ਮੋਗਾ

ਬੱਧਨੀ ਖ਼ੁਰਦ ਨੂੰ ਜਾਂਦਾ ਮੁੱਖ ਮਾਰਗ ਲੋਕਾਂ ਲਈ ਬਣਿਆ ਨਰਕ ਦਾ ਘਰ- ਕੁਲਵੰਤ ਸਿੰਘ ਸਰਪੰਚ

ਮੋਗਾ, 11 ਸਤੰਬਰ (ਸੁਰਿੰਦਰਪਾਲ ਸਿੰਘ)- ਪਿੰਡ ਬੱਧਨੀ ਖ਼ੁਰਦ ਨੂੰ ਜਾਂਦਾ ਮੁੱਖ ਮਾਰਗ ਪਿਛਲੇ ਕਾਫ਼ੀ ਸਮੇਂ ਤੋਂ ਟੁੱਟਿਆ ਹੋਇਆ ਸੀ। ਮਾਰਕੀਟ ਕਮੇਟੀ ਅਧੀਨ ਆਉਂਦੇ ਇਸ ਰਸਤੇ ਨੂੰ ਹੁਣ ਬਣਾਇਆ ਜਾਣਾ ਸੀ।

ਅ

ਅਜੀਤ ਡੈਸਕ 12-09-2026

ਮੋਗਾ, 11 ਸਤੰਬਰ (ਸੁਰਿੰਦਰਪਾਲ ਸਿੰਘ)- ਪਿੰਡ ਬੱਧਨੀ ਖ਼ੁਰਦ ਨੂੰ ਜਾਂਦਾ ਮੁੱਖ ਮਾਰਗ ਪਿਛਲੇ ਕਾਫ਼ੀ ਸਮੇਂ ਤੋਂ ਟੁੱਟਿਆ ਹੋਇਆ ਸੀ। ਮਾਰਕੀਟ ਕਮੇਟੀ ਅਧੀਨ ਆਉਂਦੇ ਇਸ ਰਸਤੇ ਨੂੰ ਹੁਣ ਬਣਾਇਆ ਜਾਣਾ ਸੀ। ਤਕਰੀਬਨ ਇਕ ਕਿੱਲੋਮੀਟਰ ਲੰਮੇ ਰਸਤੇ ‘ਚ ਦੋ ਤਿੰਨ ਵੱਡੇ ਟੋਇਆਂ ਵਿਚ ਮੋਟਾ ਪੱਥਰ ਪਾਉਣ ਦੀ ਜ਼ਰੂਰਤ ਸੀ ਪਰ ਠੇਕੇਦਾਰ ਵਲੋਂ ਕੁਝ ਥਾਵਾਂ ਉੱਪਰ ਬਿਨਾਂ ਵਜ੍ਹਾ ਪੱਥਰ ਪਾਇਆ ਜਾ ਰਿਹਾ ਹੈ। ਇਹ ਗੱਲ ਕਰਦਿਆਂ ਪਿੰਡ ਦੇ ਸਾਬਕਾ ਸਰਪੰਚ ਕਾਮਰੇਡ ਕੁਲਵੰਤ ਸਿੰਘ ਨੇ ਕਿਹਾ ਕਿ ਬਿਨਾਂ ਵਜ੍ਹਾ ਪਾਏ ਜਾ ਰਹੇ ਮੋਟੇ ਪੱਥਰ ਕਾਰਨ ਪਿੰਡ ਵਾਸੀਆਂ ਲਈ ਜਿੱਥੇ ਇਹ ਰਸਤਾ ਨਰਕ ਦਾ ਘਰ ਬਣ ਗਿਆ ਹੈ ਉੱਥੇ ਬਾਰਸ਼ ਦੇ ਪਾਣੀ ਨਾਲ ਨੇੜਲੇ ਖੇਤਾਂ ਵਾਲੇ ਕਿਸਾਨਾਂ ਨੂੰ ਫ਼ਸਲਾਂ ਦੇ ਨੁਕਸਾਨ ਦਾ ਵੱਡਾ ਖ਼ਤਰਾ ਖੜ੍ਹਾ ਹੋ ਗਿਆ ਹੈ। ਇਸੇ ਕਾਰਨ ਪੀੜਤ ਕਿਸਾਨਾਂ ਵਲੋਂ ਬਿਨਾਂ ਵਜ੍ਹਾ ਪਾਏ ਜਾ ਰਹੇ ਪੱਥਰ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ। ਕਾਮਰੇਡ ਕੁਲਵੰਤ ਸਿੰਘ ਨੇ ਕਿਹਾ ਕਿ ਪਿਛਲੇ ਪੰਦਰਾਂ ਦਿਨਾਂ ਤੋਂ ਪਏ ਮੋਟੇ ਪੱਥਰ ਕਾਰਨ ਇਸ ਰਸਤੇ ਵਾਰ ਵਾਰ ਲੰਘਣ ਵਾਲੇ ਖੇਤਾਂ ਘਰਾਂ ਵਾਲੇ ਅਤੇ ਆਮ ਲੋਕਾਂ ਨੂੰ ਭਾਰੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਰੋਜ਼ਮਰ੍ਹਾ ਦੀਆਂ ਲੋੜਾਂ ਦੀ ਪੂਰਤੀ ਲਈ ਨੇੜਲੇ ਸ਼ਹਿਰ ਬੱਧਨੀ ਕਲਾਂ ਜਾਣ ਵਾਲੇ ਆਮ ਲੋਕਾਂ, ਸਕੂਲੀ ਬੱਚਿਆਂ/ਵਿਦਿਆਰਥੀਆਂ, ਮਰੀਜ਼ਾਂ, ਔਰਤਾਂ ਆਦਿ ਨੂੰ ਚਾਰ ਪੰਜ ਕਿੱਲੋਮੀਟਰ ਘੁੰਮ ਕੇ ਆਉਣਾ ਪੈਂਦਾ ਹੈ। ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਵਲੋਂ ਠੇਕੇਦਾਰ ਨਾਲ ਗੱਲ ਕਰਨ ਦੇ ਬਾਵਜੂਦ ਪੰਚਾਂ ਦਾ ਕਿਹਾ ਸਿਰ ਮੱਥੇ ਪਰਨਾਲਾ ਉੱਥੇ ਦਾ ਉੱਥੇ ਵਾਲੀ ਗੱਲ ਬਣੀ ਹੋਈ ਹੈ। ਕਾਮਰੇਡ ਕੁਲਵੰਤ ਸਿੰਘ ਸਰਪੰਚ ਅਤੇ ਪਿੰਡ ਵਾਸੀਆਂ ਨੇ ਮੰਗ ਕੀਤੀ ਕਿ ਬੇਲੋੜਾ ਪਾਇਆ ਜਾ ਰਿਹਾ ਮੋਟਾ ਪੱਥਰ ਚੁੱਕਿਆ ਜਾਵੇ ਅਤੇ ਪਿੱਛੇ ਤੋਂ ਬਣੀਂ ਹੋਈ ਸੜਕ ਦੇ ਲੈਵਲ ਅਨੁਸਾਰ ਹੀ ਇਹ ਸੜਕ ਬਣਾਈ ਜਾਵੇ ਅਤੇ ਜਲਦੀ ਤੋਂ ਜਲਦੀ ਤੋਂ ਲੋਕਾਂ ਨੂੰ ਮੁਸੀਬਤ ਤੋਂ ਨਿਜਾਤ ਦੁਆਈ ਜਾਵੇ।

