਮੈਨ ਤੇ ਪ੍ਰਬੰਧ ਨਿਰਦੇਸ਼ਕ ਡਾ. ਜੋਆਲੂਕਾਸ ਨੇ ਕੀਤਾ| ਇਸ ਮੌਕੇ ਬੋਲਦੇ ਹੋਏ ਉਨ੍ਹਾਂ ਕਿਹਾ ਕਿ ਖੂਨਦਾਨ ਸਭ ਤੋਂ ਉੱਤਮ ਮਾਨਵਤਾਵਾਦੀ ਕੰਮਾਂ ‘ਚੋਂ ਇਕ ਹੈ, ਜੋ ਜਾਨਾਂ ਬਚਾਉਣ ਦੇ ਸਮਰੱਥ ਹੈ| ਉਨ੍ਹਾਂ ਖੁਸ਼ੀ ਪ੍ਰਗਟ ਕੀਤੀ ਕਿ ਗਰੁੱਪ ਭਾਰਤ ਭਰ ਵਿਚ ਕੈਂਪ ਲਗਾਉਣ ਦੇ ਯੋਗ ਹੋਇਆ ਹੈ, ਜਿਸ ਨਾਲ ਸਵੈ-ਇੱਛਤ ਖੂਨਦਾਨ ਰਾਹੀਂ ਹਜ਼ਾਰਾਂ ਲੋਕਾਂ ਨੂੰ ਲਾਭ ਪਹੁੰਚਿਆ ਹੈ| ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਬਲੱਡ ਬੈਂਕ ਦੇ ਡਾਇਰੈਕਟਰ ਡਾ. ਗੋਪੀਨਾਥ; ਆਈਐਮਏ ਜ਼ਿਲ੍ਹਾ ਕਨਵੀਨਰ ਡਾ. ਜੋਸਫ਼ ਜਾਰਜ; ਜੋਆਲੂਕਾਸ ਗਰੁੱਪ ਦੇ ਡਾਇਰੈਕਟਰ ਜੌਲੀ ਜੋਆਲੂਕਾਸ ਤੇ ਸਮੂਹ ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ|
