ਲੌਂਗੋਵਾਲ, 14 ਫਰਵਰੀ (ਵਿਨੋਦ, ਖੰਨਾ) - ਸੰਤ ਲੌਂਗੋਵਾਲ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ (ਸਲਾਇਟ) ਲੌਂਗੋਵਾਲ ਵਿਖੇ ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ ਵਲੋਂ ਵਿਭਾਗ ਪ੍ਰਮੁੱਖ ਪ੍ਰੋ. ਸ਼ੰਕਰ ਸਿੰਘ ਦੀ ਅਗਵਾਈ ਹੇਠ 'ਗਰੀਨ ਫਾਊਾਡਰੀ ਪ੍ਰੈਕਟਿਸਜ਼ ਇਨ ਮੈਟਲ ਕਾਸਟਿੰਗ' ਵਿਸ਼ੇ 'ਤੇ ਦੋ ਰੋਜ਼ਾ ਹੈਂਡ-ਆਨ ਵਰਕਸ਼ਾਪ ਦਾ ਆਰੰਭ ਹੋਇਆ ਹੈ | ਉਦਘਾਟਨੀ ਸੈਸ਼ਨ ਵਿਚ ਪ੍ਰੋ. ਅਜਾਤ ਸ਼ਤਰੂ ਅਰੋੜਾ, ਡਾਇਰੈਕਟਰ ਇੰਚਾਰਜ ਸਲਾਇਟ ਨੇ ਸ਼ਿਰਕਤ ਕੀਤੀ | ਪ੍ਰੋ. ਮਨੀਕਾਂਤ ਪਾਸਵਾਨ ਡਾਇਰੈਕਟਰ ਸਲਾਇਟ ਨੇ ਵਰਚੂਅਲ ਮੌਜੂਦਗੀ ਨਾਲ ਵਰਕਸ਼ਾਪ ਦਾ ਰਸਮੀ ਉਦਘਾਟਨ ਕੀਤਾ | ਉਸ ਨੇ ਦੱਸਿਆ ਕਿ ਗਰੀਨ ਫਾਉਂਡਰੀ ਅਭਿਆਸ ਵਾਤਾਵਰਨ ਦੇ ਪ੍ਰਭਾਵ ਨੂੰ ਘੱਟ ਕਰਨ, ਊਰਜਾ ਦੀ ਖਪਤ ਨੂੰ ਘਟਾਉਣ ਅਤੇ ਤਕਨੀਕਾਂ ਦੁਆਰਾ ਮੈਟਲ ਕਾਸਟਿੰਗ ਵਿਚ ਸਰੋਤ ਕੁਸ਼ਲਤਾ ਨੂੰ ਅਨੁਕੂਲ ਬਣਾਉਣ 'ਤੇ ਕੇਂਦਰਿਤ ਹੈ | ਆਪਣੇ ਸੰਬੋਧਨ ਵਿਚ ਇੰਚਾਰਜ ਡਾਇਰੈਕਟਰ ਪ੍ਰੋ: ਏ.ਐਸ. ਅਰੋੜਾ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਹਰੇ ਅਭਿਆਸ ਉਦਯੋਗ 4.0 ਨੂੰ ਸਥਿਰਤਾ ਦੇ ਨਜ਼ਰੀਏ ਤੋਂ ਵਧਾਉਣ ਲਈ ਇੱਕ ਵਿਧੀ ਵਜੋਂ ਕੰਮ ਕਰਦੇ ਹਨ, ਖ਼ਾਸ ਤੌਰ 'ਤੇ ਉਨ੍ਹਾਂ ਖੇਤਰਾਂ ਵਿਚ ਜਿੱਥੇ ਵਾਤਾਵਰਨ ਪ੍ਰਭਾਵ ਮਹੱਤਵਪੂਰਨ ਹੈ | ਉਨ੍ਹਾਂ ਨੇ ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ ਦੀ ਅਜਿਹੇ ਤਕਨੀਕੀ ਵਰਕਸ਼ਾਪਾਂ ਅਤੇ ਪ੍ਰੋਗਰਾਮਾਂ ਦੇ ਆਯੋਜਨ ਲਈ ਸ਼ਲਾਘਾ ਕੀਤੀ ਜੋ ਰਾਸ਼ਟਰੀ ਵਿਕਾਸ ਵਿਚ ਯੋਗਦਾਨ ਪਾਉਂਦੇ ਹਨ | ਮੌਕੇ ਪ੍ਰੋ. ਏ.ਐਸ. ਸ਼ਾਹੀ, ਡੀਨ (ਅਕਾਦਮਿਕ), ਡਾ: ਰਾਕੇਸ਼ ਕੁਮਾਰ, ਡਾ: ਮੁਹੰਮਦ ਮਾਜਿਦ, ਏ.ਆਰ. ਦਿਵੇਸ਼ ਭਾਰਤੀ, ਡਾ. ਰਾਕੇਸ਼ ਕੁਮਾਰ, ਐਸੋਸੀਏਟ ਪ੍ਰੋਫੈਸਰ ਹਾਜ਼ਰ ਸਨ |
