ਮੋਗਾ, 29 ਅਪ੍ਰੈਲ (ਸੁਰਿੰਦਰਪਾਲ ਸਿੰਘ, ਅਸ਼ੋਕ ਬਾਂਸਲ)-ਦਿਵਯ ਜਯੋਤੀ ਜਾਗਿ੍ਤੀ ਸੰਸਥਾਨ ਵਲੋਂ ਮੋਗਾ ਆਸ਼ਰਮ ਵਿਚ ਹਫ਼ਤਾਵਾਰੀ ਸਤਸੰਗ ਦਾ ਆਯੋਜਨ ਕੀਤਾ ਗਿਆ | ਸੰਗਤ ਨੂੰ ਦੱਸਦੇ ਹੋਏ ਦਿਵਯ ਗੁਰੂ ਆਸ਼ੂਤੋਸ ਮਹਾਰਾਜ ਦੀ ਸੇਵਕਾ ਸਾਧਵੀ ਸ਼ਿਲਪਾ ਭਾਰਤੀ ਨੇ ਕਿਹਾ ਕਿ ਹਰ ਵਸਤੂ 'ਚ ਇਕ ਵਿਸ਼ੇਸ਼ ਗੁਣ ਹੁੰਦਾ ਹੈ ਜਿਸ ਕਾਰਨ ਉਸ ਵਸਤੂ ਦੀ ਪਹਿਚਾਣ ਬਣਦੀ ਹੈ | ਸਾਧਵੀ ਨੇ ਕਿਹਾ ਕਿ ਵਰਤਮਾਨ ਸਮਾਜ ਦੇ ਇਨਸਾਨ ਦੇ ਅੰਦਰ ਮਾਨਵਤਾ ਦੇ ਸਭ ਗੁਣ ਸਮਾਪਤ ਹੁੰਦੇ ਜਾ ਰਹੇ ਹਨ | ਇਸ ਲਈ ਸੰਤ ਕਹਿੰਦੇ ਨੇ ਮਾਨਵ ਬਣੋ ਪਰ ਵਿਅਕਤੀ 'ਤੇ ਇਨ੍ਹਾਂ ਵਿਚਾਰਾਂ ਦਾ ਕੋਈ ਅਸਰ ਦਿਖਾਈ ਨਹੀਂ ਦੇ ਰਿਹਾ | ਭਰਾ ਭਰਾ ਦਾ ਦੁਸ਼ਮਣ ਬਣ ਗਿਆ ਹੈ | ਚਿੰਤਾ ਪ੍ਰਗਟ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਅੱਜ ਅਜਿਹੇ ਹਾਲਾਤਾਂ ਵਿਚ ਸੁਧਾਰ ਲਿਆਉਣਾ ਅਤਿ ਜ਼ਰੂਰੀ ਹੈ ਪਰ ਇਹ ਸੁਧਾਰ ਇਸ ਦਾ ਹੱਲ ਕੇਵਲ ਸਤਿਗੁਰੂ ਦੇ ਦੁਆਰਾ ਹੀ ਹੋ ਸਕਦਾ ਹੈ |