ਮੋਗਾ, 13 ਜੂਨ (ਜਸਪਾਲ ਸਿੰਘ ਬੱਬੀ)-ਖੱਤਰੀ ਮਹਾਂ ਸਭਾ ਪੰਜਾਬ ਦੇ ਸੂਬਾ ਚੀਫ਼ ਪੈਟਰਨ ਅਤੇ ਮਾਰਕੀਟ ਕਮੇਟੀ ਕੋਟ ਈਸੇ ਖਾਂ ਦੇ ਸਾਬਕਾ ਚੇਅਰਮੈਨ ਵਿਜੇ ਧੀਰ ਦੇ ਹੋਣਹਾਰ ਸਪੁੱਤਰ ਸਚਿਨ ਧੀਰ ਦੇ ਹਾਲ ਹੀ ਵਿਚ ਹੋਈ ਮਿਊਾਸੀਪਲ ਚੋਣਾਂ ਵਿਚ ਨਗਰ ਕੌਂਸਲਰ ਕੋਟ ਈਸੇ ਖਾਂ ਦੇ ਕੌਂਸਲਰ ਚੁਣੇ ਜਾਣ 'ਤੇ ਖੱਤਰੀ ਸਭਾ ਮੋਗਾ ਨੇ ਸਨਮਾਨਿਤ ਕੀਤਾ | ਖੱਤਰੀ ਸਭਾ ਮੋਗਾ ਦੇ ਚੇਅਰਮੈਨ ਵਿਜੇ ਧੀਰ ਐਡਵੋਕੇਟ, ਡਾ. ਐਮ. ਐਲ. ਜੈਦਕਾ, ਵਿਕਾਸ ਕਪੂਰ, ਪ੍ਰਚਾਰ ਸਕੱਤਰ ਰਕੇਸ਼ ਸਿਤਾਰਾ ਅਤੇ ਸਰਬਜੀਤ ਮੈਂਗੀ ਨੇ ਕੌਂਸਲਰ ਸਚਿਨ ਧੀਰ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ ਨਵ ਨਿਰਵਾਚਿਤ ਕੌਂਸਲਰ ਸਚਿਨ ਧੀਰ ਦੇ ਪਿਤਾ ਵਿਜੇ ਧੀਰ ਅਤੇ ਸਚਿਨ ਧੀਰ ਦੀ ਧਰਮ-ਪਤਨੀ ਡਾ. ਮਾਲਤੀ ਧੀਰ ਨੂੰ ਵੀ ਸਨਮਾਨਿਤ ਕੀਤਾ | ਇਸ ਮੌਕੇ ਵਿਜੇ ਧੀਰ ਨੇ ਕਿਹਾ ਕਿ ਖੱਤਰੀ ਸਭਾ ਨਾਲ ਲੰਮੇ ਸਮੇਂ ਤੋਂ ਜੁੜੇ ਹੋਏ ਹਨ |