ਪਿਛਲੀ ਖ਼ਬਰ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਮੋਗਾ ਅਤੇ ਸੈਕਰਡ ਹਾਰਟ ਸਕੂਲ ਧੂੜਕੋਟ ਕਲਾਂ ਵਿਖੇ 23 ਨੂੰ ਵਿਸ਼ਵ ਪੰਜਾਬੀ ਦਿਵਸ ਮਨਾਇਆ ਜਾਵੇਗ... ਅਗਲੀ ਖ਼ਬਰ ਕੈਨੇਡੀਅਨ ਪਰਿਵਾਰ ਵਲੋਂ ਸ. ਪ੍ਰਾ. ਸਕੂਲ ਮਾਹਲਾ ਖ਼ੁਰਦ ਨੂੰ ਠੰਢੇ ਪਾਣੀ ਦਾ ਫ਼ਰਿਜ ਭੇਟ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਬੱਧਨੀ ਖ਼ੁਰਦ ਨੂੰ ਜਾਂਦਾ ਮੁੱਖ ਮਾਰਗ ਲੋਕਾਂ ਲਈ ਬਣਿਆ ਨਰਕ ਦਾ ਘਰ- ਕੁਲਵੰਤ ਸਿੰਘ ਸਰਪੰਚ

Subscribers Only Story

ਸੰਬੰਧਿਤ ਖ਼ਬਰਾਂ