ਧੂਰੀ, 28 ਫਰਵਰੀ (ਲਖਵੀਰ ਸਿੰਘ ਧਾਂਦਰਾ) - ਪ੍ਰੋਪਰਟੀ ਡੀਲਰ ਐਸੋਸੀਏਸ਼ਨ ਧੂਰੀ ਦੇ ਆਗੂਆਂ ਦਾ ਵਫ਼ਦ ਆਪਣੀਆਂ ਮੰਗਾਂ ਨੂੰ ਲੈ ਕੇ ਪ੍ਰਧਾਨ ਅਸੀਸ ਢੰਡ ਦੀ ਅਗਵਾਈ ਹੇਠ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਓ.ਐਸ.ਡੀ. ਸੁਖਬੀਰ ਸਿੰਘ ਸੁੱਖੀ ਨੂੰ ਮਿਲਿਆ, ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰੋਪਰਟੀ ਡੀਲਰ ਐਸੋਸੀਏਸ਼ਨ ਧੂਰੀ ਦੇ ਪ੍ਰਧਾਨ ਅਸੀਸ ਢੰਡ ਨੇ ਦੱਸਿਆ ਕਿ ਓ.ਐਸ.ਡੀ. ਸੁੱਖੀ ਨੇ ਪ੍ਰੋਪਰਟੀ ਡੀਲਰਾਂ ਦੀਆਂ ਮੰਗਾਂ ਨੂੰ ਧਿਆਨ ਨਾਲ ਸੁਣਿਆ ਅਤੇ ਉਨ੍ਹਾਂ ਦੀਆਂ ਮੰਗਾਂ ਦੇ ਹੱਲ ਲਈ ਸੰਬੰਧਿਤ ਅਧਿਕਾਰੀਆਂ ਨੂੰ ਤੁਰੰਤ ਨਿਰਦੇਸ਼ ਦਿੱਤੇ | ਇਸ ਮੌਕੇ ਪ੍ਰੋਪਰਟੀ ਡੀਲਰ ਐਸੋਸੀਏਸ਼ਨ ਧੂਰੀ ਦੇ ਪ੍ਰਧਾਨ ਅਸੀਸ ਢੰਡ ਨੇ ਕਿਹਾ ਕਿ ਉਹ ਪ੍ਰੋਪਰਟੀ ਡੀਲਰਾਂ ਦੀਆਂ ਮੰਗਾਂ ਨੂੰ ਪਹਿਲ ਦੇ ਆਧਾਰ ਤੇ ਹੱਲ ਕਰਨ ਲਈ ਹਮੇਸ਼ਾ ਯਤਨਸ਼ੀਲ ਰਹਿਣਗੇ | ਇਸ ਮੌਕੇ ਕੌਂਸਲਰ ਪੁਸ਼ਪਿੰਦਰ ਸ਼ਰਮਾ, ਸਾਬਕਾ ਕੌਂਸਲਰ ਅਸ਼ਵਨੀ ਧੀਰ, ਆਪ ਆਗੂ ਸੰਦੀਪ ਬਾਂਸਲ, ਵਾਇਸ ਪ੍ਰਧਾਨ ਸੋਨੂੰ ਹੇੜੀਕੇ, ਰਾਕੇਸ਼ ਕੁਮਾਰ, ਖ਼ਜ਼ਾਨਚੀ ਗੋਪਾਲ ਸਿੰਗਲਾ, ਲਖਵੀਰ ਸਿੰਘ ਧਾਂਦਰਾ, ਰੋਮੀ ਢੰਡ, ਬਬਲੂ ਢੰਡ, ਮੂਨੀਸ ਵੋਹਰਾ, ਗੱਗੀ ਖੁਰਮੀ, ਪ੍ਰੀਤ ਧੂਰੀ, ਰਜਿੰਦਰ ਕੁਮਾਰ ਬਾਬਾ, ਪੁਸ਼ਪਿੰਦਰ ਸਿੰਘ, ਸਤਿੰਦਰ, ਪਿੰਕੀ, ਜਿੰਮੀ ਗਰਗ, ਕਿ੍ਸ਼ਨ ਮਿੱਤਲ, ਚੰਦਨ, ਸ਼ੰਕਰ, ਰਾਜੂ ਅਤੇ ਹੋਰ ਵੀ ਹਾਜ਼ਰ ਸਨ |
