ਅਕਤੂਬਰ ’ਚ ਜੀ.ਐਸ.ਟੀ. ਉਗਰਾਹੀ 23 ਫ਼ੀਸਦੀ ਵਧ ਕੇ 2.31 ਲੱਖ ਕਰੋੜ ਰੁਪਏ ਤੋਂ ਪਾਰ

ਨਵੀਂ ਦਿੱਲੀ, 1 ਨਵੰਬਰ (ਪੀ. ਟੀ.

ਅ

ਅਜੀਤ ਡੈਸਕ 02-11-2026

ਨਵੀਂ ਦਿੱਲੀ, 1 ਨਵੰਬਰ (ਪੀ.ਟੀ.ਆਈ.)-ਐਤਵਾਰ ਨੂੰ ਜਾਰੀ ਸਰਕਾਰੀ ਅੰਕੜਿਆਂ ਅਨੁਸਾਰ, ਘਰੇਲੂ ਗਤੀਵਿਧੀਆਂ ਅਤੇ ਦਰਾਮਦਾਂ ਤੋਂ ਹੋਈ ਮਜ਼ਬੂਤ ਕਮਾਈ ਦੇ ਚਲਦਿਆਂ, ਅਕਤੂਬਰ ਮਹੀਨੇ ਵਿਚ ਕੁੱਲ ਜੀ.ਐਸ.ਟੀ. ਉਗਰਾਹੀ 23 ਫੀਸਦੀ ਵਧ ਕੇ 2.31 ਲੱਖ ਕਰੋੜ ਰੁਪਏ ਤੋਂ ਵੱਧ ਹੋ ਗਈ ਹੈ। ਘਰੇਲੂ ਵਿਕਰੀ ਤੋਂ ਪ੍ਰਾਪਤ ਕੁੱਲ ਜੀ.ਐਸ.ਟੀ. ਉਗਰਾਹੀ 16 ਫੀਸਦੀ ਵਧ ਕੇ 1.59 ਲੱਖ ਕਰੋੜ ਰੁਪਏ ਤੋਂ ਪਾਰ ਪਹੁੰਚ ਗਈ, ਜਦਕਿ ਦਰਾਮਦਾਂ ਤੋਂ ਪ੍ਰਾਪਤ ਮਾਲੀਆ 42 ਫੀਸਦੀ ਵਧ ਕੇ 72,246 ਕਰੋੜ ਰੁਪਏ ਹੋ ਗਿਆ। ਅੰਕੜਿਆਂ ਮੁਤਾਬਕ, 2.31 ਲੱਖ ਕਰੋੜ ਰੁਪਏ ਦੀ ਇਸ ਉਗਰਾਹੀ ਵਿਚ ਕੇਂਦਰੀ ਜੀ.ਐਸ.ਟੀ. ਵਜੋਂ 42,935 ਕਰੋੜ ਰੁਪਏ, ਸੂਬਾ ਜੀ.ਐਸ.ਟੀ. ਵਜੋਂ 51,340 ਕਰੋੜ ਰੁਪਏ ਅਤੇ ਏਕੀਕ੍ਰਿਤ ਜੀ.ਐਸ.ਟੀ. ਵਜੋਂ 1.37 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਸ਼ਾਮਲ ਹੈ। ਅਕਤੂਬਰ ਵਿਚ ਵਸਤੂ ਅਤੇ ਸੇਵਾ ਕਰ ਦੇ ਰਿਫੰਡ (ਵਾਪਸੀ) ਪਿਛਲੇ ਸਾਲ ਦੇ ਮੁਕਾਬਲੇ 6.5 ਫੀਸਦੀ ਵਧ ਕੇ 27,934 ਕਰੋੜ ਰੁਪਏ ਹੋ ਗਏ। ਹੋਟਲ ’ਚ ਕੂੜੇ ਦੇ ਚੈਂਬਰ ਦੀ ਸਫਾਈ ਕਰਦੇ ਸਮੇਂ ਸਾਹ ਘੁੱਟਣ ਨਾਲ 4 ਮੌਤਾਂ ਉਜੈਨ, 1 ਨਵੰਬਰ (ਪੀ.ਟੀ.ਆਈ.)