ਲੌਂਗੋਵਾਲ, 19 ਮਈ (ਵਿਨੋਦ, ਖੰਨਾ) - ਸਲਾਇਟ ਲੌਂਗੋਵਾਲ ਦੇ ਦੁੱਗਾਂ ਗੇਟ 'ਤੇ ਬਣੇ ਹੋਏ ਸਲਾਇਟ ਸਮੇਤ ਇਲਾਕੇ ਭਰ ਦੀ ਆਸਥਾ ਦਾ ਕੇਂਦਰ ਬਣੇ ਧਾਰਮਿਕ ਅਸਥਾਨ ਸਮਾਧ ਬਾਬਾ ਮੇਹਰ ਦਾਸ ਜੀ ਪਾਓ ਵਾਲੇ ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਬਾਬਾ ਮੇਹਰ ਦਾਸ ਪਾਓ ਵਾਲਾ ਚੈਰੀਟੇਬਲ ਕਮੇਟੀ ਵਲੋਂ ਛਿਮਾਹੀ ਦਾ ਭੰਡਾਰਾ 26 ਮਈ ਨੂੰ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਬਾਬਾ ਮੇਹਰ ਦਾਸ ਪਾਓ ਕਮੇਟੀ ਦੇ ਪ੍ਰਧਾਨ ਗੁਰਚਰਨ ਸਿੰਘ ਅਤੇ ਚੇਅਰਮੈਨ ਗੁਰਸੇਵਕ ਸਿੰਘ ਚਹਿਲ ਨੇ ਦੱਸਿਆ ਕਿ ਸਾਰੇ ਨਗਰਾਂ ਦੀ ਸੁੱਖ ਸ਼ਾਤੀ ਲਈ ਸ੍ਰੀ ਅਖੰਡ ਪਾਠ 24 ਮਈ ਨੂੰ ਪ੍ਰਕਾਸ਼ ਕਰਵਾਏ ਜਾਣਗੇ | ਜਿਸ ਦੇ ਭੋਗ 26 ਮਈ (ਮੰਗਲਵਾਰ) ਪਾਏ ਜਾਣਗੇ | ਇਸ ਮੌਕੇ ਮਿੱਠੂ ਸਿੰਘ, ਗੁਰਮੀਤ ਸਿੰਘ ਕੁੰਨਰਾਂ, ਸਰਪੰਚ ਧੰਨਾ ਸਿੰਘ, ਸੀਤਾ ਰਾਮ, ਬਹਾਲ ਸਿੰਘ, ਬੂਟਾ ਸਿੰਘ, ਬਲਵੰਤ ਸਿੰਘ ਹਾਜ਼ਰ ਸਨ |
