ਮੋਗਾ, 3 ਮਾਰਚ (ਸੁਰਿੰਦਰਪਾਲ ਸਿੰਘ, ਅਸ਼ੋਕ ਬਾਂਸਲ)-ਦਿਵਯ ਜਯੋਤੀ ਜਾਗਿ੍ਤੀ ਸੰਸਥਾਨ ਵਲੋਂ ਮੋਗਾ ਆਸ਼ਰਮ 'ਚ ਹੋਲੀ ਦਾ ਪਵਿੱਤਰ ਤਿਉਹਾਰ ਫੁੱਲਾਂ ਦੇ ਨਾਲ ਮਨਾਇਆ ਗਿਆ | ਤਿਉਹਾਰ ਦੀ ਮਹਾਨਤਾ ਦਾ ਜ਼ਿਕਰ ਕਰਦੇ ਹੋਏ ਗੁਰੂਦੇਵ ਆਸ਼ੂਤੋਸ਼ ਮਹਾਰਾਜ ਦੀ ਸੇਵਿਕਾ ਸਾਧਵੀ ਪ੍ਰੀਤੀ ਭਾਰਤੀ ਨੇ ਕਿਹਾ ਕਿ ਸਾਡੇ ਭਾਰਤ ਦੇਸ਼ ਦੀ ਧਰਤੀ ਨੂੰ ਰਿਸ਼ੀ ਮੁਨੀਆਂ ਦੇ ਚਰਨਾਂ ਦਾ ਆਸ਼ੀਰਵਾਦ ਹਮੇਸ਼ਾ ਹੀ ਪ੍ਰਾਪਤ ਹੋਇਆ ਹੈ | ਇਸ ਲਈ ਕੇਵਲ ਭਾਰਤ ਦੀ ਸੰਸਕਿ੍ਤੀ ਹੀ ਅਜਿਹੀ ਹੈ, ਜੋ ਆਪਣੇ ਰੂਪ, ਸੰਸਕਿ੍ਤੀ ਤੇ ਆਦਰਸ਼ਾਂ ਨਾਲ ਜੀਵਿਤ ਹੈ | ਇਸ ਕਰਕੇ ਧਰਤੀ 'ਤੇ ਮਨਾਇਆ ਜਾਣ ਵਾਲਾ ਕੋਈ ਵੀ ਤਿਉਹਾਰ ਸਾਡੇ ਲਈ ਇਕ ਵਿਸ਼ੇਸ਼ ਪੇ੍ਰਰਨਾ ਹੈ |
