ਮੂਲੋਵਾਲ, 18 ਅਪੈ੍ਰਲ (ਰਤਨ ਸਿੰਘ ਭੰਡਾਰੀ)-ਬਹੁਤ ਹੀ ਦੁਖਦਾਈ ਘਟਨਾ ਦੀ ਸੂਚਨਾ ਪ੍ਰਾਪਤ ਹੋਈ ਕਿ ਰਵਨੀਤ ਸਿੰਘ ਰੋਵੀ 14 ਸਾਲ ਨੌਵੀਂ ਜਮਾਤ ਵਿੱਚ ਪੜ੍ਹਦਾ ਸੀ, ਸ਼ਾਮ ਨੂੰ ਟਰੈਕਟਰ ਤੇ ਘਰ ਵਾਪਸ ਪਰਤ ਰਹੇ ਸਨ ਕਿ ਟਰੈਕਟਰ ਦੇ ਬੰਪਰ ਤੇ ਬੈਠੇ ਨੂੰ ਅਚਾਨਕ ਹਿਲਣ ਤੇ ਹੇਠਾਂ ਡਿੱਗਿਆ, ਜਿਸ ਕਾਰਨ ਮੌਤ ਹੋ ਗਈ | ਲੜਕੇ ਦੇ ਦਾਦਾ ਜਥੇਦਾਰ ਬਲਦੇਵ ਸਿੰਘ ਮੂਲੋਵਾਲ ਨੇ ਦੱਸਿਆ ਕਿ ਰਵਨੀਤ ਬਹੁਤ ਹੀ ਹੋਣਹਾਰ ਅਤੇ ਪੜ੍ਹਾਈ ਵਿੱਚ ਬਹੁਤ ਹੁਸ਼ਿਆਰ ਸੀ | ਇਸ ਘਟਨਾ ਦੀ ਖ਼ਬਰ ਮਿਲਦਿਆਂ ਹੀ ਪਿੰਡ ਵਿੱਚ ਸੋਗ ਦੀ ਲਹਿਰ ਫੈਲ ਗਈ |