- ਪੁਲਿਸ ਨੇ ਐਤਵਾਰ ਨੂੰ ਕਿਹਾ ਕਿ ਮੱਧ ਪ੍ਰਦੇਸ਼ ਦੇ ਉਜੈਨ ਸ਼ਹਿਰ ’ਚ ਇੱਕ ਨਿੱਜੀ ਹੋਟਲ ਵਿਚ ਕੂੜੇ ਦੇ ਚੈਂਬਰ ਦੀ ਸਫਾਈ ਕਰਦੇ ਸਮੇਂ ਸਾਹ ਘੁੱਟਣ ਨਾਲ 4 ਮੌਤਾਂ ਹੋ ਗਈਆਂ।ਸਨਿਚਰਵਾਰ ਦੇਰ ਰਾਤ ਵਾਪਰੀ ਇਸ ਘਟਨਾ ਦੌਰਾਨ, ਦੋ ਹੋਰ ਲੋਕ ਜੋ ਉਨ੍ਹਾਂ ਨੂੰ ਬਚਾਉਣ ਲਈ ਚੈਂਬਰ ਵਿਚ ਹੇਠਾਂ ਗਏ ਸਨ, ਉਹ ਵੀ ਬਿਮਾਰ ਹੋ ਗਏ।ਮੁੱਖ ਮੰਤਰੀ ਮੋਹਨ ਯਾਦਵ, ਜੋ ਕਿ ਉਜੈਨ ਦੇ ਰਹਿਣ ਵਾਲੇ ਹਨ, ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 4-4 ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ ਹੈ।ਅਧਿਕਾਰੀਆਂ ਅਨੁਸਾਰ ਇਹ ਘਟਨਾ ਸਨਿਚਰਵਾਰ ਰਾਤ 11 ਵਜੇ ਦੇ ਕਰੀਬ ਉਜੈਨ-ਦੇਵਾਸ ਰੋਡ ‘ਤੇ ਸਥਿਤ ਸ਼੍ਰੀ ਗੰਗਾ ਹੋਟਲ ਵਿਚ ਵਾਪਰੀ। ਉਜੈਨ ਦੇ ਪੁਲਿਸ ਸੁਪਰਡੈਂਟ ਪ੍ਰਦੀਪ ਸ਼ਰਮਾ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ 4 ਲੋਕ ਚੈਂਬਰ ਦੀ ਸਫਾਈ ਲਈ ਅੰਦਰ ਗਏ ਸਨ ਅਤੇ ਸਾਹ ਘੁੱਟਣ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ। ਪੁਲਿਸ ਨੇ ਕਿਹਾ ਕਿ ਮ੍ਰਿਤਕਾਂ ਦੀ ਪਛਾਣ ਕਮਲੇਸ਼ ਤੰਬੋਲੀ, ਨਿਤਿਨ ਵਾਲਮੀਕ, ਮਨੋਜ ਮੀਨਾ ਅਤੇ ਵਾਹਿਦ ਵਜੋਂ ਕੀਤੀ ਗਈ ਹੈ।

ਪਿਛਲੀ ਖ਼ਬਰ ਹਰਭਜਨ ਸਿੰਘ ਈ.ਟੀ.ਓ. ਨੇ ਸੂਬੇ ਦੇ ਸੜਕ ਵਿਕਾਸ ਕਾਰਜਾਂ ਦੀ ਕੀਤੀ ਸਮੀਖਿਆ ਅਗਲੀ ਖ਼ਬਰ ਭਾਰਤ ’ ਚ ਅਤਿ - ਗਰੀਬੀ ’ ਚ ਆਈ ਗਿਰਾਵਟ - ਰਿਪੋਰਟ